Қаріп өлшемі: A A A
Сайттың түсі: C C C
Сайттын кадимки версиясы
Выберите язык

Жаңылыктарды көргүңүз келген күндөрдү «кк.аа.жжжж.» форматында көрсөтүңүз, мисалы, 01.01.2017
 

Издөөнүн жыйынтыктары: 6148

30 сентябрындагы 2020 Олег Панкратов: "Пандемиянын башталышынан тартып, ЕАЭБдин органдары Бирлик мейкиндигинде экономикалык туруктуулукту сактоого жардам берип келишет" ​Евразия экономикалык бирлигинин (ЕАЭБ) өлкөлөрү COVID-19 пандемиясына биргелешип каршы туруу үчүн бардык аракеттерди көрүп жатышат. Бул туурасында Коллегиянын бажы кызматташтыгы боюнча мүчөсү (министр) Олег Панкратов 30-сентябрда болуп өткөн "Евразия экономикалык бирлиги COVID пандемиясынын шарттарында: реалийлер, көйгөйлөр жана интеграциянын келечеги" эл аралык тегерек столдо билдирди. Иш-чара Кыргыз Республикасынын Россия Федерациясындагы Элчилигинин демилгеси менен "Евразиялык интеграцияны илгерилетүү фонду" КФ менен биргеликте уюштурулду.
29 сентябрындагы 2020 Евразия экономикалык комиссиясы Бүткүл дүйнөлүк жаныбарлардын саламаттыгын сактоо уюму менен кызматташтыкты өнүктүрүүдө ​​Жаныбарларды жана жаныбарлардан алынган продукцияны идентификациялоо жана байкоого алуу, жапайы жаныбарлардын арасындагы өзгөчө кооптуу илдеттерге улуттук ветеринардык кызматтарга көзөмөл жүргүзүү, ошондой эле Комиссия менен ЭЭБдин ортосундагы мындан аркы кызматташтык маселелери ЕЭК Коллегиясынын техникалык жөнгө салуу боюнча мүчөсү (министр) Виктор Назаренконун жана Бүткүл дүйнөлүк жаныбарлардын саламаттыгын сактоо уюмунун (ЭЭБ) Москвадагы Аймактык бюросунун башчысы Будимир Плавшичтин Евразия экономикалык комиссиясынын штаб-квартирасында өткөн жолугушуусунда каралды.
29 сентябрындагы 2020 ЕЭК ЕАЭБ өлкөлөрүнө темир жол транспорту үчүн өнөр жай продукциясын өндүрүү чөйрөсүндө кызматташтыкты өнүктүрүүнү сунуштайт ​​Евразия экономикалык комиссиясы Евразия экономикалык бирлигинин өлкөлөрү үчүн темир жол транспорту үчүн өнөр жай продукциясын өндүрүү чөйрөсүндө биримдик деңгээлинде кызматташтыкты өнүктүрүү боюнча сунуштарды иштеп чыгууну баштайт. Бул туурасында ЕЭКтин Өнөр жай саясаты департаментинин директорунун орун басары Дина Акпанбаева Казакстандын машина куруучуларынын VIII форумунун профилдик секциясынын отурумунда билдирди.
29 сентябрындагы 2020 ЕЭК микротолкундуу мештер үчүн магнетонго импорттук алымдын ченин нөлгө түшүрдү ​​Евразия экономикалык комиссиясынын (ЕЭК) Коллегиясы микротолкундуу мештер үчүн комплекттөөчү катары колдонулган магнетрондорго карата алып келүү бажы алымынын коюмун нөлгө чейин азайтуу чечимин кабыл алды. Чара 2023-жылдын 31-декабрына чейин убактылуу негизде киргизилет.
29 сентябрындагы 2020 ЕАЭБ өлкөлөрү брокерлерге жана дилерлерге бири-биринин уюштурган тооруктарына катышууга мүмкүнчүлүк беришет ​​29-сентябрда Евразия экономикалык комиссиясынын Коллегиясы Евразия экономикалык бирлигинин (ЕАЭБ) бир мүчө-мамлекетинин брокерлерин жана дилерлерин Бирликтин башка өлкөлөрүнүн соода уюштуруучуларынын биржаларында уюштурулган тооруктарга катышууга уруксат берүү жөнүндө макулдашуунун долбоорун жактырды. Документ ЕАЭБ өлкөлөрүнө кайрадан мамлекеттин ичинде макулдашуу үчүн жөнөтүлөт.
28 сентябрындагы 2020 Артак Камалян: "Биз аймактарды өнөр жай жана АӨК чөйрөсүндөгү мамлекеттер аралык программаларга жана долбоорлорго жигердүү катышууга чакырабыз" ​​25-сентябрда Евразия экономикалык комиссиясынын Коллегиясынын өнөр жай жана агроөнөр жай комплекси боюнча мүчөсү (министр) Артак Камалян Воронеж облусуна болгон жумушчу сапарынын алкагында губернатор Александр Гусев менен Евразия экономикалык бирлигинин (ЕАЭБ) өлкөлөрүнүн аймактык деңгээлдеги өнөр жай жана агроөнөр жай комплексиндеги өз ара аракеттенүүсүнүн келечегин талкуулады. Министр Комиссия мүчө мамлекеттер менен биргеликте жаңы стратегиялык документти - 2025-жылга чейинки кезектеги орто мөөнөттүү мезгилге өнөр жай кызматташтыгынын Негизги багыттарын иштеп чыккандыгы жөнүндө маалымдады.
28 сентябрындагы 2020 Сергей Глазьев: “Чоң Евразиялык өнөктөштүктүн алкагында узак мөөнөттүү мазмундуу демилгелер керек” ​​Евразия экономикалык бирлиги Чоң Евразиялык өнөктөштүктүн борборлорунун бири болуусу, "Бир алкак - бир жол" кытайдын демилгеси менен айкалышуу, ошондой эле Азиянын жана Европанын бирикмелери жана мамлекеттери менен өз ара аракеттенүүнү күчөтүү маселелери Евразия экономикалык комиссиясынын штаб-квартирасындагы кеңешмеде талкууланды. Талкуу 2025-жылга чейин Евразиялык экономикалык интеграцияны өнүктүрүүнүн стратегиялык багыттарынын долбоорун ишке ашыруу планын даярдоонун алкагында өттү.
25 сентябрындагы 2020 ЕЭК транспорт саясатын 2021-2023-жылдарда ишке ашыруу боюнча жаңы "жол картасынын" даярдайт 22-24-сентябрь күндөрү Евразия экономикалык комиссиясынын (ЕЭК) Транспорт жана инфраструктура департаментинин директору Даурен Сабитовдун төрагалыгы астында Координацияланган (макулдашылган) транспорт саясатын 2021-2023-жылдарда ишке ашыруу боюнча "жол картасынын" долбоорун даярдоо боюнча жумушчу топтун экинчи отуруму болуп өттү.
Дагы көрсөтүү