арм

Նորություններ

ԵՏՀ ԶԼՄ-ներում Ֆոտոսրահ Տեսադարան
02 հուլիսի 2025 Բակիտժան Սագինտաևը շնորհավորել է Ալեքսանդր Տուրչինին հոբելյանի առթիվ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորել է Բելառուսի Հանրապետության վարչապետ Ալեքսանդիր Տուրչինին 50-ամյա հոբելյանի առթիվ։ «Դուք ծանրակշիռ ներդրում ունեք Եվրասիական տնտեսական միության տարածքում փոխշահավետ համագործակցության ամրապնդման գործում», — ասված է շնորհավորական նամակում։  ԵՏՀ-ի և անձամբ իր անունից Բակիտժան Սագինտաևը Ալեքսանդր Տուրչինին մաղթել է քաջառողջություն, բարեկեցություն և բոլոր նախատեսված ծրագրերի իրականացում՝ ի շահ Բելառուսի Հանրապետության և նրա քաղաքացիների։
01 հուլիսի 2025 Փոփոխություններ են կատարվել կոսմետիկական արտադրանքի ստանդարտների մշակման ծրագրում Եվրասիական տնտեսական հանձնաժողովի Կոլեգիան կողմից հաստատել է «Օծանելիքակոսմետիկական արտադրանքի անվտանգության մասին» տեխնիկական կանոնակարգի իրականացումն ու կիրառումը ապահովող միջպետական ստանդարտների մշակման ծրագրի փոփոխությունները: Փոփոխությունները նախատեսում են հինգ միջպետական ստանդարտի մշակում, այդ թվում՝ Չինաստանի Ժողովրդական Հանրապետության ստանդարտների հիման վրա օծանելիքակոսմետիկական արտադրանքում ֆորմալդեհիդի որոշման երկու ստանդարտ, ISO միջազգային ստանդարտների հիման վրա արևապաշտպան միջոցների փորձարկման մեթոդների երկու ստանդարտ և SMIIC Իսլամական երկրների ստանդարտացման և չափագիտության ինստիտուտի ստանդարտի հիման վրա Halal օծանելիքակոսմետիկական արտադրանքի վերաբերյալ մեր ստանդարտ: Նաև նախատեսվում է փոփոխություն կատարել ինը միջպետական ստանդարտում:
30 հունիսի 2025 Եվրասիական տնտեսական համաժողովում քննարկել են խելացի տրանսպորտային համակարգերի ներդրումը Եվրասիական տնտեսական միության պետություններում խելացի տրանսպորտային համակարգերի ներդրման հեռանկարները քննարկման առարկա են դարձել Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևի և Ռուսաստանի «Տրանսպորտի թվային դարաշրջան» տրանսպորտի թվային տեխնոլոգիաների զարգացման ընկերակցության նախագահ Ալեքսանդր Սյոմկինի աշխատանքային հանդիպմանը, որը կայացել է Մինսկում՝ Եվրասիական տնտեսական համաժողովի շրջանակներում: Բանակցությունների ընթացքում ԵՏՀ նախարարը տեղեկացրել է ԵԱՏՄ անդամ պետությունների խելացի տրանսպորտային համակարգերի փոխգործակցության կատարելագործման հայեցակարգի իրականացման մասին, որը ստացել է ԵՏՀ խորհրդի հավանությունը այս տարվա հունվարին: Հանդիպման մասնակիցները մտքեր են փոխանակել իրականացման ենթակա բազային ծառայությունների ցանկի, ինչպես նաև Միության երկրների ԽՏՀ տեղեկատվական փոխգործակցության ձևաչափերին ներկայացվող պահանջների միասնականացման մասին: «Հաշվի առնելով մեր պետություններում ԽՏՀ ներդրման տարբեր մակարդակը՝ չափազանց կարևոր է ստեղծել ԵԱՏՄ անկարան թվային տարածք, որը հիմնված կլինի միասնականացված ստանդարտների ու պահանջների վրա», — ընդգծել է Արզիբեկ Կոժոշևը: Կողմերը պայմանավորվել են շարունակել նշված հարցերի քննարկումը սեպտեմբերին կայանալիք «Ռուսաստանի խելացի տրանսպորտային համակարգեր. Տրանսպորտի թվային դարաշրջան»  ամենամյա միջազգային համաժողովի շրջանակներում:
