Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6148

30 октябрындагы 2019 Таиланд ЕЭК менен өз ара аракеттенүүгө кызыкдар 28-октябрда Таиланддын Королдук армиясынын генералы Бунрод Срисомбат башында турган Таиланд Королдугунун өкмөтүнүн соода-экономикалык жана коргонуу блокторунун мамлекеттик кызматкерлеринин делегациясы Евразия экономикалык комиссиясынын (ЕЭК) штаб-квартирасына келишти.

25 октябрындагы 2019 ЕЭК министри Сергей Глазьев: "ЕАЭБдин жана Кубанын диалогунун көңүл борборунда – өз ара сооданы жана инвестицияларды олуттуу түрдө өстүрүү" Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Сергей Глазьевдин ноябрдын биринчи он күндүгүнө пландаштырылган Кубага иш сапарынын алдында ал аталган республиканын Москвадагы дипломатиялык өкүлчүлүгүнө барды. Сапарынын жүрүшүндө ЕЭК министри жана Куба Республикасынын Министрлер кеңешинин төрагасынын орун басары Рикардо Кабрисас Руис кызматташтык маселелеринин бүткүл спектри боюнча "сааттарын салыштырышты".

25 октябрындагы 2019 ЕӨАК жыйынтыктары ЕӨАК жыйынтыктары: ЕАЭБдин жана Сербиянын ортосунда ЭСЗ жөнүндө, кымбат баалуу металлдар жана кымбат баалуу таштар менен операциялардын өзгөчөлүктөрү жөнүндө, айыл чарба жаныбарлары менен селекциялык-асыл тукумдук ишти бир түргө келтирүү жөнүндө макулдашууларга кол коюлду, КЭР менен Соода кызматташтыгы жөнүндө макулдашуу күчүнө кирди. Евразия өкмөттөр аралык кеңешининин (ЕӨАК) 25-октябрда Москвада (Россия Федерациясы) болуп өткөн отурумунун жүрүшүндө соода кызматташтыгы, Евразия экономикалык бирлигинин (ЕАЭБ) санариптик күн тартибин ишке ашыруу, Бирликтин өлкөлөрүнүн зер жана айыл чарба тармактарындагы жана бир катар башка тармактардагы кооперация маселелери боюнча өз ара аракеттенүүсү жаатында маанилүү чечимдер кабыл алынды.

25 октябрындагы 2019 ЕЭКте ЕЭКтин азык-түлүк продукциясы менен өз ара соода жүргүзүү үчүн тоскоолдуктарды жоюуга багытталган чечиминин долбоорунун бизнеске таасирин баалашты 24-октябрда Евразия экономикалык комиссиясынын (ЕЭК) жөнгө салуучу таасирди баалоо (ЖТБ) боюнча жумушчу тобу Коллегиянын экономика жана каржы саясаты боюнча мүчөсү (министр) Тимур Жаксылыковдун төрагалыгы астында ЕЭК Кеңешинин объектилерди биргелешип текшерүүнүн жана ветеринардык контролго (көзөмөлгө) жаткан товарлардын (продукциянын) сынамдарын тандоонун бирдиктүү тартиби жөнүндө жобого өзгөртүүлөрдү киргизүүнү караштырган чечиминин долбоорунун бизнеске тийгизген таасирин талдоонун жыйынтыктарын чыгарды.

25 октябрындагы 2019 Тигран Саркисян КМШнын Өкмөт башчыларынын кеңешинин отурумунда катышты Евразия экономикалык комиссиясынын (ЕЭК) Коллегиясынын Төрагасы Тигран Саркисян Көз карандысыз Мамлекеттердин Шериктештигинин (КМШ) Аткаруучу комитетинин чакыруусу менен КМШнын Өкмөт башчыларынын кеңешинин отурумунда катышты. Отурум 25-октябрда Москвада болуп өттү.

25 октябрындагы 2019 ЕАЭБ өлкөлөрүнүн өкмөт башчылары ЕАЭБдин жана КЭРдин ортосундагы Соода-экономикалык кызматташтык жөнүндө макулдашуунун күчүнө киришине байланыштуу Кытай менен биргелешкен билдирүүнү кабыл алышты Евразия өкмөттөр аралык кеңешинин бүгүн Москвада (Россия Федерациясы) өтүп жаткан отурумунун жүрүшүндө Евразия экономикалык бирлигинин (ЕАЭБ) өлкөлөрүнүн өкмөт башчылары ЕАЭБдин жана Кытай Эл Республикасынын ортосундагы Соода-экономикалык кызматташтык жөнүндө макулдашуунун күчүнө киришине байланыштуу Кытай менен биргелешкен билдирүүнү кабыл алышты.

25 октябрындагы 2019 ЕАЭБдин жана КЭРдин ортосундагы Соода-экономикалык кызматташтык жөнүндө макулдашуу күчүнө кирди 25-октябрда Евразия экономикалык бирлигинин (ЕАЭБ) жана анын мүчө мамлекеттеринин, бир тараптан, жана, экинчи тараптан, Кытай Эл Республикасынын (КЭР) ортосундагы Соода-экономикалык кызматташтык жөнүндө макулдашууну күчүнө кирди. Бардык тараптар керектүү ратификациялык жол-жоболорду аткарышты. Документке 2018-жылдын 17-майында Астана экономикалык форумунун алкагында кол коюлган.

25 октябрындагы 2019 ЕАЭБ жана Сербия Эркин соода жөнүндө макулдашууга кол коюшту 25-октябрда Евразия өкмөттөр аралык кеңешинин (ЕӨАК) отурумунда Евразия экономикалык бирлигинин (ЕАЭБ) жана Сербия Республикасынын ортосундагы Эркин соода жөнүндө макулдашууга кол коюлду. Документке Евразия экономикалык комиссиясынын (ЕЭК) Коллегиясынын Төрагасы Тигран Саркисян, Бирликтин өлкөлөрүнүн премьер-министрлери, ошондой эле Сербия Республикасынын Өкмөтүнүн Төрагасы Ана Брнабич кол коюшту.

Дагы көрсөтүү