Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6221

20 октябрындагы 2025 ЕАЭБде техрегламенттерди иштеп чыгуу планын жаңылоо жактырылды ЕЭКтин техникалык жөнгө салуу боюнча министри Валентин Татарицкийдин төрагалыгы алдында өткөн профилдик Консультативдик комитеттин отурумунда Евразия экономикалык бирлигинин техникалык регламенттерин иштеп чыгуу планындагы өзгөртүүлөр талкууланды. Кабыл алынган чечимдердин арасында — планды ЕАЭБдин "Балдар жана өспүрүмдөр үчүн арналган продукциянын коопсуздугу жөнүндө" техрегламентине өзгөртүүлөрдү иштеп чыгуу менен толуктоо. "Жарылууга кооптуу чөйрөлөрдө иштөө үчүн жабдуулардын коопсуздугу жөнүндө", "Ташууга жана (же) пайдаланууга даярдалган күйүүчү жаратылыш газынын коопсуздугу жөнүндө" жана "Отун катары пайдалануу үчүн суюлтулган көмүрсуутек газдарына талаптар" үч техникалык регламентке карата стандарттардын тизмесине өзгөртүүлөр жактырылды. Ошондой эле ЕАЭБдин "Таңгактын коопсуздугу жөнүндө" техрегламентине мамлекеттер аралык стандарттарды иштеп чыгуу боюнча программаны толуктоо колдоого алынды, ал беш жаңы мамлекеттер аралык стандарттарды иштеп чыгууну камтыйт: бири эл аралык стандартка, төртөө Беларусь Республикасынын улуттук стандарттарына негизделет. Консультативдик комитеттин мүчөлөрү ЕАЭБ аймагына бал аарыларын (эне аары жана аары уюгу топтому) алып кирүүгө жана Бирлик өлкөлөрүнүн ортосунда орун которуштурууга тиешелүү бирдиктүү ветеринардык талаптарга өзгөртүүлөрдү жактырышты. Мындай ташуулар үчүн өзгөртүүлөрдүн алкагында тропилелапсоз кенеси (Tropilaelaps spp кенеси) боюнча аймактын эпизоотиялык бейпилдигин тастыктоо талабы белгиленет. Ошондой эле ветеринардык сертификаттын формасы жаңыртылат.

20 октябрындагы 2025 ЕЭК ЕАЭБ өлкөлөрүнүн эксперттери менен нысапсыз атаандаштыкка бөгөт коюу боюнча укук колдонуу практикасынын өзгөчөлүктөрү менен бөлүштү Евразия экономикалык комиссиясынын Монополияга каршы жөнгө салуу департаментинин директорунун орун басары Ирина Ивантей "Нысапсыз атаандаштык жана талаптагыдай эмес жарнама. Евразия экономикалык бирлигине мүчө мамлекеттерде укук колдонуу практикасынын өзгөчөлүктөрү" эл аралык конференциясына катышты. Дискуссиянын катышуучулары ак ниет эмес атаандаштыкка каршы күрөшүүнүн укуктук негиздерин, монополияга каршы жана жарандык жөнгө салуунун катышын, соттук жана укук колдонуу тажрыйбасын, улуттук укукту чек ара аркылуу колдонуунун механизмдерин талкуулашты. Ирина Ивантей ЕЭК карап чыккан атаандаштыктын жалпы эрежелерин бузуу жөнүндө материалдардын ичинен эң көп үлүшүн нысапсыз атаандаштыкты токтотуу маселелери түзөрүн айтып берди. "Укук бузуулардын бул курамы боюнча алдын алуу чарасын колдонуу – укук бузуу белгилерин жоюу зарылдыгы жөнүндө эскертүү берүү каралган. Мындай эскертүүлөрдүн аткарылышы – дээрлик 80%", – деп билдирди ЕЭК өкүлү жана санариптик экономиканы өнүктүрүү шарттарында атаандаштыктын жалпы эрежелерин бузуулар да "санариптик чөйрөгө" кирерин белгиледи "Атаандаштардын ортосунда каралып жаткан талаш-тартыштардын саны электрондук соода аянтчаларында товарларды сатууга байланыштуу. Арыз ээлеринин арасында барган сайын чакан бизнестин өкүлдөрү кездешет, бул ЕАЭБ – маркетплейстердин аймагында товарларды сатуунун кыйла жөнөкөй жана ыңгайлуу ыкмасын колдонуу менен байланыштуу", – деп белгиледи ЕЭК өкүлү. Нысапсыз атаандаштык жөнүндө иштер боюнча байкалган дагы бир тенденция болуп товардык рыноктордун өзгөрүшү саналат. Мурда ири өнөр жай товарларынын рынокторунда, ал эми азыркы учурда көбүнчө жеке керектөө товарларынын рынокторунда нысапсыз атаандаштык кездешүүдө. Иш-чарага мүчө мамлекеттердин монополияга каршы органдарынын, ЕАЭБ Сотунун эксперттери жана юридикалык уюмдардын өкүлдөрү катышышты.

