Евразия экономикалык комиссиясынын жана Евразия экономикалык бирлигинин Ишкер кеңешинин өз ара аракеттенүүсү боюнча консультативдик кеңеш жөнүндө маалымдама маалымат
Евразия экономикалык бирлиги жөнүндө келишимдин күчүнө киришине, 2015-жылдын 2-январынан тарта Армения Республикасы жана Кыргыз Республикасы Евразиялык экономикалык бирлигине кошулуусуна байланыштуу Казакстан Республикасынын “Атамекен” Улуттук ишкерлер палатасы Евразия экономикалык бирлигинин Ишкер кеңешин (мындан ары - ЕАЭБ Ишкер кеңеши) түзүү демилгесин көтөргөн.
ЕАЭБ Ишкер Кеңешин түзүү идеясы ЕАЭБ өлкөлөрүнүн ири бизнес-ассоциациялары тарабынан бир добуштан колдоого алынган, ошондой эле Евразия экономикалык комиссиясы жана беларустук-казакстандык-россиялык бизнес-коомдоштугунун өз ара аракеттенүүсү боюнча консультативдик кеңешинин 2015-жылдын 2-апрелиндеги бешинчи отурумунун жүрүшүндө тастыкталган.
ЕАЭБ Ишкер Кеңешин түзүү жөнүндө макулдашууга 2015-жылдын 21-майында VIII Астана экономикалык форумун өткөрүү учурунда төмөнкү тараптар кол коюшкан:
− Казакстан Республикасынын "Атамекен" Улуттук ишкерлер палатасы;
− Россия өнөр жайчылар жана ишкерлер бирлиги;
− Беларусь Республикасынын "Өнөр жайчылар жана ишкерлер (жалдоочулар) конфедерациясы" коммерциялык эмес уюмдардын бирлиги;
− Армениянын Өнөр жайчылар жана ишкерлер (жумуш берүүчүлөр) бирлиги;
- Кыргызстандын ишкерлер бирлиги.
ЕАЭБдин Ишкер кеңеши Евразия экономикалык бирлигинин мейкиндигинде интеграциялык процесстерди кеңейтүү жана ЕАЭБ алкагында кызматташтыктын актуалдуу маселелери жана Бирдиктүү экономикалык мейкиндикти түзүү боюнча бирдиктүү позицияны иштеп чыгуу максатында түзүлгөн.
ЕАЭБ Ишкер Кеңешин түзүү жөнүндө макулдашууга ылайык, ЕАЭБ Ишкер кеңеши Беларусь-Казакстан-Россия бизнес-диалогунун укуктук мураскери болуп саналат.
2015-жылдын 26-ноябрында Минск шаарында өткөн ЕАЭБ Ишкер кеңешинин Президиумунун биринчи отурумунун жыйынтыгы боюнча, Ишкер кеңешинин Президиуму Евразия экономикалык комиссиясынын жана Евразия экономикалык бирлигинин Ишкерлер кеңешинин ортосундагы кызматташуу жөнүндө меморандумдун долбоорун жактырган.
Евразия экономикалык комиссиясы менен Беларусь-Казакстан-Россия бизнес-диалогунун ортосундагы кызматташуу жөнүндө меморандумду алмаштырган, Евразия экономикалык комиссиясынын жана Евразия экономикалык бирлигинин Ишкер кеңешинин ортосундагы кызматташуу жөнүндө меморандум Комиссия Коллегиясынын 2016-жылдын 9-февралындагы № 14 тескемеси менен жактырылган жана 2016-жылдын 24-майында Астана шаарында кол коюлган.
Меморандумга ылайык, ЕЭК менен ЕАЭБ Ишкер кеңешинин ортосундагы өз ара аракеттенүү Евразия экономикалык комиссиясынын жана Евразия экономикалык бирлигинин Ишкер кеңешинин өз ара аракеттенүүсү боюнча консультативдик кеңешинин (мындан ары – консультативдик кеңеш) алкагында жүзөгө ашырылат.
Консультативдик кеңешти түзүү жөнүндө чечим ЕЭК Коллегиясы тарабынан 2016-жылдын 25-октябрында кабыл алынган. Консультативдик кеңеш жөнүндө жобо бекитилген.
Консультативдик кеңеш Евразия экономикалык комиссиясынын жана Евразия экономикалык бирлигинин Ишкер кеңешинин ишкердик ишмердикти өнүктүрүүнүн багыттарын жана перспективаларын аныктоо маселелери боюнча өз ара аракеттенүүсүн жана диалогун камсыздоочу консультативдик орган болуп саналат.
Консультативдик кеңеш төмөнкү чөйрөлөрдө өз ара аракеттенүүнү камсыздайт:
а) интеграцияны өнүктүрүү жана макроэкономика;
б) ишкердик ишмердикти өнүктүрүү;
в) финансы рыноктору (банк чөйрөсү, камсыздандыруу чөйрөсү, валюта рыногу, баалуу кагаздар рыногу);
г) өнөр жай;
д) агроөнөр жай комплекси;
е) өз ара жана тышкы соода;
ж) техникалык жөнгө салуу;
з) санитардык, ветеринардык-санитардык жана карантиндик фитосанитардык чаралар;
и) бажылык жөнгө салуу;
к) энергетика;
л) табигый монополиялар;
м) транспорт жана ташуулар;
н) эмгек миграциясы жана миграциялык саясат, социалдык, пенсиялык жана медициналык камсыздоо, Бирликтин мүчө мамлекеттеринин эмгекчилеринин билими жана кесиптик иши;
о) атаандаштыкты өнүктүрүү жана монополияга каршы жөнгө салуу;
п) интеллектуалдык менчик;
р) маалыматташтыруу, маалыматтык-коммуникациялык технологиялар жана маалыматтык өз ара аракеттенүү;
с) санариптик мейкиндикти өнүктүрүү жана санариптик экономиканы трансформациялоо;
т) ички рыноктордун иштешинин алкагында тоскоолдуктарды, алып коюуларды жана чектөөлөрдү четтетүү;
у) дары каражаттарынын жана медициналык буюмдардын жүгүртүлүшү;
ф) Меморандумдун тараптарынын компетенциясынын алкагында башка чөйрөлөр.
Консультативдик кеңештин кабинетине кирүү
Байланыш маалыматтары:
Михневич Сергей Владимирович, ЕАЭБ Ишкер кеңешинин аткаруучу катчысы, Россиялык өнөр жайчылардын жана ишкерлер бирлигинин (РӨИБ) Эл аралык көп тараптуу кызматташтык жана интеграция башкармалыгынын Башкаруучу директору, e-mail: MikhnevichSV@rspp.ru
