Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

26 մարտի 2018 Ռուսաստանն ընդլայնել է անցակետերի ցանկը, որոնցով բեռները կարող են անցնել ՄՃՓ գրքույկներով Ապրիլի 14-ից միջազգային ճանապարհային փոխադրումների (ՄՃՓ) գրքույկների օգտագործմամբ Ռուսաստան ապրանքներ հնարավոր կլինի ներմուծել երեք լրացուցիչ բազմակողմանի ավտոմոբիլային անցակետերով՝ Բրուսնիչնոյե, Նեխոտեևկա, Տրոյեբորտնոյե։ Համապատասխան հրամանն ընդունել է ՌուսաստանիԴաշնության Ֆինանսների նախարարությունը։ Այդպիսով Ռուսաստանն առաջինը սկսեց իրագործել 2018-2019 թվականներին Եվրասիական տնտեսական միության (ԵԱՏՄ) ներքին շուկայում խոչընդոտների վերացման «ճանապարհային քարտեզը»։

23 մարտի 2018 Տիմուր Ժակսիլիկով. «HR սերվիսների միջազգային ցանցի ստեղծումը և աշխատանքային միգրանտների որակավորումների գնահատման կազմակերպումը թույլ կտա բարձրացնել ԵԱՏՄ աշխատանքի և աշխատուժի միջազգային շուկայի մասնակիցների կոմպետենտությունը» Եվրասիական համագործակցության ֆինանսաբանկային ընկերակցությունը (ԵԱՀ ՖԲԸ) Եվրասիական տնտեսական հանձնաժողովի (ԵՏՀ) հետ համատեղ աշխատանք է իրականացնում Եվրասիական տնտեսական միության (ԵԱՏՄ) երկրների մասնագետ միգրանտների որակավորումների աշխատանքի տեղավորման փուլում գնահատման համար նախատեսված ԵԱՀ ՖԲԸ Քննական կենտրոնների ցանցային կառույցի ստեղծման ուղղությամբ։

22 մարտի 2018 Սպառողները կաթ պարունակող մթերքների վրա կտեսնեն բուսական յուղերի մասին տեղեկատվությունը ԵՏՀ Կոլեգիան սահմանել է Միության «Կաթի և կաթնամթերքի անվտանգության մասին» անցած տարվա նոյեմբերի 10-ին Հանձնաժողովի Խորհրդի կողմից ընդունված կանոնակարգում փոփոխություններին վերաբերող անցումային դրույթները։ Փոփոխություններն ուժի մեջ կմտնեն 2018 թվականի հուլիսի 16-ին։

21 մարտի 2018 ԵՏՀ Կոլեգիայի նախագահ Տիգրան Սարգսյանը հանդիպել է Ռուսաստանում ԱՄՆ դեսպան Ջոն Հանթսմանի հետ։ Մարտի 21-ին Եվրասիական տնտեսական հանձնաժողովի (ԵՏՀ) գլխավոր գրասենյակում ԵՏՀ Կոլեգիայի նախագահ Տիգրան Սարգսյանի հանդիպումը Ռուսաստանի Դաշնությունում ԱՄՆ արտակարգ և լիազոր դեսպան Ջոն Հանթսմանի հետ։

21 մարտի 2018 ԵԱՏՄ երկրների ձեռներեցները երաշխավորում են ապրանքների անվտանգությունը ԵՏՀ Կոլեգիայի անդամները մարտի 20-ին ընդունել են Եվրասիական տնտեսական միության տեխնիկական կանոնակարգերի պահանջներին արտադրանքի համապատասխանության հայտարարագրերի գրանցման, դրանց գործողության կասեցման, վերականգնման և դադարեցման կարգը։

20 մարտի 2018 Եվրասիական ինտեգրումն անցնում է երիտասարդական չափման Եվրասիական տնտեսական հանձնաժողովը (ԵՏՀ) հադես է եկել «Եվրասիական ինտեգրում. երիտասարդական չափում» թեմայով լավագույն գիտական աշխատանքի կամ նախագծի համար 5-րդ միջազգային մրցույթի գլխավոր հովանավորի դերում։ Մրցութային աշխատանքների ընդունման ավարտին մնացել է ընդամենը մի քանի ամիս։

19 մարտի 2018 ԵԱՏՄ-ն և ՉԺՀ-ն քննարկում են մաքսային ընթացակարգերի պարզեցման հնարավորությունը Ապրանքների անվտանգ մատակարարման ապահովումը, տարածաշրջանային մակարդակով մաքսային մարմինների ղեկավարության փոխգործակցությունը, մաքսային վերահսկողության արդյունքների փոխադարձ ճանաչումը, մաքսային վիճակագրության տվյալների փոխանակումը, մաքսային վարչարարության կատարելագործումը և ԱՏԳ մասնակիցների համար առևտրի ընթացակարգերի պարզեցումը կարող են դառնալ Եվրասիական տնտեսական միության (ԵԱՏՄ) և Չինաստանի Ժողովրդական Հանրապետության միջև համագործակցության հետագա ուղղությունները։

19 մարտի 2018 ԵՏՀ-ն և ԵԲԸ-ն ամփոփել են նոր Մաքսային օրենսգրքով աշխատանքի առաջին եռամսյակի արդյունքները։ Եվրասիական տնտեսական հանձնաժողովի (ԵՏՀ) Կոլեգիայի մաքսային համագործակցության հարցերով անդամ (նախարար) Մուկայ Կադիրկուլովը Եվրոպական բիզնեսի ընկերակցության (ԵԲԸ) անդամ ընկերությունների ներկայացուցիչների և ընկերակցության գլխավոր տնօրեն Ֆրանկ Շաուֆֆի հետ Հանձնաժողովի պատվիրակության հանդիպման ընթացքում հայտնել է, որ Եվրասիական տնտեսական միության Մաքսային օրենսգրքի բոլոր դրույթների իրագործման համար անհրաժեշտ նորմատիվային իրավական բազայի մշակումը կտևի մինչև 2019 թվականը։ Կայացել է նոր մաքսային օրենսդրության հիման վրա ԵԱՏՄ երկրների աշխատանքի առաջին եռամսյակի արդյունքների վերաբերյալ կարծիքների փոխանակում։

Ցուցադրել ավելին