Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6160

11 июлундагы 2019 Виктор Назаренко: «Кооптуу продукция жөнүндө маалымдоо жана контролдоочу (көзөмөлдөөчү) органдардын бажы жана укук коргоо органдары менен натыйжалуу өз ара аракеттенүү механизмдеринин тутумун түзүү ЕАЭБ үчүн маанилүү» Евразия экономикалык бирлигинин (ЕАЭБ) рыногунда техникалык регламенттердин талаптарына шайкеш келбеген продукциянын жүгүртүлүшүн болтурбоо, ошондой эле шайкештикти баалоо жаатында эреже бузуулардын алдын алуу максатында, Бирликтин өлкөлөрүндө мамлекеттик контролдун (көзөмөлдүн) натыйжалуулугун жогорулатуу, ошондой эле контролдоочу (көзөмөлдөөчү), бажы, укук коргоо органдарынын жана аккредиттөө боюнча органдардын өз ара аракеттенүүсүн камсыз кылуу боюнча тутумдук чаралар ишке ашырылууда. Бул тууралуу Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (Министр) Виктор Назаренко Бириккен Улуттар Уюмунун Европа экономикалык комиссиясынын стандартташтыруу жана ченемдик жөнгө салуу маселелери боюнча кызматташтык жаатындагы саясаты боюнча Жумушчу топтун (БУУ ЕЭК 6-ЖТ) алкагында өткөрүлгөн, Рынокту көзөмөлдөө боюнча консультативдик топтун (MARS Group) 17-отурумунда билдирди. Жумушчу топтун отуруму 8–9-июлда Москвада ЕЭКтин штаб-квартирасында алгачкы жолу өткөрүлдү.

11 июлундагы 2019 Жаш дипломаттардын бирикмеси Чоң Евразия өнөктөштүгүнүн калыптануусуна олуттуу салым кошушу мүмкүн Евразия экономикалык комиссиясы (ЕЭК) Россия Федерациясынын Тышкы иштер министрлигинин Жаш дипломаттар кеңеши (РФ ТИМ ЖДК) менен биргеликте Армения, Беларусь, Казакстан, Кыргызстан жана Россиянын ТИМдеринин жаш адистеринин өз ара аракеттенүүсү үчүн бирдиктүү аянтчаны – Евразия экономикалык бирлигинин Жаш дипломаттар ассоциациясын (ЕАЭБ ЖДА) түзүү мүмкүнчүлүгүн караштырууда.

10 июлундагы 2019 ЕЭК ЕАЭБ өлкөлөрүнүн экономикаларын инновациялык өнүктүрүү үчүн ЮНИДОнун билимдерин жана тажрыйбасын колдонууну пландаштырууда «Жогорку технологиялуу жана илим сыйымдуу компетенциялардын концентрациясы дал өнөр жайда орун алууда. Өнөр жай кооперациясын мындан ары өнүктүрүү жана тереңдетүү, иштеп жаткан өндүрүштөрдү токтотууну жогорулатуу активдерди бириктирүү жана Евразиялык улуттар аралык компанияларды түзүүнүн алкагында мүмкүн болот», – деп Евразия экономикалык комиссиясынын (ЕЭК) Коллегиясынын өнөр жай жана агроөнөр жай боюнча мүчөсү (министр) Александр Субботин Өндүрүш жана индустриалдаштыруу боюнча глобалдык саммитте (GMIS – 2019) сөз сүйлөп жатып билдирди.

10 июлундагы 2019 Камсыздоо секторунун санариптик трансформациясы ЕАЭБде рыноктун жаңы конъюнктурасынын түзүлүшүнө алып келет Бул тууралуу Евразия экономикалык комиссиясынын (ЕЭК) Каржылык саясат департаментинин директору Арман Хачатрян «Камсыздоо рыногунун негизги чакырыктары» деп аталган тегерек столдо билдирди. Аталган иш чара Санкт-Петербургда Россия Банкынын колдоосунда Бүткүл Россиялык камсыздоочулар бирлиги тарабынан уюштурулган Камсыздоо боюнча эл аралык конференциянын (Russian Insurance Summit) алкагында болуп өттү

10 июлундагы 2019 ЕАЭБде электр энергиясын инновациялык топтогучтарды жана жогорку натыйжалуу айыл чарба техникасын өндүрүү тармагында пилоттук долбоорлор ишке ашырылат Евразия экономикалык бирлигинин (ЕАЭБ) Өнөр жай саясаты боюнча кеңешинин отурумунда Бирликтин улуттук өнөр жай комплекстерин өнүктүрүү маселелерин жетектеген мамлекеттик органдарынын жетекчилери Евразиялык корпоративдик укук тутумун түзүүнү талкуулашты. Аталган иш чара 9-июлда Екатеринбургда болуп өттү.

10 июлундагы 2019 Вероника Никишина: «Евразия экономикалык бирлигинин кантип өнүгүшү жаштардан көз каранды» Евразия экономикалык комиссиясынын (ЕЭК) Коллегиясынын соода боюнча мүчөсү (министр) Вероника Никишина 10-июлда Евразия мейкиндигинин жаш дипломаттарынын интеграция жана экономикалык дипломатияга арналган VI Форумунун пленардык сессиясында сөз сүйлөп жатып, Россиянын ТИМинин Жаш дипломаттар кеңешинин Евразия экономикалык бирлигинин (ЕАЭБ) жаштар уюмдарынын ортосунда өз ара аракеттенүүнү өнүктүрүү боюнча ишмердигин кубаттады.

09 июлундагы 2019 ЕАЭБде Бирдиктүү ветеринардык талаптар эл аралык стандарттарга шайкеш келтирилет 9-июлда Евразия экономикалык комиссиясынын (ЕЭК) Коллегиясы бажылык жана техникалык жөнгө салуу, санитардык, фитосанитардык жана ветеринардык чаралар, соода, макроэкономика, санариптештирүү, Евразия экономикалык бирлигинин (ЕАЭБ) өлкөлөрүнүн ички рынокторунун иштеши чөйрөлөрүндөгү маселелерди карап чыкты.

09 июлундагы 2019 ЕАЭБ техникалык регламенттердин талаптарына жооп бербеген продукция жөнүндө маалымат алмашуу тутумун ишке киргизүүнү даярдоодо Евразия экономикалык комиссиясы (ЕЭК) Армения Республикасы, Беларусь Республикасы жана Кыргыз Республикасы менен биргеликте Евразия экономикалык бирлигинин (ЕАЭБ) өлкөлөрүндө техникалык регламенттердин талаптарынын аткарылышы үчүн жооптуу болгон профилдик ведомстволордун ортосунда маалымат алмашууну комплекстүү тестирлөөнү өткөрдү. Тестирлөөгө аталган өлкөлөрдө жайылтылган маалыматтык тутумдар жана ЕАЭБдин интеграцияланган маалыматтык тутуму кирди.

Дагы көрсөтүү