Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6221

09 майындагы 2017 9-Май - биздин өлкөлөрдүн тарыхындагы уулу күн Согуштун төрт жылы жүрөк сыздаткан жоготууларга жана улуу жеңиш бакытына, жеңилүүлөрдүн ыйына жана жеңиштердин сыймыгына, тайманбас эрдиктин жана биздин элдердин биримдигинин мисалдарына толгон.

05 майындагы 2017 ЕАЭБте дары каражаттарынын бирдиктүү рыногу иштей баштады 2017-жылдын 6-майында, ЕАЭБ өлкөлөрү тарабынан Биримдикте дарылардын айланымын жөнгө салуунун ченемдик базасы ратификациялангандан кийин, Комиссия мүчө мамлекеттер менен биргеликте даярдаган жыйырма алты документтен турган топтом күчүнө кирет, анын ичинде ЕЭК Кеңешинин жыйырма бир чечими жана ЕЭК Коллегиясынын бир сунуш-көрсөтмөсү.

05 майындагы 2017 Евразия экономикалык комиссиясы жана Эл аралык темир жолдор биримдиги өз ара түшүнүшүү жөнүндө меморандумга кол коюшту 5-майда Парижде Евразия экономикалык комиссиясынын энергетика жана инфраструктура боюнча Коллегия мүчөсү (министр) Адамкул Жунусов жана Эл аралык темир жолдор биримдигинин (ЭТЖБ) башкы директору Жан-Пьер Лубину ЕЭК жана ЭТЖБ ортосунда Өз ара түшүнүшүү жөнүндө меморандумга кол коюшту.

05 майындагы 2017 ЕЭК министри Валерий Корешков: “ЕЭК жана Дүйнөлүк саламаттыкты сактоо уюму кызматташтык жөнүндө макулдашышты” Евразия экономикалык биримдигинин (ЕАЭБ) Фармакопеясы - дары препараттарынын сапатына талаптардын негизги жыйындысы - аймактык сапат стандарттарынын бири катары Дүйнөлүк саламаттыкты сактоо уюмунун (ДСУ) дүйнөлүк фармакопеялар жана фармакопеялык органдар тизмесине киргизилет. Бул туурасында Евразия экономикалык комиссиясынын (ЕЭК) Коллегия мүчөсү (министр) Валерий Корешков жана ДСУнун негизги дары каражаттары жана медициналык продукция боюнча департаментинин директору Сьюзанн Хилл ДСУ штаб-квартирасында (Женева, Швейцария) сөз кылышты. ЕЭК министри ошондой эле Фармацевтикалык өндүрүүчүлөрдүн жана ассоциациялардын эл аралык федерациясынын Кеңешинин отурумунда сөз сүйлөп, ІСН катчылыгынын директору Дона Ронан менен жолугушту.

03 майындагы 2017 ЕАЭБте электрондук соодага салык салуунун концепциясын иштеп чыгуу жөнүндө чечимди ЕЭКтин Салык саясаты жана тескөө-башкаруусу боюнча консультативдик комитети кабыл алды Евразия экономикалык биримдиги (ЕАЭБ) жөнүндө келишимге өзгөртүүлөр жана толуктоолор жана Кыйыр салыктарды алуунун тартиби жана товарлардын экспортунда жана импортунда, иштерди аткарууда, кызмат көрсөтүүдө алардын төлөнүүсүн көзөмөлдөө механизми жөнүндө протокол Евразия экономикалык комиссиясына (ЕЭК) караштуу Салык саясаты жана тескөө-башкаруусу боюнча консультативдик комитеттин отурумунда каралды.

03 майындагы 2017 Керектөөчүлөрдүн укуктарын темир жол транспорту боюнча уюмдар бузгандыгы жөнүндө арыздарды Евразия экономикалык комиссиясы карап чыгуусунун эрежелери ЕЭК Кеңешинин чечими менен кабыл алынышы мүмкүн “Темир жол ташуучуларынын жана инфраструктуралык ишканалардын кызмат көрсөтүүлөрүнө адилеттүү жана экономикалык негизделген тарифтерди аныктоо маселеси Евразия экономикалык биримдигинде (ЕАЭБ) темир жол ташуулары чөйрөсүндө кызмат көрсөтүүлөрдүн жалпы рыногун түзүүдө өзгөчө мааниге ээ. Биз керектөөчүлөр үчүн өз укуктарын коргоо боюнча ылайыктуу мүмкүнчүлүктөрдү түзүп жана бардык кызыкдар тараптар үчүн кызыкчылыктардын балансына жетишибиз керек”, - деп билдирди Евразия экономикалык комиссиясынын (ЕЭК) Транспорт жана инфраструктура департаментинин директору Ержан Нурахметов Темир жол транспорту боюнча уюмдардын темир жол транспортунун ташуу боюнча кызмат көрсөтүүлөрүнө тарифтердин деңгээлин өзгөртүү боюнча иш-аракеттери менен керектөөчүлөрдүн укуктары жана кызыкчылыктары бузулгандыгы туурасында арыздарды ЕЭК карап чыгуусунун эрежелери жөнүндө Макулдашуунун долбоорун карап чыгууга арналган кеңешмеде.

02 майындагы 2017 ЕАЭБ өлкөлөрүнүн бизнеси үчүн АӨК чөйрөсүндө кызматташтыкты өнүктүрүүнүн багыттары аныкталды Агроөнөр жай өндүрүшүн өбөлгөлөө жана өнүктүрүү маселелерин “Евразия экономикалык биримдигинин (ЕАЭБ) мүчө мамлекеттеринин агроөнөр жай комплексинде импортту алмаштыруунун перспективалары” тегерек столунун катышуучулары талкуулашты. Иш-чара Россиялык өнөр жайчылар жана ишкерлер союзунун Агроөнөр жай комплекси боюнча комиссиясынын жана Өнөр жайчылардын жана ишкерлердин эл аралык Конгрессинин катышуусу менен Евразия экономикалык комиссиясы (ЕЭК) тарабынан уюштурулган.

02 майындагы 2017 Сергей Сидорский: “Биздин максат - агроөнөр жай комплексине инновациялык технологияларды киргизүүнү тездетүү” Евразия экономикалык комиссиясынын (ЕЭК) өнөр жай жана агроөнөр жай саясаты боюнча Коллегия мүчөсү (министр) Сергей Сидорскийдин пикири боюнча, Евразиялык айыл чарба технологиялык платформасынын ишмердүүлүгү Евразия экономикалык биримдигинин (ЕАЭБ) өлкөлөрүнүн айыл чарбасындагы биринчи кезектеги милдеттерди биргелешип чечүү үчүн илимий потенциалды мобилизациялоого багытталышы керек. “Бул, түпкү натыйжада инновациялык өнүмдөрдү иштеп чыгууга жана аларды АӨКкө жайылтууга мүмкүндүк берет. Биздин максат кошумча нарктардын бүтүндөй тизмеги максималдуу түрдө Биримдикте өндүрүлүшүнө жетишүү болуп саналат”, - мындай билдирүүнү Сергей Сидорский ЕЭКте өткөрүлгөн, Евразиялык айыл чарба технологиялык платформасынын кеңешмесинде жасады.

Дагы көрсөтүү