Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6131

28 майындагы 2020 ЕАЭБде чийки заттык эмес энергетикалык эмес товарлар менен өз ара соода жүргүзүү үчүнчү өлкөлөргө экспорттун төмөндөшүнүн фонунда өсүүдө 2020-жылдын I кварталында Евразия экономикалык бирлигинде чийки заттык эмес энергетикалык эмес товарлар менен өз ара соода жүргүзүү өткөн жылдын ушундай эле мезгил аралыгына салыштырмалуу 9,1 млрд долларга чейин же 2,8%га өстү. Мындай маалымат Евразия экономикалык комиссиясынын соода блогунун талдамалык изилдөөсүндө келтирилет.

26 майындагы 2020 Бирликтин өлкөлөрүндө 2020-жылдын 1-июнунда күчүнө кирүүчү эт продукциясына карата техникалык регламенттин айрым талаптарына шайкештикти баалоо жөнүндө документтер колдонулмакчы ЕЭК Коллегиясы Комиссиянын Кеңешинин 2013-жылдын 9-октябрындагы анын кабыл алынышы жөнүндө № 68 Чечими менен аныкталган, Евразия экономикалык бирлигинин "Эттин жана эт продукциясынын коопсуздугу жөнүндө" техникалык регламентинин кийинкиге калтырылган ченемдеринин күчүнө киришине байланыштуу, продукциянын аталган техникалык регламенттин айрым талаптарына шайкештигин баалоо жөнүндө учурдагы документтерди колдонуу мүмкүнчүлүгүн белгиледи. Кеп мал союу өнүмдөрүндө техникалык регламентте айтылган, бирок тийиштүү контролдоо ыкмаларын белгилөөсүз колдонулбай келген ветеринардык дары-дармек каражаттарынын болушун контролдоо жана конкреттүү ГОСТторго байланыштуу стандарттардын тизмектеринде аныкталган, эт продукциясынын ойлоп чыгарылган аталыштарын колдонуу жөнүндө болууда.

26 майындагы 2020 Европа бирлигинен алып келинген гербициддерге карата демпингге каршы алымды Улуу Британиянын продукциялары үчүн колдонуу улантылат Евразия экономикалык комиссиясынын Коллегиясы Евразия экономикалык бирлигинде аларга карата демпингге каршы алым колдонулган гербициддердин келип чыккан жерлеринин тизмегине Улуу Британияны кошуу жөнүндө чечим кабыл алды. Документтин буга чейинки редакциясынын ченемдери Европа бирлигинин өлкөлөрүнө гана тиешелүү болчу.

26 майындагы 2020 Молдованын ЕЭКтеги Ыйгарым укуктуу Өкүлү Оксана Гречаный алгачкы жолу ЕЭК Коллегиясынын отурумунда катышты 26-майда Молдова Республикасынын Өкмөтүнүн Евразия экономикалык комиссиясындагы Ыйгарым укуктуу Өкүлү Оксана Гречаный алгачкы жолу ЕЭК Коллегиясынын отурумунда катышты.

26 майындагы 2020 Өндүрүүчүлөрдүн Бирликтин тамак-аш продукциясына карата техникалык регламентинин жаңы талаптарына ийкемделүүсү үчүн өткөөл мезгил белгиленди ЕЭК Коллегиясынын отурумунда "Евразия экономикалык бирлигинин "Тамак-аш продукциясынын коопсуздугу жөнүндө" техникалык регламентине өзгөртүүлөрдү аракетке киргизүүнүн тартиби жөнүндө" чечим кабыл алынды.

26 майындагы 2020 ЕАЭБ өлкөлөрүнүн башкы санитардык дарыгерлери коронавирус менен күрөшүүнүн комплекстүү планын даярдоону жана чектөөлөр режиминен чыгуунун критерийлерин талкуулашты ЕАЭБ мамлекеттеринин калктын санитардык-эпидемиологиялык саламаттыгы жаатындагы ыйгарым укуктуу органдарынын Жетекчилер кеңешинин 25-майда болуп өткөн он биринчи отурумунда Кеңештин мүчөлөрү Евразия экономикалык бирлигинин мүчө мамлекеттеринин аймактарында COVID-19 коронавирустук инфекциясынын жана башка массалык инфекциялык оорулардын таралышынын алдын алуу боюнча иш-чаралардын комплекстүү планынын долбоору ушул жылдын 2-июнунда Комиссиянын Коллегиясынын отурумунда каралышы жана андан кийин Комиссиянын Кеңеши тарабынан каралып, Евразия өкмөттөр аралык кеңеши тарабынан бекитилиши жөнүндө маалымдалышты.

25 майындагы 2020 Аскар Кишкембаев: "Комиссия жана ЕАЭБ мамлекеттеринин өкмөттөрү пандемия шарттарында ишкерлерди колдоонун макулдашылган чаралары боюнча документтерди иштеп чыгышты" Москвада болуп өткөн "Ишкердик ишмердиктин трансформациясы: жаңы технологиялар, натыйжалуулук, перспективалар" деп аталган VIII эл аралык илимий конгрессте Евразия экономикалык комиссиясынын Коллегиясынын экономика жана каржы саясаты боюнча мүчөсүнүн (министринин) Катчылыгынын жетекчиси Аскар Кишкембаев коронавирустук инфекция пандемиясынын күчөшүнүн шарттарында экономикалык стабилдүүлүктү камсыз кылууга багытталган, Бирлигинин алкагында кабыл алынып жаткан чаралар тууралуу айтып берип, Бирликтин жана мүчө мамлекеттердин бул маселе боюнча кабыл алынган актыларына басым жасады.

21 майындагы 2020 ЕАЭБде кооптуу заттарды камтыган дары-дармек каражаттарын өндүрүүгө карата бирдиктүү мамиле аныкталды ЕЭК Коллегиясы Кооптуу заттарды камтыган дары-дармек каражаттарын өндүрүү боюнча колдонмону кабыл алды.

Дагы көрсөтүү