30 հունիսի 2025 Թաիլանդի ձեռնարկատերերը դրական են գնահատել ԵԱՏՄ շուկայում աշխատանքի հեռանկարները Թաիլանդի ձեռնարկատիրական համայնքի հարցումով Եվրասիական տնտեսական հանձնաժողովը՝ Ռուսաստանի Դաշնությունում Թաիլանդի Թագավորության դեսպանության և Մոսկվայում Թայլանդի առևտրի կենտրոնի հետ համատեղ կազմակերպել է «ԵԱՏՄ. հեռանկարային շուկաներ Թաիլանդի ձեռնարկատերերի համար դինամիկ միջազգային առևտրի պայմաններում» թեմայով առցանց սեմինար: «Ձևավորվել է Եվրասիական տնտեսական միության և Թաիլանդի փոխգործակցության զարգացած և հասկանալի ենթակառուցվածք: ԵՏՀ-ն և Թաիլանդի կառավարությունը շարունակում են իրականացնել 2018 թվականին կնքված համագործակցության հուշագիրը: Կայացել է համատեղ աշխատանքային խմբի երկու նիստ: Սահմանվել են առավել հետաքրքրություն ներկայացնող համագործակցության առանցքային ոլորտներ», — պատմել է ԵՏՀ ինտեգրման զարգացման վարչության տնօրեն Միքայել Բելլույանը: Նա նաև նշել է, որ ԵԱՏՄ և Թաիլանդի երկխոսությունը բաց է բիզնեսի համար: ԵՏՀ-ի կողմից կազմակերպվող միջոցառումների մեծ մասը, այդ թվում՝ որոնք ուղղված են ԱՍԵԱՆ-ի երկրներին, անցկացվում է բիզնես լսարանի համար և թույլ է տալիս ուղիղ հաղորդակցություն ստեղծել ձեռնարկատերերի միջև: Վարչության ղեկավարը նշել է համագործակցության հնարավեր հեռանկարային ոլորտները, որոնք կարող են դառնալ ԵԱՏՄ և Թայլանդի միջև՝ գործարար շրջանակների մասնակցությամբ, երկխոսության զարգացման շարժիչ ուժը: Դրանք են թվայնացումը, արդյունաբերական համագործակցությունը և պարենային անվտանգությունը, տրանսպորտը և լոգիստիկան, ինչպես նաև ֆինանսական ծառայությունների հատվածը՝ ներառյալ վճարումների կատարման հարցերը: Թաիլանդի Թագավորության առևտրի նախարարության միջազգային առևտրին աջակցության վարչության տնօրեն Սունանտա Քանգվալքուլքիջն իր հերթին դրական է գնահատել ԵԱՏՄ յուրաքանչյուր պետության հետ Թաիլանդի առևտրատնտեսական համագործակցության բարձր ներուժի իրականացման հնարավորությունը: Սեմինարի ընթացքում քննարկվել են ԵԱՏՄ շուկա մուտքի գործնական ընթացակարգերը, Միությունում առևտրային քաղաքականությունը և մաքսասակագնային կարգավորումը, արդյունաբերության, տրանսպորտի, լոգիստիկայի ոլորտում անդամ պետությունների և Թաիլանդի համագործակցության ներուժը: Թաիլանդի գործարար շրջանակների ներկայացուցիչները տեղեկատվություն են ներկայացրել ԵԱՏՄ շուկայում իրենց աշխատանքի դրական օրինակների մասին:
27 հունիսի 2025 Անդրեյ Սլեպնև. «ԵԱՏՄ-ում ապրանքների մակնշումն ապացուցել է իր արդյունավետությունը» Այս մասին հայտարարել է Եվրասիական տնտեսական հանձնաժողովի առևտրի նախարար Անդրեյ Սլեպնևը հունիսի 27-ին Մինսկում՝ Եվրասիական տնտեսական բարձրագույն խորհրդի նիստում նույնականացման միջոցներով ապրանքների մակնշման համակարգի զարգացման հարցի քննարկման արդյունքում: «Սկսած 2019 թվականից՝ Եվրասիական տնտեսական միությունում, ընդհանուր առմամբ, մակնշվել