Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7055

11 սեպտեմբերի 2025 ԵՏՀ-ն և ԵԱՏՄ երկրներն աշխատում են ԼՏՕ ինստիտուտի կատարելագործման ուղղությամբ Սեպտեմբերի 10-ին Մաքսային կարգավորման հարցերով խորհրդատվական կոմիտեին կից պրոֆիլային աշխատանքային խմբի նիստում՝ Եվրասիական տնտեսական հանձնաժողովի մաքսային օրենսդրության և իրավակիրառ պրակտիկայի վարչության տնօրեն Կուատ Ռախիմովի ղեկավարությամբ, քննարկել են Եվրասիական տնտեսական միությունում լիազորված տնտեսական օպերատորի (ԼՏՕ) ինստիտուտի կատարելագործման հարցեր: Քննարկվել է Ռուսաստանի Դաշնության նախաձեռնությունը ցածր մակարդակի ռիսկի անձանց այս կատեգորիայի համար նախնական մաքսային հայտարարագրման կիրառման պարզեցման վերաբերյալ: Առաջակվում է պարզեցնել մի շարք մաքսային գործառնություններ և հրաժարվել մաքսատան ավելորդ ծանուցումներից հայտարարագրման այս առանձնահատկությունն օգտագործելիս: Սա կօգնի արագացնել անցակետերում մաքսային հսկողության անցումը և նվազեցնել բիզնեսի ծախսերը: Շարունակել են քննարկել Ղազախստանի Հանրապետության առաջարկը հատուկ տնտեսական գոտու շրջանակներում ռեզիդենտի կողմից ԼՏՕ կարգավիճակի կիրառման վերաբերյալ: Նպատակն այն է, որ երկու կարգավիճակի առկայությունն առավելություններ բերի և ռեզիդենտներին ընդգրկի ԼՏՕ ծրագրում: Քննարկվել են նաև Հայաստանի Հանրապետության նախաձեռնության իրագործման հետագա քայլերը, որն օպերատորներին կարող է հնարավորություն տալ օգտվելու ներմուծման մաքսատուրքի վճարման հետաձգումից կամ տարաժամկետումից՝ առանց ապահովություն ներկայացնելու: Սա վերաբերում է առանձին կատեգորիաների ապրանքներին, որոնք օգտագործվում են արդյունաբերական վերամշակման համար և գյուղատնտեսական գործունեությունում: Լիազորված տնտեսական օպերատորի ինստիտուտը գործընկերային ծրագրի միջազգայնորեն ճանաչված ստանդարտ է, իսկ ԼՏՕ-ն՝ անձանց հատուկ կատեգորիա, որոնց մաքսային գործառնություններ և մաքսային վերահսկողություն իրականացնելիս տրամադրվում են պարզեցումներ՝ որպես որոշակի պահանջներին համապատասխանող անձանց։ ԵԱՏՄ անդամ պետություններում ԼՏՕ ինստիտուտի զարգացման հարցերով աշխատանքային խումբը ստեղծվել է 2014 թվականին: Այն մշակում է Միությունում լիազորված տնտեսական օպերատորի ինստիտուտի կատարելագործման և զարգացման առաջարկներ։

11 սեպտեմբերի 2025 ԵՏՀ-ն և ՇՀԿ-ն ընդլայնում են համագործակցությունը էներգետիկայի և տրանսպորտի ոլորտում Սեպտեմբերի 9-ին Պեկինում (ՉԺՀ) կայացել է Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևի աշխատանքային հանդիպումը Շանհայի համագործակցության կազմակերպության (ՇՀԿ) գլխավոր քարտուղարի տեղակալ Տ.