20 октябрындагы 2025 Ольга Прудникова: "ЕАЭБ энергиянын кайра жаралуучу булактарын өнүктүрүү үчүн кеңири мүмкүнчүлүктөргө ээ" Бул тууралуу ЕЭКтин Энергетика департаментинин директору Ольга Прудникова 15-17-октябрда Москвада өткөн "Россия энергетикалык жумалыгы" эл аралык форумунун алкагында "ШКУ жана АСЕАН өлкөлөрү адилеттүү энергетиканы түзүүгө карай жолдо" сессиясында сөз сүйлөп жатып билдирди. Ольга Прудникова Бирликте атомдук энергетиканы өнүктүрүүгө чоң көңүл бурулуп жаткандыгын белгилеп өттү: "ЕАЭБдин мүчө үч мамлекетинин (Армения Республикасы, Беларусь Республикасы жана Россия Федерациясы) өз энергобалансында атомдук станциялары бар. АЭСтин курулушу Казакстан Республикасында да башталган. Бардыгы болуп Бирликте жалпы электр энергиясын иштеп чыгуунун 20%га жакыны атомдук энергетикага туура келет. Бул чоң перспективасы бар таза энергия булагы". ЕАЭБде энергиянын кайра жаралуучу булактарын өнүктүрүү узак келечекке каралган жана артыкчылыктуу багыт болуп саналат. Буга байланыштуу ЭКБны өнүктүрүү маселелери ЕАЭБ алкагында 2030-жылга чейин жана 2045-жылга чейинки мезгилде интеграциялык процесстерди андан ары өнүктүрүү жөнүндө "Евразия экономикалык жолу" декларациясында чагылдырылган. Ошондой эле РЭН-2025 алкагында Ольга Прудникова Ирандын энергетикалык биржасынын башкы директору Моххамад Назифи менен жумушчу жолугушуу өткөрүп, анын жүрүшүндө энергоресурстарды алмашуу соодасын өнүктүрүү алкагында мындан аркы байланыштар жөнүндө макулдашуулар болду. Ошондой эле тараптар узак мөөнөттүү келечекте кызматташууну тереңдетүү маселелерин талкуулашты. "ШКУ жана АСЕАН өлкөлөрү адилеттүү энергетиканы калыптандыруу жолунда" сессиясына Россия Федерациясынын энергетика министри Сергей Цивилев, Судан Республикасынын энергетика жана мунай өнөр жай министри Ибрагим Эльмутасим жана башкалар катышты.

17 октябрындагы 2025 Гоар Барсегян жана Оксана Лут АӨКтөгү актуалдуу маселелерди талкуулашты 17-октябрда "Алтын күз 2025" агроөнөр жай көргөзмөсүнүн жыйынтыгы боюнча Евразия экономикалык комиссиясынын өнөр жай жана агроөнөр жай комплекси боюнча министри Гоар Барсегян менен Россия Федерациясынын Айыл чарба министри Оксана Луттун жумушчу жолугушуусу болуп өттү. Министрлер ЕАЭБ алкагында 2030-жылга чейин жана 2045-жылга чейинки мезгилде "Евразия экономикалык жолу" агроөнөр жай комплекси бөлүгүндө экономикалык процесстерди андан ары өнүктүрүү жөнүндө декларацияны ишке ашыруу боюнча иш-чаралар планын даярдоонун жүрүшүн талкуулашты. ЕАЭБдин Агроөнөр жай саясаты боюнча кеңешинин 13-ноябрда Минскте өткөрүлүшү пландалган кезектеги отурумунун күн тартибиндеги маселелер каралды. Тараптар мүчө мамлекеттердин АӨКтөгү кооперациялык долбоорлорду каржылык колдоо механизмин түзүү боюнча ыкмаларга көңүл бурушту. "Бул каржылык инструментти киргизүү АӨКтө биргелешкен долбоорлорду ишке ашыруу үчүн маанилүү практикалык кадам болуп саналат, ал ЕАЭБ алкагында жалпы рыноктун масштабын ишке киргизүүгө, тараптардын технологиялык жана өндүрүштүк компетенцияларын, чарбалык иштин пайдалуу экономикалык шарттарын пайдаланууга мүмкүндүк берет", – деп белгиледи Гоар Барсегян. Гоар Барсегян жана Оксана Лут ЕАЭБ алкагында жалпы агрардык рынокту өнүктүрүү боюнча өз ара иштешүүнү кеңейтүүгө даярдыгын билдиришти. 2026-жылы ЕАЭБ мамлекеттеринин АӨКтү интеграциялоону жана инновациялык өнүктүрүүнү тереңдетүүнүн перспективаларын талкуулоо үчүн Евразиялык агроөнөр жай конгрессин өткөрүү жөнүндө макулдашууга жетишилди.

