Жаңалықтар

29 Feb 2024 ЕЭК бизнестің назарын еркін сауда туралы келісімдер бойынша келіссөздер жұмыстарын жүргізген кезде диалог құру қажеттілігіне аударды 28 ақпанда Еуразиялық экономикалық комиссияның Сауда саясаты департаменті директорының орынбасары Михаил Черекаев «Ресей» Халықаралық көрме-форумы аясында «Алюминий күндері» бағдарламасының «Алюминий саласының жоғары жетістіктері» атты пленарлық сессиясында сөз сөйледі. Ол іс-шараға қатысушыларды Еуразиялық экономикалық одақтың Индонезиямен, БАӘ-мен, Египетпен және басқа елдермен еркін сауда туралы келісімдер жасасу жұмысы туралы хабардар етті. Михаил Черекаев Еуразиялық экономикалық одақта бизнес мүдделерін жан-жақты есепке алу және сауданы реттеудің болжалды әрі ашық ережелерін енгізудің табыстылығы үшін келіссөздер жұмыстарын іске асырған кезде іскер қоғамдастықпен тұрақты диалог жүргізудің маңыздылығына ерекше назар аударды.
29 Feb 2024 ЕЭК-те «бірыңғай терезе» тетігін іске асыру мәселесі қарастырылды Еуразиялық экономикалық одақта сыртқы экономикалық қызметті реттеу жүйесінде «бірыңғай терезе» тетігін іске асырудың басым құралдарын әзірлеу жөніндегі жұмыс тобы мәжілісін өткізді. Оған «бірыңғай терезе» ұлттық тетіктерін дамыту жобаларына тартылған Еуразиялық экономикалық комиссия мен ЕАЭО елдерінің уәкілетті органдарының кедендік ынтымақтастық жөніндегі блогының өкілдері қатысты. «Бірыңғай терезе» тетігін іске асыру құралдарының басымдылығын бағалау үшін Одақ елдерінің мүдделі мемлекеттік органдарына, заңды тұлғаларына және бизнес-қоғамдастықтарына сауалнама жүргізуге байланысты мәселелер қарастырылды. Бұған қоса, топ мамандары Еуразиялық экономикалық интеграцияны дамытудың 2025 жылға дейінгі стратегиялық бағыттарына сәйкес мүше мемлекеттерде «бірыңғай терезе» ұлттық тетіктерін енгізу жөніндегі пилоттық жобалардың алдағы 2024 жылғы көрсетілімін талқылады. Тараптар өкілдері сауалнама жүргізу тәсілдері мен нысанын, сндай-ақ ЕАЭО мемлекеттеріндегі пилоттық жобаларды көрсету элементтерін талқылады. Мұндай жұмыстың мақсаттарының бірі – шаруашылық жүргізуші субъектілер үшін СЭҚ жүргізу процесінің ыңғайлылығы мен ашықтығын қамтамасыз ету, бизнеске көрсетілетін қызметтердің сапасын арттыру. Анықтама «Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру жөніндегі іс - шаралар жоспары туралы» ЕЭК Кеңесінің 2021 жылғы 5 сәуірдегі № 4 өкімімен 2025 стратегиясын іске асыру жөніндегі шаралар, тетіктер мен іс-шаралар айқындалды. Іс-шаралар жоспарының 9.4-тармағының бөлігінде келесі іс-шаралар белгіленген: – «бірыңғай терезе» ұлттық механизмін іске асырудың басым құралдарын нормативтік бекітуді қамтамасыз ететін Одақ органдарының актілерін дайындау; – болашақта үйлесімділігі мен деректермен алмасу мүмкіндігін қамтамасыз ету мақсатында «бірыңғай терезе» ұлттық тетіктерін енгізу бойынша пилоттық жобаларды көрсетуге бағытталған іс-шаралар ұйымдастыру.
