Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6138

28 августундагы 2018 ЕЭК курама командасы XX жайкы Дипломатиялык оюндарда жети медалдын ээси болуп калды 25-августта Тверь областындагы «Завидово» комплексинде өткөн XX жайкы Дипломатиялык оюндарда Евразия экономикалык комиссиясынын (ЕЭК) курама командасы эки алтын, бир күмүш жана үч коло медалды утуп алды. ЕЭКтин спортсмендери эркектер арасында чоң теннис жана аялдар арасында 200 метрге кросс боюнча мелдештерде мыкты болуп калды. Табактарды атууда, баскетбол жана бильярд боюнча турнирлерде байгелүү орундарды ээледи.

27 августундагы 2018 Өнөр жай кооперациясынын, субконтрактациянын жана технологиялардын трансферинин евразиялык тармагы Бирликтин миңдеген ишканаларын бириктирет Дээрлик алты миң ишкана Өнөр жай кооперациясынын, субконтрактациянын жана технологиялардын трансферинин евразиялык тармагында катталган, деп билдирди Евразия экономикалык комиссиясынын (ЕЭК) Өнөр жай саясаты департаментинин директорунун орун басары Дина Акпанбаева Астана шаарындагы (Казакстан Республикасы) II Форумдун - Субконтракттар биржасы – 2018дин жүрүшүндө.

24 августундагы 2018 ЕЭК техникалык регламенттердин талаптарын сактоо боюнча Бирлик өлкөлөрүнүн мамлекеттик органдарынын күч-аракеттерин бириктирет Евразия экономикалык бирликтин (ЕАЭБ) бирдиктүү рыногун техникалык регламенттерине шайкеш келбеген үчүнчү өлкөлөрдүн коопсуз эмес продукциясынан коргоо – Евразия экономикалык комиссиясынын (ЕЭК) өзөктүү максаттарынын бири. Рыноктун «тазалыгын» камсыз кылууга Комиссия иштеп чыккан бир катар документтер жардам берет. Алардын ичинде Бирликтин өлкөлөрүнүн техникалык регламенттеринин жана бажы органдарынын талаптарынын сакталышын мамлекеттик контролдоо (көзөмөлдөө) органдарынын өз ара аракеттенүүсү жөнүндө ЕЭК Коллегиясынын сунуштамасынын долбоору бар, ал Комиссиянын аянтчасында ушул түзүмдөрдүн өкүлдөрүнүн катышуусу менен кеңешмеде талкууланды.

23 августундагы 2018 ЕАЭБ өлкөлөрүнүн энергетика министрлери газдын жалпы рыногун түзүү маселелерин талкуулайт 22-августта Евразия экономикалык комиссиясында (ЕЭК) газды ташуу боюнча кызмат көрсөтүүлөр жагынан тарифти түзүүнүн бирдиктүү методологиясын иштеп чыгуу жөнүндө сунушту карашты. Кеңешмеге Евразия экономикалык бирлигинин (ЕАЭБ) өлкөлөрүнүн энергетика министрлеринин орун басарлары жана ЕЭКтин өкүлдөрү катышышты. Тараптар сентябрда жарыя кылган сунуштар энергетика министрлери тарабынан талкууланат, андан соң маселе Өкмөттөр аралык кеңештин отурумуна алынып чыгат.

22 августундагы 2018 Евразиялык өкмөттөр аралык кеңештин мүчөсү Беларусь Республикасынын Премьер-министри С.Н. Румаска Урматтуу Сергей Николаевич!Жеке өзүмдүн атыман жана Евразия экономикалык комиссиясынын атынан Сизди Беларусь Республикасынын Премьер-министринин кызмат ордуна дайындалышыңыз менен куттуктайм.

22 августундагы 2018 ЕЭК кытай подшипниктерине демпингге каршы алымдын аракетин узартты жана ЕАЭБдин укугун сактоо зарылчылыгы жөнүндө Россияга кабарлады Евразия экономикалык комиссиясынын (ЕЭК) Коллегиясынын 21-августтагы отурумунда соода, ички рыноктордун иштеши, техникалык жана бажылык жөнгө салуу чөйрөсүндөгү маселелер каралды. Атап айтканда, ЕЭК Коллегиясы Кытайдан келүүчү термелүү подшипниктерине карата демпингге каршы алымдын аракетин узартты, балык өстүрүү үчүн жабдуулардын айрым түрлөрүнө бажы алымдарын жойду, ЕЭКтин жана Медициналык буюмдардын глобалдык номенклатурасы агенттигинин ортосундагы өз ара түшүнүшүү жөнүндө меморандумдун долбоорун жактырды, Евразия экономикалык бирлигинин (ЕАЭБ) өлкөлөрүнүн ортосундагы интеграцияны тереңдетүү боюнча башка бир катар чечимдерди кабыл алды.

20 августундагы 2018 Татьяна Валовая: «Күнүмдүк көйгөйлөрдөн чыкпай калууга болбойт, бүгүнтөн эле интеграциялык горизонтту белгилөө маанилүү» Евразия экономикалык бирлигинин (ЕАЭБ) бардык өзөктүү чөйрөлөрүндө, анын ичинде энергетикада, өнөр жайда, айыл чарбасында жана башка бир катар тармактарда интеграциянын жетишилген деңгээлин жана келечекке пландарды Евразия экономикалык комиссиясынын (ЕЭК) делегациясынын жана Беларустун мамлекеттик бийлик органдарынын, ишкер, илимий жана эксперттик жамааттарынын мүчөлөрү 15-августта Минскиде «Евразия экономикалык бирлиги: андан ары өнүгүү стратегиясы» конференциясында талкуулады. ЕЭК Беларусь Республикасынын өкмөтү менен бирдикте уюштурган иш-чаранын модератору Комиссиянын Интеграция жана макроэкономика боюнча коллегиясынын мүчөсү (министр) Татьяна Валовая болду.

13 августундагы 2018 Мүчө мамлекеттер ЕАЭБдин рыногундагы кезектеги алда канча опурталдуу тоскоолдуктарды аныктады, аларды ЕЭКтин Кеңешинде 24-августта каралат Айрым чөйрөлөрдө мамлекеттик муктаждыктар үчүн сатып алууларга жеткиликтүүлүктү, байланыш каражаттарынын, анын ичинде планшеттердин жана мобилдик телефондордун шайкештигин баалоо жөнүндө документтерди өз ара таанууну, мамлекеттик чек аранын россия-белорус участогун Евразия экономикалык бирлигинин (ЕАЭБ) башка мамлекеттеринин жарандары кесип өтүшүн чектөөнү, административдик укук бузуулары бар болгон учурда ЕАЭБ өлкөлөрүнө кирүүгө тыюу салууну, айдоочуларды даярдоого карата талаптарды шайкеш келтирүү зарылчылыгын жана ЕАЭБдин ички рыногунун башка маселелерин 8-августта Ички рыноктордун иштеши боюнча консультациялык комитетте талкуулашты.

Дагы көрсөтүү