17 октябрындагы 2025 ЕЭКтин штаб-квартирасында ЕАЭБдин аккредитациялоо боюнча органдарынын Жетекчилеринин кеңешинин отуруму болуп өттү Евразия экономикалык бирлигинин өлкөлөрүнүн аккредитация боюнча органдарынын Жетекчилеринин кеңешинин отурумунда шайкештикти баалоо боюнча органдардын компетенттүүлүгүнүн деңгээлине карата талаптарды шайкеш келтирүү маселелери талкууланды. Иш-чарага Евразия экономикалык комиссиясынын техникалык жөнгө салуу боюнча министри Валентин Татарицкий катышты. "Дөңгөлөктүү транспорт каражаттарынын коопсуздугу жөнүндө" техрегламенттин негизинде транспорт каражаттарынын конструкциясынын коопсуздугу жөнүндө күбөлүктөрдү (ТКККК) берген аккредитацияланган лабораториялардын ишмердүүлүгүнүн ачыктыгын жана жоопкерчилигин жогорулатууга өзгөчө көңүл бурулду. ТКККК берүүнү ишке ашыруучу шайкештикти баалоо боюнча органдарды аккредитациялоого карата жалпы мамилелер боюнча конкреттүү сунуштар каралды. Бул ыкмалар мамлекеттер аралык жумушчу топ тарабынан иштелип чыккан. "Дөңгөлөктүү унаалардын коопсуздугун камсыз кылуу – маанилүү милдет, анткени адамдардын жашоосу жана транспорттун ишенимдүүлүгү андан түздөн-түз көз каранды. Ошондуктан, структуралык коопсуздук боюнча документтерди берген лабораториялардын ишинин ачыктыгын жана жоопкерчилигин камсыз кылуу өзгөчө маанилүү. Рыноктун ар бир катышуучусу өз жоопкерчилигин түшүнүп, белгиленген талаптарга баш ийиши керек", – деп баса белгиледи Валентин Татарицкий. Ошондой эле ЕАЭБ алкагында органикалык продукцияны таануунун тартиби жөнүндө макулдашуунун долбоорун ишке ашыруу, атап айтканда, өз ара салыштырма баалоолорду өткөрүү жана өндүрүштү сертификаттоо боюнча аккредиттелген органдардын реестрин түзүү каралды. ЕАЭБ мамлекеттеринин бири-бири менен жана үчүнчү өлкөлөр менен өз ара соода жүргүзүүдөгү техникалык тоскоолдуктарды четтетүү боюнча кошумча сунуштар талкууланды. Берилген сертификаттардын жана катталган декларациялардын бирдиктүү тизмесинин негизинде даярдоочулар ыйгарым укук берген жактардын реестрин киргизүүгө өзгөчө көңүл бурулду. Реестр уруксат берүү принциби боюнча түзүлөт жана шайкештикти баалоо жөнүндө конкреттүү документтерге тиркелет. Евразия экономикалык бирлигинин мүчө мамлекеттеринин аккредитациялоо боюнча органдарынын Жетекчилер кеңеши Жогорку Евразия экономикалык кеңешинин чечими менен 2018-жылы Бирлик жөнүндө келишимди ишке ашыруунун алкагында техникалык жөнгө салуу жаатында аккредитацияны өнүктүрүү максатында ЕАЭБдин көмөкчү органы катары түзүлгөн. 2025-жылы Жетекчилер кеңешине Беларусь Республикасы атынын атынан Беларусь мамлекеттик аккредитациялоо борбору төрагалык кылат.  

