Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6221

25 сентябрындагы 2020 EЭК жана ДССУ COVID-19 илдетинин жайылышын алдын алуу боюнча күч-аракеттерди бириктирет COVID-19 илдетинин жайылышын алдын алуу, керектөө рыногундагы тамак-аш өнүмдөрүнүн коопсуздугун көзөмөлдөө, дары каражаттарынын жана медициналык буюмдардын жүгүртүлүшүн, ошондой эле Евразия экономикалык бирлигинин Фармакопеясын жөнгө салуу маселелерин жана туруктуу өнүгүүнүн максаттарын Евразия экономикалык комиссиясынын Коллегиясынын техникалык жөнгө салуу боюнча мүчөсү (министри) Виктор Назаренко жана Дүйнөлүк саламаттыкты сактоо уюмунун Европадагы аймактык бюросунун директору Ханс Клюге EЭК штаб-квартирасында талкуулашты.

25 сентябрындагы 2020 ЕЭК транспорт саясатын 2021-2023-жылдарда ишке ашыруу боюнча жаңы "жол картасынын" даярдайт 22-24-сентябрь күндөрү Евразия экономикалык комиссиясынын (ЕЭК) Транспорт жана инфраструктура департаментинин директору Даурен Сабитовдун төрагалыгы астында Координацияланган (макулдашылган) транспорт саясатын 2021-2023-жылдарда ишке ашыруу боюнча "жол картасынын" долбоорун даярдоо боюнча жумушчу топтун экинчи отуруму болуп өттү.

24 сентябрындагы 2020 ЕАЭБде өнөр жай өндүрүшү беш жылда 12,2% өстү 2019-жылы Евразия экономикалык бирлигинин бардык өлкөлөрүндө көпчүлүк тармактарда өнөр жай өндүрүшүнүн көлөмүнүн өсүшү белгиленген. Бул туурасында Евразия экономикалык комиссиясынын (ЕЭК) Коллегиясынын өнөр жай жана агроөнөр жай комлекси боюнча мүчөсү (министри) Артак Камалян ЕЭКтин Өнөр жай боюнча консультативдик комитетинин кезектеги отурумунда "Евразия экономикалык бирлигинин алкагында Өнөр жай кызматташтыгынын негизги багыттарын жүзөгө ашыруунун жылдык мониторингинин жана талдоонун жыйынтыктары жөнүндө" баяндамасын сунуштап жатып билдирди.

24 сентябрындагы 2020 ЕЭКте ЕАЭБке ташып келинген товарларды байкоого алуу механизми жөнүндө макулдашууну жүзөгө ашыруу маселелери боюнча Долбоордук кеңсе ишин баштады 23-сентябрда Евразия экономикалык комиссиясынын (ЕЭК) Москвадагы штаб-квартирасында Евразия экономикалык бирлигинин (ЕАЭБ) бажы аймагына ташылып келинген товарларды байкоого алуу механизми жөнүндө Макулдашууну ишке ашыруу боюнча Долбоордук кеңсенин биринчи отуруму болуп өттү.

24 сентябрындагы 2020 Кубага ЕАЭБде байкоочу-мамлекет статусун берүү жөнүндө чечим 2020-жылдын аягына чейин кабыл алынышы мүмкүн 24-сентябрда Евразия экономикалык комиссиясына Куба Республикасынын Премьер-министрдин орун басары Рикардо Кабрисас Руис баштаган делегациясы расмий иш сапары менен келип кетти. ЕЭКтин штаб-квартирасында өлкөгө ЕАЭБде байкоочу-мамлекет статусун берүүнүн айрым аспектилерин тактоо боюнча Комиссиянын, Евразия экономикалык бирлигинин мамлекеттеринин жана Куба Республикасынын биргелешкен консультациялары, ошондой эле Куба делегациясынын ЕЭК Коллегиясынын Төрагасы Михаил Мясникович жана ЕЭКтин интеграция жана макроэкономика боюнча министри Сергей Глазьев менен жолугушуулары болуп өттү.

23 сентябрындагы 2020 ЕЭК Кеңеши ЕАЭБдин интеграцияланган маалыматтык тутумуна комплекстүү экспертизанын жүргүзүлүшүн жактырды Евразия экономикалык комиссиясынын (ЕЭК) Кеңеши тутумду модернизациялоо жана өнүктүрүү боюнча сунуштамаларды иштеп чыгуу, Евразия экономикалык бирлигинин (ЕАЭБ) 2025-жылга чейинки санариптик күн тартибинин алкагында долбоорлорду ишке ашырууда учурдагы аспаптарды жана сервистерди колдонуу мүмкүнчүлүгүн талдоо үчүн интеграцияланган маалыматтык тутумга (ИМТ) комплекстүү техникалык экспертиза жүргүзүү жөнүндө тескемени кабыл алды. Аталган демилге интеграцияланган маалыматтык тутумду өнүктүрүү жана модернизациялоодогу мүмкүн болгон жаңы мамилелерди иштеп чыгууга багытталган.

23 сентябрындагы 2020 ЕЭКтин соода боюнча министри Андрей Слепнев Европа менен тарыхый байланыштарды күчөтүү үчүн Верона форумун пайдаланууга чакырды Евразиялык экономикалык комиссиясынын (ЕЭК) Коллегиясынын соода боюнча мүчөсү (министр) Андрей Слепнев 22-23-октябрга белгиленген, Веронада өтө турган XIII Евразиялык форумга арналган онлайн конференцияга катышты. Ошондой эле иш-чарада Италиянын Россиядагы Атайын жана Ыйгарым укуктуу Элчиси Паскуале Терраччано, «Евразияны тааныйбыз» Ассоциациясынын президенти, Интеза Банкынын башкармалыгынын төрагасы Антонио Фаллико жана "Росконгресс" фондунун башкармалыгынын төрагасы, директору Александр Стуглевдин сөз сүйлөштү.

22 сентябрындагы 2020 ЕАЭБ Азербайжандан жана Кытайдан алып келинген алюминий тасмаларга карата демпингге каршы чараны киргизимекчи 22-сентябрда Евразия экономикалык комиссиясынын (ЕЭК) Коллегиясы Азербайжандан жана Кытайдан алып келинген алюминий тасмаларга карата демпингге каршы чараны беш жылдык мөөнөткө киргизүү жөнүндө чечим кабыл алды. Азербайжанда өндүрүлгөн алюминий тасмаларды жеткирүүлөргө карата демпингге каршы чара 16,18%, ал эми Кытайда өндүрүлгөн алюминий тасмаларга карата – 13,14% түзмөкчү.

Дагы көрсөтүү