Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6133

08 июнундагы 2018 ЕЭК министри Татьяна Валовая: «Биздин максат – ЕАЭБ менен ЕБдин ортосунда экономикалык кызматташуу чөйрөсүндө жаңы жандашуу чекиттерин табуу» Быйыл 2003-жылдын май айында Санкт-Петербургда болуп өткөн Россия – ЕБ саммитинде Жалпы европалык экономикалык мейкиндик концепциясынын негизинде Жалпы экономикалык мейкиндикти түзүү максатында кызматташууну бекемдөө жөнүндө мамлекеттердин жана өкмөттөрдүн башчыларынын биргелешкен билдирүүсү кабыл алынганына 15 жыл толду. Андан тышкары, Россия – ЕБ өнөктөштүгүнүн Туруктуу кеңеши иштей баштады, жана кызматташуунун олуттуу багыттары жана “жол картасын” түзүү боюнча диалог ачылды. «Мындай тарыхты эске алуу менен Европа бирлигинен өнөктөштөрүбүз менен ишенимди калыбына келтирүү жана активдүү диалогду жаңыртуу, ЕАЭБ менен ЕБдин ортосундагы мамилелерде түйүндү чечүү зарыл», – деп Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Татьяна Валовая Россиялык өнөр жайчылар жана ишкерлер бирлигинин (РӨИБ) штаб-квартирасындагы «ЕБ – ЕАЭБ жалпы экономикалык мейкиндигинин перспективалары: бизнес үчүн чакырыктар жана мүмкүнчүлүктөр» тегерек столунда билдирди.

28 майындагы 2018 ЕЭК белоруссиялык бизнеске ЕАЭБдин тран счек аралык рынокторундагы атаандаштыктын эрежелерине түшүндүрмө берет 28-майда Минскиде Евразия экономикалык комиссиясынын (ЕЭК) Атаандаштык жана монополияга каршы жөнгө салуу блогунун коомдук кабылдамасынын биринчи көчмө отуруму болуп өттү. ЕЭК Коллегиясынын атаандаштык жана монополияга каршы жөнгө салуу боюнча мүчөсү (министр) Марат Кусаиновдун айтуусу боюнча, ишкердик коомдоштук менен өз ара аракеттенүүнүн жаңы форматы Евразия экономикалык бирлигинин (ЕАЭБ) чек ара аралык рынокторундагы атаандаштык чөйрөсүндөгү бизнестин укуктарын жана жоопкерчилигин натыйжалуу түшүндүрүү үчүн түзүлгөн.

25 майындагы 2018 ПЭЭФ-2018де Сергей Сидорский: «Биз ЕАЭБде азык-түлүк коопсуздугун камсыз кылуу боюнча мамилелерди топтоштурдук» «Евразия экономикалык бирлиги дүйнөлүк агрардык азык-түлүк рыногундагы глобалдык оюнчу болуп саналат. Биздин алдыбызда калкты азык-түлүк менен толук камсыз кылуу үчүн айыл чарба өндүрүшүн туруктуу өнүктүрүүгө чыгуу милдети турат», – деп Евразия экономикалык комиссиясынын (ЕЭК) Өнөр жай жана агроөнөр жай комплекси боюнча коллегиянын мүчөсү (министр) Сергей Сидорский Петербург эл аралык экономикалык форуму – 2018 алкагындагы «Глобалдык азык-түлүк коопсуздугу: планетанын көбөйүп бара жаткан калкын ким тойгузат?» деп аталган ачык сессияда баса белгиледи.

25 майындагы 2018 ЕАЭБ өлкөлөрүнүн экспортун колдоо аспаптары ПЭЭФ-2018де талкууланды Евразия экономикалык бирлигинин (ЕАЭБ) өлкөлөрүнүн экспортун өнүктүрүү үчүн Евразия экономикалык комиссиясынын (ЕЭК) эркин соода зоналарын түзүү, каржы институттарынын кызматташуусу жана «Евразия жумалыгы» эл аралык форумун өткөрүү сыяктуу аспаптары Петербург эл аралык экономикалык форуму – 2018дин алкагында өткөн «Чет өлкөлүк рынокторго экспортту алга жылдыруунун заманбап механизмдери» тегерек столунда талкууланды.

25 майындагы 2018 ЕАЭБде космос чөйрөсүндө өнөр жай кооперациясын кеӊейтилет Беларустун, Казакстандын жана Россиянын космостук ведомстволорунун өкүлдөрү Жерди алыстан байкоо (ЖАБ) спутниктерин өндүрүүдө өнөр жай кооперациясы жөнүндө макулдашты. Мындай чечим «Казакстан Республикасынын космос күнү – 2018» форумунун алкагында «ЖАБ мааламыттарынын улуттук булактарынын негизинде космостук жана геомаалыматтык кызматтарды өндүрүү жана көрсөтүү боюнча ЕАЭБдин мүчө мамлекеттеринин интеграцияланган тутуму» мамлекеттер аралык программаны иштеп чыгуу боюнча мамлекеттер аралык жумушчу тобунун отурумунда кабыл алынды.

24 майындагы 2018 ЕАЭБдин салыкчылары өз ара соодада КНСти алуу боюнча мыйзамдарды өркүндөтүүдө Евразия экономикалык комиссиясынын (ЕЭК) алдындагы Салык саясаты жана администрациялоо боюнча консультативдик комитет Евразия экономикалык бирлигинин (ЕАЭБ) өлкөлөрүндө санариптик (электрондук) экономика чөйрөсүндөгү салык салууга жана салыктык тескөө-башкарууга карата бир түрдүү мамилелерди принциптүү жактырды. ЕАЭБдин салык саясаты маселелерин жетектеген улуттук мамлекеттик органдардын жетекчилери жана эксперттери жолугушуунун катышуучулары болуп калды. Иш-чара Евразия экономикалык комиссиясынын (ЕЭК) Коллегиясынын Экономика жана каржы саясаты боюнча мүчөсү (министр) Тимур Жаксылыковдун төрагалыгынын астында 22-майда Астанада (Казакстан Республикасы) болуп өттү.

24 майындагы 2018 ПЭЭФ-2018де Тигран Саркисян: «Биз ЕАЭБдин бүткүл мейкиндигинде санариптик долбоорлорду киргизүүгө кириштик» Евразия экономикалык бирлигинин (ЕАЭБ) алкагында ишке ашырылышы мүмкүн болгон санариптик долбоорлор, региондук жана глобалдык санариптик күн тартиптеринин кошулуучу чекиттери, ошондой эле санариптик экономиканы өнүктүрүүдөгү бизнестин ролу 24-майда Петербург эл аралык экономикалык форуму – 2018дин алкагында «Санариптик күн тартиби ЕАЭБдин атаандаштыкка жөндөмдүүлүгүн жогорулатуунун фактору катары» ачык сессиясында талкууланды.

24 майындагы 2018 ПЭЭФ-2018: ЕАЭБ - АСЕАН форматында алгачкы бизнес-диалог болуп өттү Евразия экономикалык бирлигинин (ЕАЭБ) жана Түштүк-Чыгыш Азия мамлекеттеринин ассоциациясынын (АСЕАН) ишкерлер жана расмий чөйрөлөрүнүн, бизнес-ассоциацияларынын өкүлдөрү Петербург эл аралык экономикалык форуму – 2018дин аянтчасында кызматташуунун перспективаларын талкуулоо үчүн алгачкы жолу чогулду. Пикир алышуу 23-майда «ЕАЭБ – АСЕАН соода-экономикалык кызматташуусу. Россиянын ролу» иш ланчы форматында болуп өттү.

Дагы көрсөтүү