17 октябрындагы 2025 Москвада ЕАЭБ алкагында атаандаштык мамлекеттик сатып алууларды өнүктүрүү талкууланды Бул чөйрөнү жөнгө салуу принциптеринин бири катары Евразия экономикалык бирлигинин алкагында атаандаш мамлекеттик сатып алууларды өнүктүрүү 16-октябрда Москвада "ЕАЭБдеги мамлекеттик (муниципалдык) сатып алуулар" эл аралык конференциясында талкууланды. Иш-чарада санариптештирүүнүн негизинде мамлекеттик сатып алуулар чөйрөсүндөгү атаандаштыкты өнүктүрүү, тооруктардын катышуучуларына карата квалификациялык талаптарды аткаруу, банктык коштоо жана кадрларды даярдоо деңгээлин жогорулатуу аспектилери каралды. Улуттук сервистерге чек ара аралык жетүү мүмкүндүгүнүн көйгөйлүү маселелерине өзгөчө көңүл бурулду. Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович конференциянын катышуучуларын ЕАЭБ алкагында мамлекеттик сатып алуулар рыногундагы тенденциялар жөнүндө маалымдады. Бирлик жөнүндө келишимде аныкталган мамлекеттик сатып алуулар чөйрөсүндөгү жөнгө салуу максаттарын жана принциптерин ишке ашырууга өзүнчө токтолду. ЕЭК министри атаандаш эмес мамлекеттик сатып алуулар сегментинин иштешине көңүл бурду, ага азыр атаандаштык механизмдери жигердүү киргизилүүдө. "Бул мамлекеттик муктаждыктар үчүн товарларды чек ара аралык ташууларды көбөйтүүгө шарт түзөт. ЕАЭБдин бир катар өлкөлөрүндө – Казакстанда, Кыргызстанда жана Россияда – "электрондук дүкөндөн" сатып алуулар колдонулат, товарлардын стандартташтырылган мүнөздөмөлөрүн камтыган "электрондук каталогдор" колдонулат", – деп белгиледи Максим Ермолович. ЕЭК министри түшүндүргөндөй, ЕАЭБ мыйзамдарында сатып алуулардын мындай ыкмалары азырынча каралган эмес. Бирок, алардын колдонулушу эксперттер тарабынан жигердүү талкууланып жатат. Бирдиктүү жөнгө салуунун негизинде инновацияларды киргизүүнүн координациясын камсыз кылуу – мүчө мамлекеттердин кызыкчылыгында. Конференция ЕЭКтин атаандаштык жана монополияга каршы жөнгө салуу боюнча блогу тарабынан РФ Өкмөтүнө караштуу Каржы университети менен биргеликте өткөрүлдү. Иш-чарага мүчө мамлекеттердин ыйгарым укуктуу органдарынын, ЕАЭБдин электрондук соода аянтчаларынын жана бизнесинин өкүлдөрү катышышты. Конференциянын катышуучуларына видео кайрылуу менен КЭРдин Финансы министрлигинин Казыналык департаментинин директорунун орун басары Чан Йон чыгып сүйлөдү.

17 октябрындагы 2025 Өзбекстандын биржалык ишмердүүлүгүнүн тажрыйбасы ЕАЭБдин жалпы биржалык рыногун түзүүдө колдонулат Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович Өзбекстан Республикасына болгон иш сапарынын жүрүшүндө Өзбек республикалык товардык-чийки зат биржасынын башкармалыгынын төрагасынын орун басары Набихон Саматов менен жумушчу жолугушуу өткөрдү. Жолугушуунун жүрүшүндө Максим Ермолович ЕЭК мүчө мамлекеттер менен биргеликте Евразия экономикалык бирлигинин алкагында 2030-жылга карата жалпы биржалык рынокту түзүү боюнча жүргүзүп жаткан иштери жөнүндө айтып берди. Тараптар ЕАЭБ алкагында биржалык соода чөйрөсүндө өз ара аракеттенүү жана мыкты тажрыйбалар менен алмашуу маселелерин талкуулашты. Жолугушуунун жыйынтыгы боюнча ЕАЭБ мүчө мамлекеттеринин өкүлдөрү жана Иран Ислам Республикасынан байкоочулар кирген Биржалык комитетке өзбек тараптын өкүлдөрүнүн катышуусу жөнүндө макулдашууга жетишилди. "Байкоочу катары өзбек товардык-чийки зат биржасынын өкүлдөрүн чакыруу, ошондой эле алардын биржалык моделдин иштөө тажрыйбасын колдонуу ЕАЭБде жалпы биржалык рыноктун принциптерин калыптандыруунун баштапкы этабына түрткү берет", – деп баса белгиледи Максим Ермолович.

16 октябрындагы 2025 ЕАЭБде стандартташтырууну өнүктүрүүнүн перспективалары Минскте талкууланды Техникалык жөнгө салуу чөйрөсүндө милдеттүү талаптардын бирдиктүү базасын түзүү жана өркүндөтүү жөнүндө, ошондой эле Евразия экономикалык бирлигинде стандартташтырууну өнүктүрүүнүн перспективалары жөнүндө Минскте өткөн Дүйнөлүк стандартташтыруу күнүнө арналган конференцияда Евразия экономикалык комиссиясынын Техникалык жөнгө салуу жана аккредитация департаментинин директорунун орун басары Максим Ким айтып берди.

Дагы көрсөтүү