Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6150

27 октябрындагы 2016 Евразия биримдигинде бүгүнкү күндө бажы операциялары кызмат адамдарынын катышуусуз өткөрүлө баштады 26-октябрда Москвада “Бажы кызматы - 2016” XVII Эл аралык көргөзмөсүнүн алкагында Евразия экономикалык комиссиясынын Бажы инфраструктурасы боюнча департаменти Россиянын ФБК Бажылык жол-жоболоштурууну жана бажылык көзөмөлдү уюштуруу башкы башкармалыгы менен биргеликте “Товарларга декларацияларды автоматтык түрдө каттоо жана товарларды автоматтык түрдө чыгаруу. Колдонуу тажрыйбасы жана өнүктүрүү перспективалары” тегерек столун өткөрдү.

27 октябрындагы 2016 ЕЭК бизнести ички рыноктордо тоскоолдуктарды аныктоо иштерине жигердүү катышууга чакырат 26-октябрда Москвада Евразия экономикалык комиссиясынын Ички рыноктордун иши боюнча департаментинин директорунун орун басарынын милдетин убактылуу аткаруучу Сергей Савостьян “Евразия экономикалык биримдиги: эл аралык бажы кызматташтыгын укуктук жөнгө салуу”. Ал Евразия экономикалык биримдигинде соода тоскоолдуктарын жеңип чыгуу маселелерине арналган баяндамасы менен чыгып сүйлөдү.

27 октябрындагы 2016 Минскте БУУ ЕЭК аймагында экономикалык интеграциянын жана туруктуу өнүгүүнүн өз ара байланышын талкуулашты 26-октябрда Минскте Евразия экономикалык комиссиясынын интеграция жана макроэкономика боюнча Коллегия мүчөсү (министр) Татьяна Валовая БУУ Европа экономикалык комиссиясы жана Беларусь Республикасынын Тышкы иштер министрлиги тарабынан уюштурулган “БУУ ЕЭК аймагында 2030-жылга чейин экономикалык интеграциянын жана туруктуу өнүгүүнүн негиздери” эл аралык конференциясында чыгып сүйлөдү. Конференцияга Беларусь Республикасынын Премьер-министри Андрей Кобяков, Беларусь Республикасынын тышкы иштер министри Владимир Макей, Россия Федерациясынын тышкы иштер министиринин орун басары Василий Небензя, Казакстан Республикасынын тышкы иштер министринин орун басары Галымжан Койшибаев жана башкалар катышты.

27 октябрындагы 2016 Минскте Евразия экономикалык биримдиги жөнүндө келишимди өркүндөтүү боюнча жумушчу топтун отуруму болуп өттү 26-октябрда Минскте Евразия экономикалык комиссиясынын интеграция жана макроэкономика боюнча Коллегия мүчөсү (министр) Татьяна Валоваянын жетекчилиги алдында Евразия экономикалык биримдиги жөнүндө келишимдин жоболорун өркүндөтүү боюнча курама жумушчу топтун экинчи отуруму болуп өттү. Отурумдун жүрүшүндө жумушчу топтун ишинин алгоритми иштелип чыгарылып, анын ишинин регламентинин долбоору макулдашылды. СФС-жөнгө салуулар, кызмат көрсөтүүлөр жана инвестициялар, салык саясаты жана башка чөйрөлөрдө Биримдик жөнүндө келишимге өзгөртүүлөрдүн долбоорлору талкууланды. Отурумдун жыйынтыгы боюнча маселелердин бөлүгү тармактык кеңешмелердин алкагында андан ары иштеп чыгууга багытталды.

26 октябрындагы 2016 ЕЭК министри Валерий Корешков: “Соода процедураларын жөнөкөйлөтүү жана эл аралык деңгээлде макулдашылган талаптарды кабыл алуу тыгыз интеграцияга жана аны коштогон артыкчылыктарды алууга көмөктөшөт” 26-октябрда Минскте Бирикке Улуттар Уюмунун Европа экономикалык комиссиясынын “БУУ ЕЭК аймагында 2030-жылга чейин экономикалык интеграциянын жана туруктуу өнүгүүнүн негиздери” эл аралык конференциясы болуп өттү. Конференциянын алкагында Стандартташтыруу жаатында саясат жана ченемдик жөнгө салуу маселелери боюнча кызматташтык боюнча жумушчу топ тарабынан уюштурулган “Соода жана стандарттар: коммерциянын курамдык элементтерин жыйылтуу” тематикалык сессиясы өткөрүлдү. Сессиянын модератору Евразия экономикалык комиссиясынын техникалык жөнгө салуу боюнча Коллегия мүчөсү (министр), Жумушчу топтун төрагасынын орун басары Валерий Корешков болду.

26 октябрындагы 2016 “Евразия жумалыгы” форумунда ЕАЭБде өнөр жай саясатын жүзөгө ашыруунун натыйжалуу механизмдерди талкуулашты 26-октябрда “Сколково” инновациялык борборунда “Ачык инновациялар” инновациялык өнүктүрүү боюнча Москва эл аралык форумунун алкагында “Евразия жумалыгы” көргөзмө форумунун “талааларында” “Евразия экономикалык биримдигинде (ЕАЭБ) өнөр жай саясатын жүзөгө ашыруунун натыйжалуу механизмдери” тегерек столу болуп өттү. Иш чаранын негизги темалары өнөр жай кызматташтыгынын иштиктүү куралдарын колдонуунун төмөнкү маселелери болду: евразиялык технологиялык платформаларды түзүү, өнөр жай кооперациясынын жана субконтракциясынын евразиялык тармактарын түзүү, индустриалдык-инновациялык инфраструктуранын башка объекттерин өнүктүрүү.

26 октябрындагы 2016 ЕЭК Коллегиясы Биримдиктин жалпы электрэнергетикалык рыногун түзүү программасын жана ЕАЭБтин координацияланган (макулдашылган) транспорттук саясатынын негизги багыттарын жактырды 25-октябрда ЕЭК Коллегиясынын төрагасы Тигран Саркисяндын жетекчилиги алдында Евразия экономикалык комиссиясынын Коллегиясынын кезектеги отуруму болуп өттү. Анда интеграция жана макроэкономика, бажы кызматташтыгы, соода, экономика жана финансы саясаты, өнөр жай жана агроөнөр жай комплекси, техникалык жөнгө салуу, энергетика жана инфраструктура чөйрөлөрүнө тиешелүү бир катар маселелерди каралды.

26 октябрындагы 2016 ЕЭК Евразия экономикалык биримдигинин өлкөлөрү өнөр жайлык авточогултуучу өндүрүштөрдү өнүктүрүү үчүн натыйжалуу шарттарды түзүүсү боюнча милдеттемелерди аткаруусуна мониторинг жүргүздү 25-октябрда Евразия экономикалык комиссиясынын Коллегиясынын отурумунда ЕЭКтин өнөр жай жана АӨК боюнча Коллегия мүчөсү Сергей Сидорский Евразия экономикалык биримдигинин өлкөлөрү мамлекет башчыларынын деңгээлиндеги Жогорку Евразия экономикалык кеңешинин 2014-жылдын 29-майындагы № 72 “Бажы биримдигинин жана Бирдиктүү экономикалык мейкиндиктин мүчө мамлекеттеринин аймактарында “мотордуу транспорт каражаттарын өнөр жайлык чогултуу” түшүнүгүн колдонуунун шарттары жөнүндө” чечимине ылайык, милдеттенмелерин аткаруусуна Комиссия тарабынан өткөрүлгөн мониторингдин жыйынтыктары жөнүндө билдиришти.

Дагы көрсөтүү