Қаріп өлшемі: A A A
Сайттың түсі: C C C
Сайттын кадимки версиясы
Выберите язык

Жаңылыктарды көргүңүз келген күндөрдү «кк.аа.жжжж.» форматында көрсөтүңүз, мисалы, 01.01.2017
 

Издөөнүн жыйынтыктары: 6160

22 октябрындагы 2019 ЕЭК ЕАЭБ мамлекеттеринин салык тутумдарына сереп даярдады Евразия экономикалык комиссиясынын (ЕЭК) Каржы саясаты департменти «ЕАЭБдин мүчө мамлекеттеринин салык тутумдарына сереп» аттуу докладын көрсөттү. Серепте Евразия экономикалык бирлигинин (ЕАЭБ) мамлекеттеринин: Армения Республикасынын, Беларусь Республикасынын, Казакстан Республикасынын, Кыргыз Республикасынын жана Россия Федерациясынын улуттук мыйзамдарынын өзгөрүүлөрү каралат. Мындан сырткары, алардын салык тутумдарынын абалына талдоо жүргүзүлүп, негизги салыктардын коюмдары жана башка маалыматтык-маалымдама материалдар келтирилет.
22 октябрындагы 2019 ЕАЭБде индустриалдык жана инфраструктуралык долбоорлорду ишке ашыруу үчүн тутумдук стратегиялык пландоо менен санариптик инвестициялык платформа түзүлмөкчү Евразия экономикалык комиссиясынын (ЕЭК) Коллегиясы 21-октябрда өнөр жай кызматташтыгы, макроэкономика, Евразия экономикалык бирлигинин (ЕАЭБ) ички рыногунун иши жаатындагы маселелерди карап чыкты.
22 октябрындагы 2019 2019-жылдын январь-август айларынын аралыгында ЕАЭБдин Монголия менен товар жүгүртүүсү 15%га өстү 21-октябрда Евразия экономикалык комиссиясынын (ЕЭК) штаб-квартирасында Комиссиянын жана Монголиянын өкмөтүнүн ортосундагы өз ара аракеттенүү боюнча биргелешкен жумушчу топтун үчүнчү отуруму болуп өттү. Топтун теңтөрагалары – ЕЭК Коллегиясынын интегарция жана макроэкономика боюнча мүчөсү (министр) Сергей Глазьев жана Монголиянын тышкы иштер министринин орун басары Батмонхийн Батцэцэг – тараптардын Кызматташтык жөнүндө меморандумдун алкагында үзүрлүү диалогду өнүктүрүүнү жактаарын тастыкташты.
22 октябрындагы 2019 ЕЭК министри Виктор Назаренко: «Тоскоолдуктарсыз соода үчүн шарттарды түзүү – ЕАЭБдин жана КЭРдин ортосундагы техникалык жөнгө салуу жаатындагы кызматташтыкты өнүктүрүнүн маанилүү шарты» «Евразия экономикалык бирлигинин жана Кытай Эл Республикасынын ортосундагы соода-экономикалык кызматташтык жөнүндө Макулдашууну ишке ашыруунун алкагында техникалык жөнгө салуу чөйрөсүндө, биринчи кезекте тараптарда өндүрүлгөн продукциянын рынокко киргизилишин жеңилдетүү боюнча чоң ишти аткаруу зарыл», – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко 21-октябрда Шанхайда (Кытай) Эл аралык электротехникалык комиссиянын Генералдык ассамблеясынын отурумунун алкагында КЭРдин Рынокту жөнгө салуу боюнча мамлекеттик башкармалыгынын вице-министри Тиан Шихонг менен жумушчу жолугушуусунун жүрүшүндө билдирди.
22 октябрындагы 2019 ЕЭК министри Вероника Никишина: «Германия ЕАЭБ өлкөлөрүнүн маанилүү соода-экономикалык өнөктөшү болуп саналат» Евразия экономикалык комиссиясынын (ЕЭК) соода боюнча мүчөсү (министр) Вероника Никишина Нур-Султанда (Казакстан Республикасы) «Евразия экономикалык бирлиги: мааниси, жетишкендиктери, өнүгүү перспективалары» деп аталган немис бизнесинин III Эл аралык конференциясында чыгып сүйлөп жатып, Евразия экономикалык бирлигинин (ЕАЭБ) мамлекеттеринде практикалык инвестициялык долбоорлорду ишке ашырууда Германиянын бизнесинин олуттуу ролун белгиледи.
21 октябрындагы 2019 ЕЭК министри Виктор Назаренко: «Контролдоо жана көзөмөлдөө органдарынын натыйжалуу өз ара аракеттенүүсү ЕАЭБдин рыногун кооптуу продукциядан коргоого жардам берет» «Евразия экономикалык бирлигинин өлкөлөрүнүн көзөмөлдөө органдарынын өз ара аракеттенүүсүнүн туура түзүлгөн натыйжалуу тутуму рыноктогу кооптуу продукциянын аныкталышын жана анын жүгүртүүдөн алып салынышын камсыз кылат», – деп Евразия экономикалык комиссиясынын (ЕЭК) Коллегиясынын мүчөсү (министр) Виктор Назаренко 17-октябрда анын төрагалыгы астында ЕЭКте өткөн жогорку деңгээлдеги кеңешменин жүрүшүндө билдирди.
21 октябрындагы 2019 ЕЭКте санариптик экономиканы өлчөө боюнча жумушчу топ түзүлмөкчү Евразия экономикалык комиссиясынын (ЕЭК) штаб-квартирасында Статистика боюнча Консультативдик комитеттин ЕЭК Коллегиясынын интеграция жана макроэкономика боюнча мүчөсү (министр) Сергей Глазьевдин төрагалыгы астында болуп өткөн он бешинчи отурумунда Евразия экономикалык бирлигиндеги (ЕАЭБ) статистикалык ишмердиктин жыйынтыктары талкууланды жана 2020-жылга карата жана 2025-жылга чейинки мезгилге статистикалык иштерди өткөрүүнүн мүчө мамлекеттер менен макулдашылган планы бекитилди. Мындан сырткары, Консультативдик комитеттин астында санариптик экономиканы өлчөө боюнча жумушчу топту түзүү жөнүндө сунуш колдоого алынды.
21 октябрындагы 2019 ЕЭК жана ЕСТЕЛО эки тараптуу кызматташтыктын багыттарын такташты Евразиялык транспорттук, экспедициялык жана логистикалык уюмдардын бирлиги (ЕСТЕЛО) бизнестин жана транспорттук уюмдардын кызыкчылыктарынын негизинде транспорт тармагындагы көйгөйлүү маселелерди жана тоскоолдуктарды аныктоо боюнча иште Евразия экономикалык комиссиясынын (ЕЭК) транспорттук блогунун негизги өнөктөшү бойдон кала бермекчи. Мындай келишкендик ЕСТЭЛОнун Кеӊешинин Новороссийск шаарында (Россия Федерациясы) өткөрүлгөн отурумунда түзүлдү. Аталган отурумда ЕЭК өкүлдөрү катышышты.
Дагы көрсөтүү