է շուրջ 274 միլիարդ միավոր ապրանք: Ապացուցված արդյունքներն են շուկայի «սպիտակեցումը», կեղծ արտադրանքի մակարդակի նվազումը, օրինական ընկերությունների թվի բարձրացումը, բարեխիղճ արտադրողների եկամտաբերության աճը և բյուջեն լցնելու մակարդակի բարձրացումը», — նշել է Անդրեյ Սլեպնևը: Մակնշման արդյունքը հաստատվել է ԵԱՏՄ երկրների տվյալներով: Օրինակ՝ Հայաստանում ապրանքներ օրինական արտադրողների ու ներմուծողների թվի աճը կազմել է 7%: Ղազախստանում կեղծ ծխախոտային արտադրանքի շրջանառությունը նվազել է 24.7 մլն դոլարով: Ռուսաստանի Դաշնությունում կաթնամթերքի մասով շուկայի սպիտակեցման մակարդակի աճը հասել է 22%-ի, թեթև արդյունաբերության՝ 36%-ի, կոշիկի՝ 18%, օծանելիքի մասով՝ 43%-ի: «Անդամ պետությունների բյուջեները նույնպես զգալիորեն շահել են մակնշում ներդնելուց: Հարկերի ու տուրքերի մուտքերի ավելացումը նկատվում է բոլոր երկրներում և ուղղակիորեն կախված է այն ապրանքների կատեգորիաների թվից, որոնց նկատմամբ երկրում մակնշում է կիրառվել», — հայտնել է Անդրեյ Սլեպնևը: Օրինակ՝ Ռուսաստանում, որտեղ մակնշվում են առավելագույն թվով ապրանքների կատեգորիաներ, մակնշված արտադրանքի իրացումից բյուջեի լրացուցիչ մուտքերի ծավալը կազմել է 15 մլրդ դոլար, Ղրղզստանում՝ 68 մլն դոլար: Բելառուսում, որտեղ նախկինում գործում էր ազգային մակնշում, որը թույլ տվեց դեռևս մինչև համամիութենական կանոններ ներդնելը էապես «սպիտակեցնել» շուկան, բյուջեի լրացուցիչ մուտքերի ծավալը հասել է 4.64 մլն դոլարի: Հաջորդ քայլը կդառնա մակնշման համակարգի հետագա բարելավումը, որն ուղղված է ապօրինի արտադրանքի դեմ ավելի արդյունավետ պայքարին:  «Առաջնահերթ նպատակ է մակնշման ազգային համակարգերի դերի ավելացումը ապրանքների ծագման օրինականության և անվտանգության նկատմամբ վերահսկողության համար», — ընդգծել է Անդրեյ Սլեպնևը: Բացի այդ, Միության մակարդակով կշարունակվի մակնշման միութենական համակարգի տեխնոլոգիական կատարելագործման և մակնշված ապրանքի ազատ տեղաշարժի իրավական ապահովման աշխատանքը:
27 հունիսի 2025 Աշխատանքային միգրացիան ԵՏՀ-2025-ում համարել են կայուն տնտեսական աճի ռեսուրս Հունիսի 26-ին Եվրասիական տնտեսական համաժողովի շրջանակներում անցկացվել է «Աշխատանքային միգրացիան՝ որպես ԵԱՏՄ անդամ պետությունների կայուն տնտեսական աճի ռեսուրս. պայմանների ձևավորում ԵԱՏՄ շրջանակներում որակյալ և գիտական մասնագետների ներգրավման և զարգացման համար» թեմայով կլոր սեղան, որին մասնակցել է Եվրասիական տնտեսական հանձնաժողովի մակրոտնտեսական քաղաքականության վարչության տնօրեն Ալեքսեյ Վեդևը: Նա պատմել է Եվրասիական տնտեսական միության երկրների գիտատեխնոլոգիական համագործակցության հեռանկարների մասին՝ այս կապակցությամբ նշելով ԵԱՏՄ մասին պայմանագրի առանցքային դերը: Նրա խոսքով՝ այդ փաստաթուղթը գիտության և տեխնոլոգիաների ոլորտում փոխգործակցության հիմքն է: ԵՏՀ ներկայացուցիչն ընդգծել է, որ Եվրասիական տնտեսական միության շրջանակներում ավելի արդյունավետ փոխգործակցության և ոլորտային նախաձեռնությունների իրականացման համար