Ռ. Միթհունի նետ: Հանդիպման ընթացքում Արզիբեկ Կոժոշևը նշել է էներգետիկայի առանցքային դերը ԵԱՏՄ և այլ միջազգային միավորումների շրջանակներում եվրասիական ինտեգրման դինամիկ զարգացող գործընթացներում: Նախարարը նաև զրուցակցին տեղեկացրել է ԵԱՏՄ էներգետիկ ռեսուրսների ընդհանուր շուկաների ձևավորման շարունակվող աշխատանքների մասին: ԵՏՀ-ի և ՇՀԿ քարտուղարության միջև փոխգործակցության մասին 2021 թվականի սեպտեմբերի 17-ի հուշագրին համապատասխանէ կողմերի համաձայնեցման փուլում է համատեղ միջոցառումների պլանի նախագիծը, որը հաստատվելուց հետո միավորումների աշխատանքը կշարունակվի ավելի սերտ ձևաչափով: «Հանձնաժողովն ուշադիր հետևում է ՇՀԿ էներգետիկ ակումբի գործունեությանը: Ձեր աշխատանքի կարևոր ուղղություն է էներգետիկ նախագծերի զարգացումը՝ ներառյալ փոխկապակցված էներգետիկ և տրանսպորտալոգիստիկ ենթակառուցվածքների արդիականացումը և կառուցումը: Գազի և նավթի փոխադրման, ինչպես նաև էներգետիկ ռեսուրսների ազատ հասանելիության ապահովման հարցերը ՇՀԿ գերակայությունների թվում են: Դա, ըստ էության, շատ մոտ է ԵԱՏՄ էներգետիկ ռեսուրսների ընդհանուր շուկաների ձևավորման շրջանակներում մեր գործունեությանը», — ընդգծել է Արզիբեկ Կոժոշևը: Կողմերը քննարկել են էներգախնայողության և էներգաարդյունավետության բարձրացման նոր մոտեցումների մշակման, ինչպես նաև վերականգնվող էներգետիկայի զարգացման ոլոտում ԵԱՏՄ-ի և ՇՀԿ-ի փոխգործակցության կազմակերպման հեռանկարները: Բացի այդ, նշվել է, էր ԵԱՏՄ-ում և ՇՀԿ-ում հատկապես կարևորվում է տրանսպորտային միջանցքների զարգացումը: Համագործակցության գերակա ուղղություններից է փոխկապվածության զարգացումը և արդյունավետ տրանսպորտային միջանքների ստեղծումը: «2024 թվականից ԵԱՏՄ անդամ պետությունները և Հանձնաժողովը սկսել են իրականացնել եվրասիական տրանսպորտային միջանցքների զարգացման համալիր պլանը: Փորձագետների գնահատմամբ՝ եվրասիական տրանսպորտային միջանցքներին բաժին է հասնում ԵԱՏՄ տարանցիկ փոխադրումների ծավալի շուրջ 70%-ը», — նշել է Արզիբեկ Կոժոշևը: ԵՏՀ-ն կարևորում է համապատասխան միջազգային կազմակերպությունների և միավորումների, ինչպես նաև միջազգային և տարածաշրջանային ֆինանսական ինստիտուտների հետ տրանսպորտի և ենթակառուցվածքների, մուլտիմոդալ փոխադրումների և բեռների կոնտեյներացման ոլորտի զարգացման ուղղությամբ ջանքերի համակարգման արդյունավետության բարձրացումը: Հանդիպման ընթացքում առաջարկներ են ներկայացվել տրանսպորտային և էներգետիկ ենթակառուցվածքի զարգացման հարցերով ԵԱՏՄ — ՇՀԿ ձևաչափով համատեղ միջոցառումների անցկացման, ինչպես նաև միջազգային մակարդակի միջոցառումներին, համաժողովներին, խորհրդաժողովներին, ՇՀԿ և Եվրասիական տնտեսական հանձնաժողովի պրոֆիլային աշխատանքային մարմինների նիստերին փոխադարձ մասնակցության մասին:

11 սեպտեմբերի 2025 Միջազգային կազմակերպությունները քննարկել են ԵԱՏՄ դերը համաշխարհային ագրոպարենային համակարգում Սեպտեմբերի 11-ին Եվրասիական տնտեսական հանձնաժողովի հարթակում կայացած կլոր սեղանի ընթացքում միջազգային կազմակերպությունները և միավորումները նշել են Եվրասիական տնտեսական միության երկրների մեծ դերը Համաշխարհային ագրոպարենային համակարգում: ԵԱՏՆ, ՇՀԿ, ՊԳԿ, ՊԱԻԿ, ԱՊՀ պետությունների և Ցորենի հարցերով միջազգային խորհրդի ներկայացուցիչները փորձ են փոխանակել պարենային անվտանգության ապահովման ոլորտում ազգային և տարածաշրջանային ռազմավարությունների իրականացման վերաբերյալ: Ուշադրության կենտրոնում էին ցորենի, շաքարի միջազգային առևտրի, գյուղատնտեսական բույսերի ընտրասերման հարցեր, պարենի