Նորություններ
Փոփոխություններ են կատարվել ցածր լարման սարքավորումների տեխնիկական կանոնակարգում
Եվրասիական տնտեսական հանձնաժողովի խորհուրդը փոփոխություններ է կատարել ցածր լարման սարքավորումների տեխնիկական կանոնակարգում: Մասնավորապես, դրա կիրառման ոլորտից բացառվում են շահագործման մեջ եղած ցածր լարման սարքավորումները։ Բացառված են նաև ցածր լարման սարքավորումները, որոնք մտնում են Եվրասիական տնտեսական միության երեք տեխնիկական կանոնակարգերի՝ մեքենաշինական արտադրանքի, վերելակների և պայթյունավտանգ միջավայրերում աշխատելու համար սարքավորումների (բացառությամբ մալուխների, լարերի, քուղերի) կիրառման ոլորտի մեջ:
Հստակեցվել են հասկացությունների ապարատը, շահագործման փաստաթղթերում նշված տեղեկությունների կազմը, ցածր լարման սարքավորումների ցանկը, որը ենթակա է սերտիֆիկացման ձևով անվտանգության պահանջներին համապատասխանության հավաստման:
Փոփոխությունները մշակվել են Բելառուսի Հանրապետության Ստանդարտացման պետական կոմիտեի կողմից՝ ԵԱՏՄ երկրների պետական մարմինների հետ համատեղ: Փաստաթուղթն ուղղված է տեխնիկական կանոնակարգի Կիրառման ոլորտի հստակեցմանը, Միության մյուս ընդունված տեխնիկական կանոնակարգերի դրույթների կրկնօրինակման բացառմանը։
Փոփոխություններն ուժի մեջ կմտնեն ԵՏՀ Խորհրդի որոշման պաշտոնական հրապարակման օրվանից 180 օրացուցային օր հետո:
ԵՏՀ Կոլեգիայի առանձին որոշմամբ կսահմանվեն մինչև փոփոխությունների ուժի մեջ մտնելը տրված համապատասխանության գնահատման մասին փաստաթղթերի կիրառման անցումային դրույթներ: Անցումային շրջանի ժամկետը կսահմանվի՝ հաշվի առնելով ստեղծված փորձը։
