Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6231

18 апрелиндеги 2017 Эл аралык рейтингдерде позициялардын жакшыруусу - Биримдик өлкөлөрүнүн экономикасындагы түзүмдүк өзгөрүүлөрдүн жыйынтыгы Евразия экономикалык биримдигинин (ЕАЭБ) мамлекеттери абройлуу эл аралык рейтингдерде катышуусу Евразия экономикалык комиссиясында (ЕЭК) өткөн биримдик өлкөлөрүнүн ыйгарым укуктуу органдарынын өкүлдөрүнүн кеңешмесинде талкууланды. Жолугушуу белоруссиялык тараптын демилгеси боюнча уюштурулган.

17 апрелиндеги 2017 ЕЭК жана Профсоюздардын жалпы конфедерациясы ЕАЭБтин эмгекчилеринин укуктарын жана кызыкчылыктарын коргоо чөйрөсүндө өз ара иштешүүнү өнүктүрүшүүдө “Комиссиянын Профсоюздардын жалпы конфедерациясы менен өз ара иштешүүсү ЕЭКтин социалдык-эмгек чөйрөсүндө максаттарын жүзөгө ашыруунун натыйжалуулугун жогорулатууга багытталган”, - деп белгиледи өз сөзүндө Евразия экономикалык комиссиясынын (ЕЭК) экономика жана каржы саясаты боюнча Коллегия мүчөсүнүн (министрдин) катчылыгынын жетекчиси Аскар Кишкембаев. Бул туурасында ал Профсоюздардын жалпы конфедерациясынын (ПЖК) Кеңешинин салтанаттуу отурумунда билдирди. Салтанаттуу отурум уюмдун түзүлгөндүгүнүн 25 жылдыгына арналган. Иш чарага ошондой эле ЕЭКтин Эмгек миграциясы жана социалдык коргоо департаментинин директору Паиза Суюмбаева катышкан.

17 апрелиндеги 2017 Сергей Шухно: “Биримдиктин бирдиктүү рыногун өнүктүрүү ЕАЭБ өлкөлөрүнүн Куба менен соодасынын көлөмдөрүнүн көбөйүүсүнө өбөлгө түзөт” Евразия экономикалык биримдигинин (ЕАЭБ) Куба менен соода-экономикалык мамилелеринин азыркы абалын жана аларды өнүктүрүү мүмкүнчүлүктөрүн Евразия экономикалык комиссиясынын (ЕЭК) Интеграцияны өнүктүрүү департаментинин директору Сергей Шухно жана Кубанын Россия Федерациясындагы Ыйгарым укуктуу элчиси Эмилио Ратмир Лосада Гарсия талкуулашты.

14 апрелиндеги 2017 “Евразиялык фискалдык академия” билим берүү программасы жаңы угуучуларды кабыл алат 10-апрелден 13-апрелге чейин Венада (Австрия) “Трансферттик баа түзүү жана маалымат алмашуу. Көзөмөлдөнүүчү чет өлкөлүк компанияларга салык салуу” темасында семинарлар цикли өткөрүлдү. Иш-чара Дүйнөлүк банктын колдоосу менен Евразия экономикалык комиссиясы (ЕЭК) жана Венадагы экономика жана бизнес университети тарабынан уюштурулган.

14 апрелиндеги 2017 ЕАЭБ өлкөлөрүнүн башчылары ЕЭКтин бажылык жөнгө салуу чөйрөсүндө ыйгарым укуктарын кеңейтишти Евразия экономикалык биримдигинин (ЕАЭБ) туруктуу иштеген органы - Евразия экономикалык комиссиясынын (ЕЭК) ишинин Регламентине өзгөртүүлөрдү 14-апрелде Жогорку Евразия экономикалык кеңешинин отурумунда ЕАЭБ мамлекеттеринин башчылары бекитишти. Курамына Биримдик өлкөлөрүнүн премьер-министрлеринин биринчи орун басарлары кирген ЕЭК Кеңеши бажылык жөнгө салуу чөйрөсүндө бир катар жаңы ыйгарым укуктарды алышты. Мындан тышкары, Президенттер ЕЭК Коллегиясы алар боюнча чечимдерди консенсус менен кабыл ала турган маселелердин тизмесин кеңейтишти.

14 апрелиндеги 2017 ЕАЭБ өлкөлөрүнүн Президенттери ЕЭКтин экономика жана каржы саясаты боюнча жаңы министрин дайындашты Евразия экономикалык комиссиясынын (ЕЭК) Коллегиясынын Казакстан Республикасынын атынан жаңы мүчөсү (министри) болуп Тимур Жаксылыков дайындалды, анын компетенциясына экономика жана каржы саясаты боюнча маселелер кирмекчи. Аны дайындоо жөнүндө чечимди Евразия экономикалык биримдигинин (ЕАЭБ) мамлекеттеринин башчылары 14-апрелде Бишкекте Жогорку Евразия экономикалык кеңешинин отурумунда кабыл алышкан.

14 апрелиндеги 2017 ЕЭК ЕАЭБ өлкөлөрүндө темир жол транспортун өнүктүрүүнүн перспективаларын талкуулайт ЕАЭБ жөнүндө келишимдин темир жол транспорту чөйрөсүндө жоболорун жүзөгө ашыруунун жүрүшү жана башка бир катар маселелер 12- жана 13-апрелде Евразия экономикалык комиссиясынын (ЕЭК) Транспорт жана инфраструктура боюнча консультативдик комитетинин темир жол транспорту боюнча комитетчесинин тогузунчу отурумунда каралды.

14 апрелиндеги 2017 ЕЭК ЕАЭБтин мунай жана мунай өнүмдөрү боюнча жалпы рынокту түзүү программасын иштеп чыгууну улантат Евразия экономикалык комиссиясы (ЕЭК) ЕЭКтин Мунай жана газ боюнча консультативдик комитетине караштуу жумушчу топтун алкагында Евразия экономикалык биримдигинин (ЕАЭБ) мунай жана мунай өнүмдөрү боюнча жалпы рынокту иштеп чыгуу программасын иштеп чыгууну улантты.

Дагы көрсөтүү