համաշխարհային շուկայում առկա կառուցվածքային տեղաշարժերը: Քննարկվել են գյուղմթերքի արտահանմանը ապահովագրական աջակցության միջոցները, բարձր մրցակցային ագրոպարենային շղթաներում ԵԱՏՄ ապրանք արտադրողների մասնակցության հեռանկարները: «Եվրասիական «հնգյակի» երկրներն ակտիվորեն առաջ են շարժվում ագրոպարենային շուկայի կարգավորման արդյունավետ մեխանիզմների, այդ թվում՝ ԱԱՀ-ում թվային տեխնոլոգիաների ներդրման հարցերում», — նշել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը: Վերջինիս խոսքով՝ Հանձնաժողովը պատրաստ է հարթակ դառնալ կայուն ագրոպարենային համակարգերի ստեղծման նպատակով համագործակցության հետագա զարգացման համար: Միջոցառմանը մասնակցել են ՇՀԿ գլխավոր քարտուղարի տեղակալ Տ.Ռ. Միթհունը, Պարենային անվտանգության իսլամական կազմակերպության գլխավոր տնօրենի տեղակալ Հուսրավ Նոզիրին, ՊԳՀ-ի Ռուսաստանի Դաշնության հետ շփումների բաժանմունքի տնօրեն Օլեգ Կոբյակովը, Հացահատիկի միջազգային խորհրդի գործադիր տնօրեն Առնո Պետին, ԵԱՏՄ երկրների լիազոր պետական մարմինների, ոլորտային միությունների և ԱԱՀ ոլորտի ընկերակցությունների ներկայացուցիչներ:

10 սեպտեմբերի 2025 Բախիթ Սուլթանով. «Ըստ 2024 թվականի արդյունքների՝ ԵԱՏՄ երկրներում հայտնաբերվել է 6.6 մլն կեղծ ապրանք» Ըստ 2024 թվականի արդյունքների՝ Եվրասիական տնտեսական միության երկրներում հայտնաբերվել է 6.6 մլն կեղծ ապրանք: Արձանագրվել է մտավոր սեփականության ոլորտի 1465 խախտում: Այս տվյալներն արտացոլված են ԵԱՏՄ երկրներում մտավոր սեփականության օբյեկտների նկատմամբ իրավունքների պաշտպանության ոլորտում իրավակիրառ պրակտիկայի մշտադիտարկման մասին 2024 թվականի հաշվետվությունում, որը ներկայացվել է ԵՏՀ կոլեգիային առընթեր Մտավոր սեփականության հարցերով խորհրդատվական կոմիտեի նիստում: Ինչպես նշել է ԵՏՀ տնտեսության և ֆինանսական քաղաքականության նախարար Բախիթ Սուլթանովը, առավել հաճախ կեղծվում են մասսայական պահանջարկ ունեցող ապրանքները: «Հակավարկանիշը գլխավորել են առօրյա պահանջարկ ունեցող ապրանքները՝ հագուստը և կոշիկը, կենցաղային տեխնիկան, ավտոպահեստամասերը, ինչպես նաև օծանելիքը և կոսմետիկան: Հենց այս կատեգորիաներն են առավել խոսելի խախտողների համար», — հայտնել է ԵՏՀ նախարարը: Նիստի մասնակիցները քննարկել են ԵԱՏՄ շրջանակներում մտավոր սեփականության ոլորտի առանցքային նախաձեռնությունները: Ուշադրության կենտրոնում է Համացանցում խախտումների կանխման համաձայնեցված մոտեցումների մշակումը, արդյունաբերական սեփականության օբյեկտների ստուգման համար որոնողական սերվիսի ստեղծումը: Այս միջոցները Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման պլանի մի մասն են և ուղղված են բիզնեսի և սպառողների համար անվտանգ և թափանցիկ միջավայրի ստեղծմանը: Քննարկվել են նաև ՄՍ օբյեկտների միասնական մաքսային գրանցամատյանի գործարկումը և ԵԱՏՄ ապրանքների ապրանքային նշանների և ծագման վայրերի անվանումների գրանցման համակարգի ներդրումը: Բացի այդ, քննարկվել է մաքսային մարմինների և իրավատերերի միջև էլեկտրոնային տեղեկատվական փոխանակման կազմակերպման և Հավաքական հիմքով հեղինակային և հարակից