Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6138

29 ноябрындагы 2019 Тигран Саркисян: «Биздин биринчи төрт жылдын ичиндеги негизги жетишкендигибиз – жаңы маданиятты – улуттан жогорку өз ара аракеттенүү маданиятын куруп жаткандыгыбызда деп эсептейм» Евразиялык бренддердин, биргелешкен компаниялардын жана дүйнөлүк масштабдагы долбоорлордун болушу – бул Евразия экономикалык бирлигинин (ЕАЭБ) өнүгүшү жана ЕАЭБдин кызыктуулугун колдоо үчүн зарыл болгон шарт. Бул тууралуу Евразия экономикалык комиссиясынын (ЕЭК) Коллегиясынын Төрагасы Тигран Саркисян 29–ноябрда Москвада «Евразиялык экономикалык интеграция» XIV эл аралык конференциясынын алкагында өткөрүлгөн «Евразия мейкиндигиндеги интеграциянын чакырыктары жана мүмкүнчүлүктөрү» деп аталган пленардык отурумда сөз сүйлөп жатып билдирди.

27 ноябрындагы 2019 ЕАЭБде европалык инвестициялар үчүн жаңы секторлорду ачууну пландаштырышууда Европалык бизнестин өкүлдөрү Евразия экономикалык бирлигинин (ЕАЭБ) өлкөлөрү менен инвестициялык кызматташтыкты тереңдетүүгө умтулуусу жөнүндө билдиришти. ЕАЭБде өз кезегинде инвестициялар үчүн жаңы секторлорду ачууну жана инвесторлордун режимин жөнгө салуу эрежелерин жакындатууну пландаштырышууда. 22-ноябрда VI Москва эл аралык каржылык-экономикалык форумунда ишкерлер Европа бирлигинин жана Евразия экономикалык бирлигинин ортосундагы өз ара аракеттенүүнүн перспективаларын талкуулашты.

27 ноябрындагы 2019 ЕЭК министри Виктор Назаренко: «ЕАЭБ өлкөлөрү дүйнөлүк сооданын универсалдуу тилинде сүйлөшөт» «Стандартташтырууну образдуу түрдө өндүрүүчүлөрдүн жана керектөөчүлөрдүн бири-бири менен сүйлөшкөн тили, ал эми эл аралык стандартташтырууну – дүйнөлүк сооданын универсалдуу тили деп атоого болот. Жана бул тил бардык жерлерде колдонулууга тийиш. Ошондуктан, БУУнун 2030-жылга чейин туруктуу өнүгүү максаттарына (ТӨМ) жетүү боюнча стратегиясын Евразия экономикалык бирлигинин (ЕАЭБ) өлкөлөрүндө ийгиликтүү ишке ашыруу үчүн, ТӨМ жаатындагы адистер өздөрүнүн иш-аракеттерин стандартташтыруу чөйрөсүндөгү кесиптештери менен бириктириши маанилүү», – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко Бириккен Улуттар Уюмунун Европа экономикалык комиссиясынын стандартташтыруу жана ченемдик жөнгө салуу маселелери боюнча кызматташтык жаатындагы саясат боюнча Жумушчу тобунун (БУУ ЕЭК 6 ЖТ) Женевада (Швейцария) болуп өткөн 29-сессиясында билдирди.

27 ноябрындагы 2019 ЕЭК ЕАЭБдеги өнөр жай кызматташтыгынын жаңы багыттарын иштеп чыгууда Евразия экономикалык комиссиясы (ЕЭК) Евразия экономикалык бирлигиндеги (ЕАЭБ) өнөр жай кызматташтыгын 2025-жылга чейинки жана 2035-жылга чейинки перспективадагы Негизги багыттарынын долбоорун даярдады. Документти ЕЭКтин өнөр жай боюнча Консультативдик комитетинин отурумунун катышуучулары карап чыгышты.

26 ноябрындагы 2019 Словакиянын ишкердик коомдоштуктары ЕАЭБдин жана ЕБнын кыйла тыгызыраак өз ара аракеттенүүсүнө кызыкдар Чет элдик компаниялардын ЕАЭБдин аймагында иштеши маселелерине арналган эл аралык конференциянын катышуучулары Евразия экономикалык бирлигинин (ЕАЭБ) жана Европа бирлигинин (ЕБ) ортосунда толук кандуу диалогду орнотуу зарылчылыгы тууралуу билдиришти. Конференция 21-ноябрда Братиславада (Словакия) болуп өттү.

26 ноябрындагы 2019 Тигран Саркисян Александр Шохинге "Евразия экономикалык бирлигин өнүктүрүүгө кошкон салымы үчүн" медалын тапшырды 25-ноябрда Москвада Евразия экономикалык комиссиясынын Коллегиясынын Төрагасы Тигран Саркисян Россия өнөр жайчылар жана ишкерлер бирлигинин президенти Александр Шохинге "Евразия экономикалык бирлигин өнүктүрүүгө кошкон салымы үчүн" медалын тапшырды. Тигран Саркисян Александр Шохин Бирликте ишкердик чөйрөнү жакшыртуу үчүн өзгөчө мааниге ээ болгон чоң ишти жүргүзүүдө, Бирликтин өлкөлөрүнүн ишкерлеринин иш-аракеттерин бириктирүүгө өбөлгө түзүү менен, ЕАЭБдин Ишкердик кеңешинин ишинде активдүү катышууда деп белгиледи. "РӨИБдин президенти катары Сиз евразиялык бизнестин глобалдык рыноктордогу статусун жогорулатууну өзүңүздүн ишмердигиңиздин приоритети кылдыңыз", – деп баса белгиледи ЕЭК Коллегиясынын Төрагасы.

26 ноябрындагы 2019 ЕАЭБде аба транспортунун кызмат көрсөтүүлөрүнүн жалпы рыногун түзүү үчүн адилеттүү жана ак ниет атаандаштыкты камсыз кылуу боюнча макулдашылган мамилелер иштелип чыгууда Евразия экономикалык комиссиясынын (ЕЭК) Коллегиясы 26-ноябрда энергетика жана транспорт, ички рыноктун иштеши, Евразия экономикалык бирлигинин (ЕАЭБ) өлкөлөрүнүн экономикаларын санариптештирүү, техникалык жөнгө салуу, дары-дармектердин жана медициналык буюмдардын жалпы рыноктору чөйрөлөрүндөгү жана бир катар башка чөйрөлөрдөгү маселелерди карап чыкты.

25 ноябрындагы 2019 "Жеке коргонуу каражаттарынын коопсуздугу жөнүндө" техникалык регламентине өзгөртүүлөр күчүнө кирүүдө 27-ноябрда "Жеке коргонуу каражаттарынын коопсуздугу жөнүндө" техникалык регламентине (ББ ТР 019/2011) ЕЭК Кеңешинин 2019-жылдын 28-майындагы № 55 Чечими менен кабыл алынган өзгөртүүлөр күчүнө кирмекчи.

Дагы көрсөтүү