Նորություններ
ԵԱՏՄ-ում փոփոխվել են դեղերի գրանցման և փորձաքննության կանոնները
Եվրասիական տնտեսական հանձնաժողովի խորհուրդը մայիսի 29-ի նիստի ընթացքում փոփոխություններ է կատարել Բժշկական կիրառման դեղամիջոցների գրանցման և փորձաքննության կանոններում։
Արդիականացվել է գրանցված դեղորայքային պատրաստուկի գրանցման դոսյեում փոփոխություններ կատարելու ընթացակարգի վարչական մասը՝ հաշվի առնելով իրավակիրառությունը։ Ցանկն ընդլայնվել է, և հստակեցվել են գրանցման դոսյեում փորձագիտական աշխատանք չպահանջող և ծանուցման կարգով իրականացվող փոփոխություններ կատարելու տեսակները։
ԵՏՀ տեխնիկական կարգավորման նախարար Վալենտին Տատարիցկին նշել է. «Ռիսկերի վրա հիմնված մոտեցման կիրառումը թույլ է տալիս նվազեցնել կարգավորիչ բեռը և ընդլայնել ծանուցման կարգի կիրառումը գրանցման դոսյեում փոփոխություններ կատարելիս»:
Հանձնաժողովի խորհրդի որոշումը թույլ կտա օպտիմալացնել Եվրասիական տնտեսական միության պետությունների լիազոր մարմինների (փորձագիտական կազմակերպությունների) կողմից ընթացակարգերի կատարումը գրանցված դեղերի առնչությամբ տարբեր տեսակի փոփոխությունների փորձագիտական աշխատանքների իրականացման և գրանցման դոսյեի գնահատման ժամանակ։ Օպտիմալացվում է նաև դեղագործական արտադրողների կողմից գրանցման դոսյեի նյութերի նախապատրաստումը։
Դեղամիջոցի գրանցման դոսյեում փոփոխություններ կատարելու այս պարզեցված ընթացակարգը կիրառվելու է 2024 թվականի մարտի 1-ից ի վեր ներկայացված դիմումների նկատմամբ (այսինքն՝ Խորհրդի կողմից ընդունված Որոշման դրույթները տարածվում են այս տարվա մարտի 1-ից ի վեր ծագած իրավահարաբերությունների վրա):