Հանձնաժողովն անդամ պետությունների հետ համատեղ մշակել է Մինչև 2025 թվականը ԵԱՏՄ-ի տնտեսական զարգացման ռազմավարական ուղղությունները: Միության երկրների հետագա աշխատանքը կառուցվում է «Եվրասիական տնտեսական ուղի» մինչև 2030 թվականը և մինչև 2045 թվականն ընկած ժամանակահատվածում ԵԱՏՄ շրջանակներում տնտեսական գործընթացների զարգացման մասին ընդունված հռչակագրի հիման վրա: Ներկայումս նախապատրաստվում է դրա իրականացման միջոցառումների պլանը: Հռչակագրում ամրագրված և գիտատեխնիկական ու նորարարական համագործակցությանն աջակցությանը ուղղված կարևոր միջոցների թվում է, ըստ Ալեքսեյ Վեդևի, արդյունաբերությունում և ագրոարդյունաբերական համալիրում նորարարական մոտեցումների ներդրումը, էներգետիկայի ոլորտի ժամանակակից տեխնոլոգիաների զարգացումը և մի շարք այլ միջոցներ:
27 հունիսի 2025 Արզիբեկ Կոժոշև. «Ընդհանուր շուկան կապահովի էլեկտրաէներգիայի անդրսահմանային առևտրի հավասար հասանելիություն» Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը Մինսկում՝ ԵՏՀ-2025-ում մասնակցել է «ԵԱՏՄ ընդհանուր էլեկտրաէներգետիկ շուկա. հայացք դեպի ապագա» կլոր սեղանի աշխատանքներին, որը նվիրված էր եվրասիական «հնգյակի» պետությունների էլեկտրաէներգետիկ շուկաների ինտեգրման հեռանկարներին: «Ընդհանուր շուկան կապահովի էլեկտրաէներգիայի անդրսահմանային առևտրի հավասար հասանելիություն, կընդլայնի փոխադարձ առևտրի ծավալներն ու եղանակները, թույլ կտա հավասարեցնել Եվրասիական տնտեսական միության երկրների էներգետիկ համակարգերի բեռնվածքի ժամանակացույցը և հրաժարվել գեներացնող հզորությունների ավելորդ կառուցումից: Սա կբարձրացնի անդամ պետությունների էներգետիկ անվտանգությունը», — նշել է Արզիբեկ Կոժոշևը: Միջոցառման մասնակիցները նշել են ԵԱՏՄ ընդհանուր էլեկտրաէներգետիկ շուկայի նորմատիվ բազայի ձևավորման առաջընթացը, քննարկել էլեկտրաէներգիայի ներքին շուկաների բարեփոխման ու զարգացման առանձնահատկությունները ինտեգրման համատեքստում և սահմանել ապագա շուկայի գործունեության պայմաններում Միության երկրների տնտեսության իրական հատվածի և գործարար համայնքի զարգացման հեռանկարներն ու գերակայությունները: «Ներկա պահի դրությամբ հաստատված է էլեկտրաէներգիայի շուկայի գործունեության գրեթե ամբողջ նորմատիվ բազան, զգալի չափով պատրաստ է Միանալու մասին պայմանագիրը և կանոնակարգերը: Միևնույն ժամանակ, չափազանց կարևոր է հետևել Պայմանագրում ամրագրված և կանոններում իրագործված ընդհանուր էլեկտրաէներգետիկ շուկայի ձևավորման ու գործունեության սկզբունքներին, այդ թվում՝ հաշվի առնելով էլեկտրաէներգետիկայի լայն ազդեցությունը տնտեսության իրական հատվածի վրա», — տեղեկացրել է Արզիբեկ Կոժոշևը: Կլոր սեղանին մասնակցել են ավելի քան 50 ոլորտային կազմակերպությունների ղեկավարներ և փորձագետներ, վերահաստատելով բիզնեսի ու կարգավորիչների մեծ հետաքրքրվածությունը ընդհանուր էլեկտրաէներգետիկ տարածքի ձևավորմամբ: Քննարկմանը մասնակցել են ԵԱՏՄ պետությունների էներգետիկ գերատեսչությունների ղեկավարներ, ենթակառուցվածքային և բորսայական կազմակերպությունների ներկայացուցիչներ:
