Қаріп өлшемі: A A A
Сайттың түсі: C C C
Сайттын кадимки версиясы
Выберите язык

Жаңылыктарды көргүңүз келген күндөрдү «кк.аа.жжжж.» форматында көрсөтүңүз, мисалы, 01.01.2017
 

Издөөнүн жыйынтыктары: 6148

23 октябрындагы 2020 Немец бизнесине ЕАЭБ рыногунда иштөө мүмкүнчүлүктөрүн жигердүү пайдалануу сунушталды ​Евразиялык экономикалык комиссия негизги аймактык интеграциялык бирикмелер менен мамлекеттердин ортосунда диалог түзүү менен Чоң Евразиялык мейкиндиктин алкагында өз ара аракеттенүүнү жигердештирүүнү сунуштайт. Бул туурасында ЕЭКтин интеграцияны өнүктүрүү департаментинин директору Гоар Барсегян 22-октябрда ЕАЭБде немец бизнеси үчүн "Евразия экономикалык бирлиги: мааниси, жетишкендиктери, өнүгүү келечеги" IV конференциясында билдирди.
23 октябрындагы 2020 ЕАЭБ Евразиядагы бизнес үчүн жөнгө салуучу маселелерди жакындаштыруу үчүн аянтча сунуштоого даяр ​​Евразиялык экономикалык бирлиги жөнгө салуучу ыкмаларды жакындаштыруу, байланышты өнүктүрүү жана кызматташтыкты кеңейтүү максатында, континенттеги алдыңкы экономикалардын консультацияларын уюштуруу жана көмөктөшүү аянтчасы боло алат. Бул туурасында Евразия экономикалык комиссиясынын Коллегиясынын соода боюнча мүчөсү (министр) Андрей Слепнев Верона шаарында өткөрүлгөн Евразия экономикалык форумунун алкагында "Структуралык экономикалык кризис жана пандемия: жаңы геосаясий жана социалдык-экономикалык тартипти издөө (Европа, Евразия, АКШ, Кытай)" сессиясында сүйлөп жатып билдирди.
23 октябрындагы 2020 Михаил Мясникович Аскар Маминди туулган күнү менен куттуктады ​​Евразия экономикалык комиссиясынын Коллегиясынын Төрагасы Михаил Мясникович Казакстан Республикасынын Премьер-министри, Евразия өкмөттөр аралык кеңешинин мүчөсү Аскар Маминди туулган күнү менен куттуктады.
23 октябрындагы 2020 ЕЭК алдын ала маалымдоо боюнча чечимдери ишканалардын жашоосун жеңилдетет ​​Евразия экономикалык комиссиясынын Коллегиясы алдын ала маалымдоо маселеси боюнча бир катар чечимдерди кабыл алды. Евразия экономикалык бирлигинин бажы аймагына транспорттун ар кандай түрлөрү менен ташып келүүгө арналган товарлар жөнүндө алдын ала маалыматтарды берүү тартибине, каттоо тартибине жана алдын ала маалыматты колдонуу тартибине өзгөртүүлөр киргизилди. Өзгөрүүлөр алдын ала маалыматтын түзүмүнө да тиешелүү болду.
23 октябрындагы 2020 ЕАЭБ Интернеттеги интеллектуалдык укуктардын бузулушуна каршы күрөшүү боюнча макулдашылган ыкмаларды калыптандырууда мыкты дүйнөлүк тажрыйбаны колдонот ​​Евразия экономикалык комиссиясынын экономика жана каржы саясаты министринин катчылыгынын башчысы Аскар Кишкембаев профессор А.Л. Маковскийди эскерүүгө арналган "Азыркы дүйнөдөгү интеллектуалдык укуктар" тегерек столдо Интернет тармагында интеллектуалдык менчик объектилерине укуктарды коргоонун усулдары жөнүндө айтып берди. Иш-чара 21-октябрда Россия Федерациясынын Өкмөтүнө караштуу Мыйзамдуулук жана салыштырмалуу укук таануу институтунун "Профессор С.Н. Братусду эскерүүгө арналган ар жылдык XV илимий окуулар" эл аралык илимий-практикалык конференциясынын алкагында өткөрүлгөн.
23 октябрындагы 2020 ЕАЭБде табигый монополиялар чөйрөсүндөгү мыйзамдар шайкеш келтирилет ​​Евразиялык экономикалык комиссия табигый монополиялар чөйрөсүндөгү ченемдик укуктук актыларга карата сунуштарды даярдады. Бул туурасында Табигый монополиялар боюнча консультативдик комитеттин 22-октябрда болуп өткөн 20-отурумунун жыйынтыктары боюнча маалымдалды.
23 октябрындагы 2020 Май кычкылдыктарынын глицидил эфирлеринин камтылышынын ченемдери ЕАЭБдин тамак аш продукциясына талаптарды белгилеген бир нече техникалык регламенттерине киргизилиши мүмкүн ​​Евразия экономикалык бирлигинин өлкөлөрүнүн ыйгарым укуктуу органдары керектөөчүлөрдүн укугун коргоону күчөтүү максатында, май кычкылдыктарынын глицидил эфирлеринин камтылышынын ченемдерин Бирликтин тамак аш продукциясына талаптарды белгилеген бир нече техникалык регламенттерине "пакет принциби" менен киргизүүнү жалпысынан колдошту. Атап айтканда, Бирликтин "Тамак-аш продукциясынын коопсуздугу жөнүндө" жана "Адистештирилген тамак-аш азыктарынын айрым түрлөрүнүн, анын ичинде диетикалык дарылык жана диетикалык профилактикалык тамактануунун коопсуздугу жөнүндө" техникалык регламенттерине өзгөртүүлөргө ушул талаптарды киргизүү маселеси каралып жатат. Аталган техникалык регламенттер учурда Бирликтин порталында ачык талкууга чыгарылган.
23 октябрындагы 2020 ЕЭК бизнес менен биргеликте эл аралык күн тартибин өнүктүрүүдө ​​Евразия экономикалык бирлигинин Көзкарандысыз Мамлекеттер Шериктештигинин (КМШ), Европа бирлигинин (ЕБ), Түштүк-Чыгыш Азия мамлекеттеринин ассоциациясынын (АСЕАН), Шанхай кызматташтык уюмунун (ШКУ), Африка Бирлигинин жана Латын Америкасынын аймактарындагы өнөктөштөрү менен кызматташтыгын өнүктүрүү маселелери 23-октябрда Евразия экономикалык комиссиясынын штаб-квартирасында интеграция жана макроэкономика министри Сергей Глазьев төрагалыгы алдында өткөн кеңешменин жүрүшүндө каралды.
Дагы көрсөтүү