Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6138

16 декабрындагы 2019 ЕЭК кант жана дан боюнча эл аралык уюмдар менен кызматташтык жөнүндө меморандумдарга кол коюуну пландаштырылууда Евразия экономикалык комиссиясынын (ЕЭК) Коллегиясынын өнөр жай жана агроөнөр жай комплекси боюнча мүчөсү (министр) Александр Субботин Эл аралык кант уюмунун (ЭКУ) Лондондогу (Улуу Британия) штаб-квартирасында Эл аралык кант уюмунун аткаруучу директору Хосе Ориве менен Евразия экономикалык бирлигинин (ЕАЭБ) кант рыногун өнүктүрүү маселелерин талкуулады.

13 декабрындагы 2019 ЕЭК туруктуу өнүгүү жаатындагы максаттарга жетүүгө арналган статистикалык жыйнакты презентациялады 12-декабрда Москвада Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Сергей Глазьевдин Бирликтин өлкөлөрүнүн улуттук статистикалык кызматтарынын жетекчилери менен жыйынтыктоочу жумушчу жолугушуусунда Евразия экономикалык бирлигинде (ЕАЭБ) туруктуу өнүгүү жаатындагы максаттарга жетүүгө арналган статистикалык жыйнактын презентациясы болуп өттү.

13 декабрындагы 2019 ЕЭК Баалуу кагаздар боюнча комиссиялардын эл аралык уюму жана Бүткүл дүйнөлүк биржалар федерациясы менен кызматташтыкты өнүктүрүүдө. Евразия экономикалык комиссиясы (ЕЭК) мамлекеттик-укуктук жөнгө салуунун жана көзөмөлдөөнүн натыйжалуу аспаптарын иштеп чыгуу максатында Баалуу кагаздар боюнча комиссиялардын эл аралык уюму (IOSCO) жана Бүткүл дүйнөлүк биржалар федерациясы (WFE) менен өз ара аракеттенүүнү көздөөдө. Бул тууралуу Евразия экономикалык комиссиясынын (ЕЭК) Каржы саясаты департаментинин директору Арман Хачатрян Мадридде (Испания) IOSCOнун аффилиацияланган мүчөлөрүнүн Консультативдик комитетинин отурумунун жана улуттук баалуу кагаздар рынокторун укуктук жөнгө салуу жаатындагы регуляторлор үчүн жумушчу семинардын жыйынтыктары боюнча билдирди.

12 декабрындагы 2019 Тигран Саркисян: "ЕАЭБ терең экономикалык мазмунга ээ жана регионалдык экономикалык бирикмелерди түзүү боюнча глобалдык дүйнөлүк трендге шайкеш келет" "Евразия экономикалык бирлиги – жаш интеграциялык бирикме, бирок биз беш жылдын ичинде чоң жолду басып өттүк", – деп Евразия экономикалык комиссиясынын (ЕЭК) Коллегиясынын Төрагасы Тигран Саркисян Россиядагы Америкалык Соода Палатасы (AmCham) жана Америка-Россия ишкердик кеңеши тарабынан уюштурулган "Евразия экономикалык бирлиги: 5 жыл – учуш жакшыбы?" деп аталган конференцияда билдирди.

12 декабрындагы 2019 Сергей Глазьев: "ЕАЭБдин негизги приоритети – узак мөөнөттүү экономикалык өсүштүн жогорку темптерине жетишүү" Бул тууралуу Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Сергей Глазьев 11-декабрда Москвада макроэкономикалык саясат боюнча Консультативдик комитеттин отурумунда билдирди.

12 декабрындагы 2019 Евразиялык интеграциянын маанилүү багыттары – соода жана каржы саясатын ишке ашыруу Евразия экономикалык комиссиясынын Коллегиясынын соода боюнча мүчөсү (министр) Вероника Никишина жана ЕЭК Коллегиясынын экономика жана каржы саясаты боюнча мүчөсү (министр) Тимур Жаксылыков 11-декабрда "Евразия экономикалык бирлиги: 5 жыл – учуш жакшыбы?" деп аталган конференциянын алкагында өткөрүлгөн "Евразиялык интеграция – натыйжалуу кызматташтыкка карай кийинки кадамдар" деген аталыштагы талкуунун жүрүшүндө Евразия экономикалык бирлигинин (ЕАЭБ) соода саясатынын актуалдуу милдеттери, анын орто мөөнөттүү жана узак мөөнөттүү перспективадагы өнүгүү перспективалары, каржы тармагындагы интеграция, ЕАЭБдин жалпы каржы рыногун түзүү жана кызмат көрсөтүүлөр менен өз ара сооданы либералдаштыруу жөнүндө айтып беришти. Иш-чара Евразия экономикалык комиссиясы менен биргеликте Россиядагы Америкалык Соода Палатасы жана Америка-Россия ишкердик кеңеши тарабынан уюштурулду.

10 декабрындагы 2019 ЕЭК министри Виктор Назаренко: "ЕАЭБ иштеп жаткан беш жылдын ичинде биз бирдиктүү экономикалык мейкиндикти түзүү боюнча олуттуу жолду басып өттүк" "Биздин Бирликке беш жыл толду. Бул кыска мөөнөттүн ичинде биз бирдиктүү экономикалык мейкиндикти түзүү боюнча олуттуу жолду басып өттүк, – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко Беларусь Республикасынын Президентине караштуу Башкаруу академиясында "Техникалык жөнгө салуунун бирдиктүү тутуму Евразия экономикалык бирлигинин (ЕАЭБ) мүчө мамлекеттеринин интеграциясынын негизги шарты катары" деген темада чыгып сүйлөгөн сөзүндө билдирди. – ЕАЭБдин ИДӨсү акыркы жылдарда эң жогорку өсүш темптерин көрсөттү. Мисалы, 2018-жылда Бирликтин ИДӨсүнүн өсүшү туруктуу баалар менен алганда 2,5% түздү. ЕАЭБдин ичиндеги өз ара сооданын көлөмү 9,2%га өстү. Үчүнчү өлкөлөр менен тышкы содданын көлөмү 2017-жылга салыштырмалуу 18,8%га өскөн, ал эми экспорт – 26,8%га". Аталган иш-чара евразиялык интеграция идеясынын 25-жылдыгына жана Евразия экономикалык бирлиги жөнүндө келишимге кол коюлгандыгынын 5-жылдыгына арналды.

10 декабрындагы 2019 Тигран Саркисян: "Россия жана Беларусь Бирликтик мамлекети – ЕАЭБдин өнүгүү драйверлеринин бири" Бирликтик мамлекет жана Евразия экономикалык бирлиги (ЕАЭБ) бири-бирин толуктап турат деп эсептейт Евразия экономикалык комиссиясынын (ЕЭК) Коллегиясынын Төрагасы Тигран Саркисян. Аталган интеграциялык бирикмелердин өзгөчөлүктөрү жөнүндө ал Бирликтик мамлекетти түзүү жөнүндө келишимге кол коюлгандыгынын 20-жылдыгына карата өткөрүлгөн илимий-тажрыйбалык конференцияда айтып берди.

Дагы көрсөтүү