27 հունիսի 2025 ԵԱՏՄ և Նիկարագուա. շփումների ընդլայնման և առևտրատնտեսական երկխոսության ակտիվացման երկկողմ մտադրություն Մինսկում ընթացող Եվրասիական տնտեսական համաժողովի շրջանակներում կայացել է ԵՏՀ և Նիկարագուայի կառավարության փոխգործակցության հարցերով աշխատանքային խմբի համանախագահներ՝ ԵՏՀ ինտեգրման և մակրոտնտեսության նախարար Էլդար Ալիշերովի և Նիկարագուայի նախագահի ներդրումների, առևտրի և միջազգային համագործակցության հարցերով խորհրդական Լաուրեանո Օրտեգա Մուրիլյոյի հանդիպումը: «2024 թվականին ստորագրելով ԵՏՀ և Նիկարագուայի կառավարության միջև փոխգործակցության հուշագիրը, մենք մեր երկխոսությունը բերեցինք որակապես նոր մակարդակ: Մեր ընդհանուր նպատակն է դարձել առևտրատնտեսական համագործակցության ավելացման ու տարբերակման, փոխադարձ հետաքրքրություն ներկայացնող ոլորտային ուղղություններով փորձի փոխանակման համատեղ ջանքերի համակարգումը, ինչպես աջակցությունը ԵԱՏՄ և Նիկարագուայի գործարար շրջանակների ներկայացուցիչներին ուղիղ փոխգործակցություն հաստատելու գործում», — նշել է Էլդար Ալիշերովը: Համանախագահները տեղեկատվություն են փոխանակել 2024 թվականի վերջին համատեղ աշխատանքային խմբի նիստից հետո կողմերի կատարած աշխատանքի մասին՝ ընդգծելով ոլորտային երկխոսության զարգացման մեծ ներուժը: ԵՏՀ նախարարը նաև նշել է. «Համատեղ լուծելով առևտրատնտեսական համագործակցության ծավալների փոխշահավետ ավելացման խնդիրը, անհրաժեշտ է ավելի լավ ճանաչել միմյանց, վերացնել առևտրային հնարավորությունների և բիզնեսի վարման պայմանների մասին տեղեկատվության պակասը: Բիզնեսը մեր երկխոսության հիմնական շարժիչ ուժն ու շահառուն է»: Լաուրեանո Օրտեգա Մուրիլյոն հայտնել է, որ այս համատեքստում է ընթանում Մոսկվայում համատեղ աշխատանքային խմբի նախորդ նիստում ձեռք բերված պայմանավորվածությունների մշակումը: Նա նաև նշել է, որ Նիկարագուան ուսումնասիրում է ԵԱՏՄ-ին կից դիտորդ պետության կարգավիճակ ստանալու հարցը, սա վերահաստատում է Նիկարագուայի հետաքրքրվածությունը ԵԱՏՄ անդամ պետությունների և ԵՏՀ-ի հետ առևտրատնտեսական փոխգործակցության հետագա ակտիվացմամբ: Էլդար Ալիշերովը ի պատասխան պարզաբանել է նման կարգավիճակ ստանալու ընթացակարգային հարցերը: Աշխատանքային խմբի համանախագահներն արձանագրել են, որ հետագայում համատեղ աշխատանքային խմբին նպատակահարմար է կենտրոնանալ տեխնիկական կարգավորման, սանիտարական, բուսասանիտարական և անասնաբուժական միջոցների կիրառման, սպառողների իրավունքների պաշտպանության, դեղագործության և կենսատեխնոլոգիաների հարցերի վրա: Հաշվի առնելով ԵԱՏՄ-ի և Նիկարագուայի աշխարհագրական հեռավորությունը՝ նպատակահարմար է ուշադրություն դարձնել այն հատվածների վրա, որոնք կապված չեն մեծ տրանսպորտային ծախսերի հետ, և թվայնացման զարգացմանն ու ծառայությունների տրամադրմանն ուղեկցող հարցերի վրա: ԵՏՀ-ի և Նիկարագուայի կառավարության փոխգործակցության հարցերով համատեղ աշխատանքային խմբի հերթական լիաձևաչափ նիստը նախատեսված է ընթացիկ տարվա վերջին:
Ցուցադրել ավելին

Պաշարներ ԵՏՄ