Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6133

24 сентябрындагы 2019 ЕЭК евразия өнөр жайы үчүн 2018-жылдын жыйынтыктарын чыгарды Өнөр жай боюнча консультативдик комитет Евразия экономикалык бирлигинин (ЕАЭБ) алкагында Өнөр жай кызматташтыгынын негизги багыттарынын ишке ашырылышына 2018-жылга карата ар жылдык мониторингдин жана талдоонун жыйынтыктары жөнүндө докладды жактырды.

24 сентябрындагы 2019 ЕЭК министри Виктор Назаренко: «ЕАЭБде техникалык жөнгө салуу – бул соодадагы тоскоолдуктарды максималдуу төмөндөтүү менен продукциянын коопсуздугун камсыз кылуу» «Евразия экономикалык бирлигинде (ЕАЭБ) техникалык жөнгө салуунун бирдиктүү тутумун түзүүнүн негизги максаттары ички рынокто соода жүргүзүүдөгү техникалык тоскоолдуктарды жоюу, аны сапатсыз продукциядан коргоо, Бирликтин өнөр жайы тарабынан өндүрүлгөн продукциянын сапатын жана атаандаштыкка жөндөмдүүлүгүн жогорулатуу болуп саналат», – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко Минскте (Беларусь) өткөрүлгөн «Евразия экономикалык бирлиги жөнүндө келишимге беш жыл: Соттун ролу» деп аталган Эл аралык конференцияда билдирди. Ошондой эле, ал техникалык жөнгө салуунун, санитардык, ветеринардык-санитардык жана карантиндик санитардык чараларды колдонуунун ЕАЭБде түзүлүп жаткан укуктук базасы «адамдардын, жаныбарлардын жана өсүмдүктөрдүн өмүрүн жана ден соолугун, керектөөчүлөрдүн укуктарын коргойт жана айлана-чөйрөнү коргоону камсыз кылат».

24 сентябрындагы 2019 ЕЭК айыл чарба тармагында Венгрия менен кызматташтыкты өнүктүрүүдө Евразия экономикалык комиссиясынын (ЕЭК) Коллегиясы 23-сентябрда өнөр жай, эл аралык кызматташтык, соода, санариптештирүү, Евразия экономикалык бирлигинин (ЕАЭБ) ички рыногунун иштеши, бажылык жөнгө салуу чөйрөлөрүндөгү маселелерди карап чыкты.

24 сентябрындагы 2019 Товарлардын, капиталдын, жумушчу күчтүн жана кызмат көрсөтүүлөрдүн эркин кыймылы үчүн шарттардын түзүлүшү ЕАЭБдин мамлекеттеринин экономикалык өсүшү үчүн күчтүү импульс болууда Бул тууралуу Евразия экономикалык комиссиясынын (ЕЭК) Коллегиясынын экономика жана каржы саясаты боюнча мүчөсүнүн (министринин) катчылыгынын жетекчиси Аскар Кишкембаев «Евразия экономикалык бирлиги жөнүндө келишимге беш жыл: Соттун ролу» деп аталган эл аралык конференцияда билдирди. Аталган иш-чара 19–20-сентябрда Минскте (Беларусь Республикасы) болуп өттү.

24 сентябрындагы 2019 ЕЭК Эл аралык стандартташтыруу уюму менен кызматташтыкты тереңдетүүдө Евразия экономикалык комиссиясынын (ЕЭК) Эл аралык стандартташтыруу уюму (ИСО) менен кызматташтыгы жөнүндө меморандумга аталган уюм тарабынан кайра каралып жаткан, эл аралык жана регионалдык тректерде өз ара аракеттенүү саясатын эске алуу менен кол коюлушу мүмкүн. Мындай мүмкүнчүлүктү ЕЭКтин Техникалык жөнгө салуу жана аккредиттөө департаментинин директору Тимур Нурашев жана ИСОнун генералдык катчысы Серхио Мухика ИСОнун Генералдык ассамблеясынын Кейптаунда (Түштүк-Африка Республикасы) өткөрүлгөн 42-отурумунун алкагында талкуулашты.

24 сентябрындагы 2019 Кыргыз Республикасында «Евразиялык санариптик платформалар» Эл аралык инновациялык долбоорлор конкурсунун жарым финалынын жеңүүчүлөрү аныкталды «Евразиялык санариптик платформалар» Эл аралык инновациялык долбоорлор конкурсунун жарым финалынын 2019-жылдын Кыргыз Республикасындагы жеңүүчүлөрү E-Agro-Map (электрондук айыл чарба карталары), «Вэст Азия» (өндүрүш участогундагы шайкешсиздиктерди жана бузулууларды каттоонун санариптик тутуму) жана MyCargo.su (ЕАЭБ мамлекеттериндеги жүк ташуулар үчүн маркетплейс) болду.

23 сентябрындагы 2019 IV «Евразия жумалыгынын» пленардык отурумунда ЕЭК жана бизнес ЕАЭБдин жаңы экономикалык саясатын талкуулашмакчы Бир жумадан кийин Евразия экономикалык бирлигинин (ЕАЭБ) бийлик органдарынын жана бизнесинин өкүлдөрү, өнүктүрүү институттарынын адистери, каржы регуляторлору, эксперттери Кыргыз Республикасынын борбор шаары Бишкекте «Евразия жумалыгы» IV Эл аралык көргөзмө форумунда чогулушат. 25-сентябрда өткөрүлүүчү пленардык отурумдун темасы Евразия бизнес-мейкиндигинин чакырыктары жана перспективалары болмокчу.

23 сентябрындагы 2019 ЕЭК министри Виктор Назаренко: «ЕАЭБде товарлардын кыймылынын эркиндигине техникалык жөнгө салуу тутумун түзүүнүн аркасында жетүүгө мүмкүн болду» Евразия экономикалык комиссиясы (ЕЭК) Евразия экономикалык бирлигинин (ЕАЭБ) өлкөлөрүнүн эң мыкты адистери жана бизнес өкүлдөрү менен биргеликте ондон ашуун жаңы техникалык регламенттерди иштеп чыгышууда. Алар, атап айтканда, Бирликтин мамлекеттеринде трамвайларга жана метрополитендин дөңгөлөктүү составына, канаттуулардын этине жана аны кайра иштетүү өнүмдөрүнө, жемдерге жана жем кошулмаларына карата бирдиктүү коопсуздук талаптарын белгилемекчи. Бул тууралуу ЕЭК Коллегиясынын техникалык жөнгө салуу боюнча мүчөсү (министр) Виктор Назаренко Минскте (Беларусь) өткөрүлгөн «ЕАЭБ: ийгилик үлгүлөрү» деп аталган жаш Евразия лидерлеринин форумунда билдирди.

Дагы көрсөтүү