29 Feb 2024 Сарапшылар ЕАЭО елдерінің тауарларды декларациялау жөніндегі бастамаларын талқылады Еуразиялық экономикалық одақ елдерінің мемлекеттік органдары мен бизнес-қоғамдастықтарының сарапшылары 28 ақпанда Еуразиялық экономикалық комиссияның бейінді Консультативтік комитеті жанындағы кедендік декларациялау жөніндегі жұмыс тобының кезекті отырысында Тауарлар декларациясын толтыру тәртібіне өзгерістер енгізуге бағытталған ЕАЭО елдерінің бірқатар бастамашыл жобаларын талқылады. Кедендік бақылаудың тиімділігін арттыру және тексерулер санын азайту үшін контейнерлер туралы мәліметтерді көрсетуді оңтайландыру, сондай-ақ тауарлар декларациясын, транзиттік декларацияны және көлік құралына арналған декларацияны тіркеуді ресімдеу немесе тіркеуден бас тарту тәртібі қаралды. Бұған қоса, мәжіліске қатысушылар ЕЭК Алқасы шешімдерінің бұрын келісілген басқа да жобаларын алға жылжыту туралы, оның ішінде олардың реттеуші әсерін бағалау рәсімін жүргізу аясында хабардар етілді. Анықтама Тауарларға арналған декларацияны толтыру тәртібі Кеден одағы Комиссиясының 2010 жылғы 20 мамырдағы № 257 шешімімен бекітілген. Кедендік декларациялау жөніндегі жұмыс тобы ЕЭК Кедендік реттеу жөніндегі консультативтік комитетінің шешіміне сәйкес құрылған.
27 Feb 2024 ЕЭК Алқасы Одақтың май-тоңмай өнімдеріне арналған техникалық регламентіне өзгерістер бойынша өтпелі ережелерді белгіледі Өтпелі кезең – 12 ай болып айқындалды, осының ішінде Кеден одағының "Май-тоңмай өнімдеріне арналған техникалық регламент" техникалық регламентінде белгіленген міндетті талаптарға сәйкес Еуразиялық экономикалық одақтың кедендік аумағында май-тоңмай өнімдерін өндіруге және айналысқа шығаруға жол беріледі. Одақтың кедендік аумағында осындай май-тоңмай өнімдерін өндіруге және айналысқа шығаруға жол беріледі. Мұндай өнімдерді айналысқа шығаруға дайындаушы белгілеген жарамдылық мерзімі ішінде рұқсат етіледі. Өзгерістер техрегламенттің жекелеген ережелерін, соның ішінде өсімдік майларын тасымалдауға, сондай-ақ тағамдық май-тоңмай өнімдерінің жекелеген түрлерінде "май қышқылдарының глицидил эфирлерінің" рұқсат етілген деңгейін белгілеуге қатысты нақтылайды. Өзгерістер 2024 жылғы 22 желтоқсанда күшіне енеді.
27 Feb 2024 Тамақ өніміне арналған техникалық регламенттерге өзгерістерді қолданысқа енгізу тәртібі бекітілді Еуразиялық экономикалық комиссия Алқасы Кеден одағының тамақ өнімінің қауіпсіздігі саласындағы техникалық регламенттеріне енгізілген өзгерістерді қолданысқа енгізу тәртібін бекітті. Бұл тамақ өніміне, сондай-ақ оның жекелеген түрлеріне: май-тоңмай өнімдеріне, сүт және сүт өнімдеріне, ет және ет өнімдеріне, балық және балық өнімдеріне, құс етіне және ветеринариялық дәрілік заттардың тамақ өнімдерінде қалдық құрамының барынша рұқсат етілген деңгейлерін белгілеу бөлігінде оны қайта өңдеу өнімдеріне арналған техрегламенттер. Комиссия Алқасы Комиссия Кеңесінің 2023 жылғы 23 маусымдағы № 70 шешімімен қабылданған өзгерістердің күшіне ену күнінен (2024 жылғы 10 шілде) бастап 18 ай болатын өтпелі кезеңді айқындады. Осы кезең ішінде аталған регламентерде бұрын белгіленген міндетті талаптарға сәйкес Еуразиялық экономикалық одақтың кедендік аумағында тамақ өнімдерін өндіруге және айналысқа шығаруға жол беріледі. Бұл ретте мұндай өнімді Одақ нарығында айналысқа шығаруға оны дайындаушы белгілеген жарамдылық мерзімі ішінде рұқсат етіледі. Өтпелі кезеңді белгілеу кәсіпкерлік қызметті жүргізу жағдайларына оң ықпалын тигізеді. Жануарлардан алынатын тамақ өнімдерін дайындаушыларды, дайындаушылар уәкілеттік берген адамдар мен сатушыларды (жеткізушілерді) тамақ өнімдерінің қауіпсіздігі саласындағы техрегламенттерге енгізілген тауарларға ондағы ветеринариялық дәрілік заттардың қалдық құрамының барынша жол берілетін деңгейлерін белгілеу бөлігінде қойылатын жаңа талаптарды сақтауға біртіндеп дайындау үшін жеткілікті мерзім қамтамасыз етіледі.
Тағы да көрсету