իրավունքների կառավարման կարգի մասին համաձայնագրում փոփոխություններ կատարելու հնարավորությունը: ԵՏՀ կոլեգիային առընթեր Մտավոր սեփականության հարցերով խորհրդատվական կոմիտեն, որի կազմում ընդգրկված են մասնակից երկրների պրոֆիլային նախարարությունների ղեկավարներ և բիզնեսի ներկայացուցիչներ, գործում է 2012 թվականից: Կոմիտեի առանցքային խնդիրը ԵԱՏՄ շրջանակներում ՄՍ պաշտպանության ոլորտի համաձայնեցված լուծումների մշակումն է:

10 սեպտեմբերի 2025 Վալենտին Տատարիցկի. «Սննդամթերքին ներկայացվող միասնական պարտադիր պահանջների սահմանումը նպաստում է առևտրում տեխնիկական արգելքների վերացմանը» Եվրասիական տնտեսական հանձնաժողովի տեխնիկական կարգավորման նախարար Վալենտին Տատարիցկին Սոչիում ԵԱՏՄ պարենային կոնգրեսի տարածաշրջանների կաթնամթերքի 3-րդ համաժողովի ընթացքում խոսել է Եվրասիական տնտեսական միության շրջանակներում ընդունված սննդամթերքի անվտանգության ոլորտի կարգավորման միասնական համակարգի, ստանդարտացման դերի ավելացման անհրաժեշտության, ոչ անվտանգ արտադրանքից ընդհանուր շուկայի պաշտպանության կարևորության մասին: «Սննդամթերքին ներկայացվող միասնական պարտադիր պահանջների սահմանումը նպաստում է առևտրում տեխնիկական արգելքների վերացմանը, արտահանմանն ուղղված և նորարարական արտադրանքի արտադրության համար պայմանների ստեղծմանը», — ընդգծել է ԵՏՀ նախարարը: Առանձին Վալենտին Տատարիցկին անդրադարձել է ԵԱՏՄ տեխնիկական կանոնակարգերում կաթնամթերքին, դրա արտադրման գործընթացներին, մակնշմանը, իրացմանը ներկայացվող պարտադիր պահանջների սահմանման հարցերին, հայտնել է դրանցում կատարված փոփոխությունների և անվտանգության ցուցանիշներին վերաբերող նոր պահանջների մասին: Ըստ ԵՏՀ նախաարի՝ սա ապահովում է Միության տարածքով նման ապրանքների ազատ տեղափոխման հնարավորությունը: Առևտրի գլոբալացման և դրա հետ կապված ռիսկերի պայմաններում սննդամթերքի, այդ թվում՝ կաթնամթերքի անվտանգության ապահովման կարևոր մաս են Եվրասիական տնտեսական միությունում ՍԲՍ միջոցների մշակումը և կիրառումը: «ՍԲՍ միջոցների ոլորտում ստեղծված միասնական նորմատիվ իրավական բազայի արդիականացման աշխատանքները շարունակվում են համակարգային հիմունքներով», — ամփոփել է Վալենտին Տատարիցկին: Համաժողովը կազմակերպվել է Կաթնամթերքի հարավային միության կողմից: Ավանդաբար դրա մասնակիցներն են, ի թիվս այլնի, Ռուսաստանի տարածաշրջանների կաթնամթերքի ոլորտի և պրոֆիլային պետական մարմինների ներկայացուցիչներ: Համաժողովի ընթացքում ԵՏՀ տեխնիկական կարգավորման բլոկի վարչությունների ներկայացուցիչները սեպտեմբերի 11-ին կլոր սեղանի շրջանակներում կազմակերպում են պարենի հետագծելիության համակարգերի զարգացման և կաթնային անասնաբուծության ոլորտը պլանավորելիս անասնաբուժական ռիսկերի կառավարման արդիական հարցերի քննարկում:

