Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6133

23 майындагы 2018 ЕАЭБ өлкөлөрү менен Сингапур кызматташууну өнүктүрүүдө Евразия экономикалык бирлигинин (ЕАЭБ) өлкөлөрү менен Сингапур Республикасынын ортосундагы соода-экономикалык мамилелерди өнүктүрүү перспективалары Евразия экономикалык комиссиясы (ЕЭК) менен Сингапурдун өкмөтүнүн ортосундагы өз ара аракеттенүү боюнча биргелешкен жумушчу топтун экинчи отурумунун көңүл борборунда болду. Тараптардын эксперттеринин ортосундагы түз диалогду жолго салуунун маанилүүлүгү баса белгиленди.

23 майындагы 2018 ЕЭК бизнес менен ачык диалог жүргүзүүдө «Евразия экономикалык комиссиясы (ЕЭК) жер-жерлерде Евразия экономикалык бирлигинин (ЕАЭБ) өлкөлөрүнүн ишкерлери менен интеграциянын көйгөйлүү маселелерин түз жана ачык талкуулоону баштайт», – деп ЕЭК Коллегиясынын экономика жана каржы саясаты боюнча мүчөсү (министр) Тимур Жаксылыков Казакстан Республикасынын Ишкерлеринин «Атамекен» улуттук палатасынын аянтчасында Казакстандын бизнесинин өкүлдөрү менен жолугушуусунун жүрүшүндө билдирди.

22 майындагы 2018 ЕЭК баалуу металлдарды камтыган айрым товарларга бажы алымдарын нөлгө түшүрдү Соода, интеграция, бажылык кызматташуу жана агроөнөр жай комплекси маселелери Евразия экономикалык комиссиясынын (ЕЭК) Коллегиясынын 22-майдагы отурумунда каралды. Евразиялык экономикалык бирликтин (ЕАЭБ) Бирдиктүү бажы тарифинин алып келүү бажы алымынын товарлардын баалуу металлдары бар айрым түрлөрүнө коюмдары нөлгө түшүрүлдү; айыл чарба өсүмдүктөрүнүн сортторунун бирдиктүү реестрин түзүүдө, жүргүзүүдө жана пайдаланууда Бирликтин ыйгарым укуктуу органдары менен ЕЭКтин маалыматтык өз ара аракеттенүүсү боюнча документтердин пакети бекитилди, евразиялык интеграцияны тереңдетүүгө багытталган бир катар башка чечимдер кабыл алынды.

18 майындагы 2018 Беларусь Республикасында “Евразиялык санариптик платформалар” сынагынын жарым финалынын жеңүүчүлөрү аныкталды Инновациялык долбоорлордун р жылдык «Евразиялык санариптик платформалар» эл аралык конкурсунун беларустук жарым финалынын жеңүүчүлөрү болуп төрт иштелме таанылды. Бул өпкө ооруларынын эрте диагностикасынын “Жеңил дем алуу” санариптик тутуму, экспорттук-импорттук эсептешүүлөрдү жөнөкөйлөтүү жана каржылоону тартуу үчүн «Евразиялык факторингдик платформа» чечими, товарларды, кызмат көрсөтүүлөрдү, процесстерди сертификаттоонун «СертЧейн» тутуму жана балдарда окутуу процессине туруктуу адатты калыптандырууга арналган «ПР Билим» долбоору.

17 майындагы 2018 ЕАЭБ менен Ирандын ортосунда эркин соода зонасын түзүүгө алып келүүчү Убактылуу макулдашууга кол коюлду Евразия экономикалык бирлиги (ЕАЭБ) менен Иран Ислам Республикасынын ортосунда эркин экономикалык зона түзүүгө алып келүүчү Убактылуу макулдашууга 17-майда Астана экономикалык форумунун алкагында кол коюлду.

17 майындагы 2018 ЕАЭБде санариптик транспорттук коридорлордун экосистемасын түзүшөт Евразия экономикалык бирлигинин (ЕАЭБ) санариптик күн тартибинин приоритеттеринин бири катарында бөлүнүп көрсөтүлгөн санариптик транспорттук коридорлор Минскидеги «ТИБО-2018» маалыматтык-коммуникациялык технологиялар боюнча эл аралык XXV форумдун олуттуу темасы болуп калды. Евразия экономикалык комиссиясынын (ЕЭК) Коллегиясынын ички рыноктор, маалыматташтыруу, маалыматтык-коммуникациялык технологиялар боюнча мүчөсү (министр) Карине Минасяндын сөзү боюнча, санариптик транспорттук системалар боюнча долбоорлордун тармактар аралык мүнөзү экономиканын эң ар түрдүү тармактарынын мүчөлөрүнүн аракеттерин бириктирүүнү талап кылат.

17 майындагы 2018 ЕАЭБ менен КЭРдин ортосунда соода-экономикалык кызматташуу жөнүндө макулдашууга кол коюлду Евразия экономикалык бирлиги (ЕАЭБ) менен Кытай Эл Республикасынын (КЭР) ортосундагы соода-экономикалык кызматташуу жөнүндө макулдашууга 17-майда Астана экономикалык форумунун алкагында кол коюлду.

16 майындагы 2018 Бирликтин жалпы электр энергетикалык рыногу жөнүндө келишимдин форматы ЕАЭБ өлкөлөрүнүн энергетика министрлеринин орун басарлары деңгээлинде макулдашылды Евразия экономикалык бирлигинин (ЕАЭБ) Жалпы электр энергетикалык рыногу (ЖЭР) жөнүндө эл аралык келишиминин форматын жана анын жөнгө салынбаган жоболорун ЕАЭБ мамлекеттеринин энергетика чөйрөсүндөгү ыйгарым укуктуу органдарынын жетекчилеринин орун басарлары талкуулашты. Евразия экономикалык комиссиясынын (ЕЭК) Коллегиясынын энергетика жана инфраструктура боюнча мүчөсү (министр) Эмиль Кайкиевдин төрагалыгы астындагы кеңешмеси Комиссиянын аянтчасында өттү.

Дагы көрсөтүү