08 սեպտեմբերի 2025 Մաքսիմ Երմոլովիչ. «ԵՏՀ-ն գործնական երկխոսություն է հաստատել ՉԺՀ շուկայի կարգավորման պետական վարչության հետ» ՍԵպտեմբերի 8-ին Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը ելույթ է ունեցել Չինաստանի Ժողովրդական Հանրապետության արդար մրցակցության քաղաքականության հարցերով միջազգային համաժողովի «Միասնական ազգային շուկա, բարեխիղճ մրցակցություն՝ հանուն ապագայի. Ավելի արդար և դինամիկ շուկայական միջավայրի ստեղծում» խորագրով լիագումար նստաշրջանին: ԵՏՀ նախարարը տեղեկացրել է ժամանակակից մարտահրավերներին մրցակցային քաղաքականության հարմարեցման ուղղությամբ Հանձնաժողովի գործունեության մասին և նշել մրցակցության ոլորտում ՉԺՀ-ի հետ համագործակցության առանցքային ուղղությունները: Ընդ որում, նա նշել է, որ ԵՏՀ-ն գործնական երկխոսություն է հաստատել ՉԺՀ շուկայի կարգավորման պետական վարչության հետ»: «Չինաստանը Եվրասիական տնտեսական միության և նրա անդամ պետությունների ռազմավարական գործընկերներից է: Մեր գործընկերությունը դինամիկ զարգանում է՝ հարմարվելով փոփոխվող իրողություններին, միաժամանակ պահպանելով գործնական փոխգործակցության ամրությունը և խորությունը: Վերջին տարիներին մենք ամրապնդել ենք մրցակցության ոլորտում մեր համագործակցությունը՝ փորձ փոխանակելով օրենսդրական նորույթների, իրավակիրառության, մրցակցության քարոզչության հարցերում», - ընդգծել է Մաքսիմ Երմոլովիչը: ԵՏՀ նախարարն առանձին անդրադարձել է մրցակցության բլոկի մի շարք նախաձեռնություններին՝ ներառյալ հատվածային հետազոտությունները, ներկայացրել Միության երկրների և դիտորդ պետությունների գործարար համայնքի, մրցակցային մարմինների հետ փոխգործակցության փորձը՝ նշելով միջազգային համագործակցության կարևոր դերը:

05 սեպտեմբերի 2025 Անդրեյ Սլեպնը. «Եվրասիական տնտեսական միությունը Մեծ Եվրասիական գործընկերության կարևոր օղակ է» Այս մասին հայտարարել է Եվրասիական տնտեսական հանձնաժողովի առևտրի նախարար Անդրեյ Սլեպնևը՝ ելույթ ունենալով Արևելյան տնտեսական համաժողով-2025-ի շրջանակներում կայացած «Մեծ Եվրասիական գործընկերություն. մայրցամաքի զարգացման նոր պարադիգմեր» խորագրով նստաշրջանի ընթացքում։ «Այսօր մենք կարող ենք արձանագրել, որ Ռուսաստանի Դաշնության նախագահ Վլադիմիր Վլադիմիրի Պուտինի կողմից հայտարարված Մեր Եվրասիական գործընկերության (ՄԵԳ) գաղափարը լուրջ և աճող աջակցություն ունի: Եվ հատկապես մենք սա տեսնում ենք ներկայումս՝ Եվրասիայի բազմաթիվ երկրների համար այս դժվար ժամանակաշրջանում», — ասել է նա: Այս կապակցությամբ ԵՏՀ առևտրի նախարարը նշել է, որ «նախաձեռնության գործնական լիցքավորումը տալիս է ինքը՝ կյանքը, և այս լիցքավորումն ընդլայնվում է»: COVID-19-չի ազդեցության ներքո աճել են լոգիստիկայի գծով շփումները, երբ բոլորը հասկացան, որ անհրաժեշտ է երթուղիների տարբերակում և կապվածության ամրապնդում: Ըստ Անդրեյ Սլեպնևի՝ տարբեր մարտահրավերների ազդեցության տակ էլ ավելի մեծ ըմբռնում է ստանում ֆինանսական հաշվարկների անվտանգության ամրապնդման և միջազգային առևտրի կայուն զարգացման համար ձևաչափեր գտնելու գաղափարը: «Ինչ վերաբերում է Եվրասիայի հինգ երկրները միավորող Եվրասիական տնտեսական միությանը, ապա այն գործընկերության կարևորագույն օղակներից է: Այս առումով մենք ամբողջությամբ գործում ենք ՄԵԳ գաղափարախոսությամբ և ոգով: Մենք ակտիվորեն զարգացնում ենք գործնական գործիքները, որոնց կցանկանայի ավելի մանրամասն անդրադառնալ», — ընդգծել է Անդրեյ Սլեպնևը: Զարգացնելով թեման՝ ԵՏՀ նախարարը խոսել է ազատ առևտրի մասին համաձայնագրի շուրջ Հանձնաժողովի աշխատանքի մասին: Նման համաձայնագրերը թույլ են տալիս հեռանալ սակագներից և որոշակի իմաստով պատասխան տալ այսօր որոշ երկրների կողմից պաշտպանվող հակառակ մոտեցումներին: Այստեղ, ըստ Անդրեյ Սլեպնևի, կարևոր է ոչ միայն «բարձրացնել շլագբաումը»՝ սակագնային արգելքների նվազեցման տեսքով, այլև լավ ճանապարհային քարտեզ ստեղծել, ճանապարհ կառուցել բիզնեսի համար, որը կօժանդակեր կոոպերացիայի կառուցման գործում: «Խոսքը, ի թիվս այլնի, նաև մայրցամաքի ցամաքային կապվածության մասին է, որտեղ կարևոր է մասնագիտական բազմակողմ երկխոսությունը, որպեսզի տրանսպորտը նախարարները հավաքվեն մեկ սեղանի շուրջ և պայմանավորվեն խնդրահարույց հարցերի լուծման և տրանսպորտային միջանցքների թվայնացման մասին: Սակայն ոչ պակաս կարևոր են ֆինանսական գործիքները, ինչպես նաև ստանդարտների հետ կապված հարցերը, որոնք հզոր խոչընդոտ են առևտրում, որը վնասում է ոչ պակաս, քան չափազանց բարձր սակագները», — նշել է ԵՏՀ նախարարը: Առանձին անդրադարձ է կատարվել թվայնացման և կլիմայական օրակարգի հարցերին, որոնք պահանջում են քննարկում և գործնական լուծումների հայտնաբերում, այդ թվում՝ ՇՀԿ և ԲՐԻԿՍ շրջանակներում: «Գործընկերությունը բաժանման բացակայությունն է: Մեր առաջնորդները գործում են գործընկերային ոգով: Սակայն մենք դեռ պետք է միասին աշխատենք մասնագիտական մակարդակում բոլոր խոչընդոտները վերացնելու համար», — ամփոփել է Անդրեյ Սլեպնևը:

05 սեպտեմբերի 2025 Ռուսլան Դավիդով. «Հեռավոր Արևելքը կարևոր դերակատարում ունի ԵԱՏՄ երկրների տրանսպորտային ներուժի զարգացման գործում» Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը ելույթ է ունեցել Արևելյան տնտեսական համաժողովի «Հեռավոր Արևելքի դերը Ռուսաստանի տրանսպորտային ինքնիշխանության ապահովման գործում» թեմայով նստաշրջանում և խոսել Եվրասիական տնտեսական միության երկրների տրանսպորտային ներուժի զարգացմանը և ամրապնդմանն ուղղված նախագծերի իրագործման մասին: «Տարանցման միասնական համակարգի ներդրումը, նավիգացիոն կապարակնիքների կիրառումը, անցակետերի սարքավորմանն ու կահավորմանը ներկայացվող միասնական պահանջների մշակումը, ինչպես նաև էլեկտրոնային առևտրի կարգավորման ձևավորումը՝ սրանք են ԵԱՏՄ տարանցման ներուժի զարգացման ուղղությամբ Եվրասիական տնտեսական հանձնաժողովի աշխատանքի առանցքային ուղղությունները», — նշել է Ռուսլան Դավիդովը: ԵՏՀ նախարարը նաև հայտնել է, որ Վլադիվոստորի ծովային առևտրային նավահանգստում սկսել է գործել նավահանգստային տեսակի հսկիչ-զննման համալիրը, որը թույլ է տալիս սկանավորել փոխադրամիջոցը և ապրանքներով բեռնարկղը առանց վարորդի կողմից իր խցիկից դուրս գալու: Նրա խոսքով՝ նման տեխնոլոգիաները պետք է հիմք դառնան եվրասիական «հնգյակի» բոլոր երկրների խելացի անցակետերի համար: Նստաշրջանին նաև մասնակցել են Ռուսաստանի Դաշնության նախագահի աշխատակազմի, Ռուսաստանի Դաշնության տրանսպորտի նախարարության, գործարար համայնքի ներկայացուցիչներ:

Ցուցադրել ավելին