Жаңалықтар

06 Dec 2024 Бақытжан Сағынтаев Садыр Жапаровты туған күнімен құттықтады Еуразиялық экономикалық комиссия Алқасының Төрағасы Бақытжан Сағынтаев Қырғыз Республикасының Президенті, Жоғары Еуразиялық экономикалық кеңес мүшесі Садыр Жапаровты туған күнімен құттықтады. "Сіз Еуразиялық экономикалық одақ кеңістігінде өзара тиімді ынтымақтастықты нығайтуға елеулі үлес қосып келесіз", – делінген құттықтау хатта. Бақытжан Сағынтаев Еуразиялық экономикалық комиссия атынан және жеке өз атынан Садыр Жапаровқа мықты денсаулық, құт-береке және Қырғызстан мен оның азаматтарының игілігі жолында алда да табысқа жете беруді тіледі.

06 Dec 2024 Бақытжан Сағынтаев: "ЕЭК Еуразиялық өңірдегі БҰҰ ОДМ жетістіктерінің көрсеткіштері туралы жаңа баяндама ұсынады" Еуразиялық экономикалық комиссия Алқасының Төрағасы Бақытжан Сағынтаев Еуразиялық даму банкінің Алматыда 6 желтоқсанда өткен "Орталық Азиядағы орнықты дамуға жәрдемдесу" конференциясына қатысушыларға ілтипат лебізімен қайырылды. ЕЭК Алқасының басшысы Еуразиялық өңір елдерінің алдында тұрған жаһандық сыни шақырыстардың қатарында экономиканы қоса, адам өмірінің барлық қырына әсер ететін климаттың өзгеруі бар екенін атап өтті. "Осы мәселенің маңыздылығына байланысты 2021 жылы Еуразиялық экономикалық одақ мемлекеттерінің басшылары климаттың өзгеруіне және оның салдарына қарсы күрес шеңберінде экономикалық ынтымақтастықты дамыту ниеті туралы мәлімдеме қабылдады. Онда Париж келісімінің мақсаттарына және ЕАЭО бірыңғай нарығының жұмыс істеу қағидаттарын негізге ала отырып, БҰҰ-ның Орнықты даму мақсаттарына қол жеткізу ниеті бекітілген", – деп атап көрсетті Бақытжан Сағынтаев. ЕЭК Алқасының Төрағасы атап өткендей, экономикалық интеграция ЕАЭО елдерінің ОДМ көрсеткіштеріне қол жеткізуіне оң әсер ететін қосымша фактор бола алады. Бақытжан Сағынтаев Комиссияның ағымдағы жылы "ЕАЭО 2.0 өңірінде БҰҰ ОДМ жетістіктерінің көрсеткіштері" атты жаңа баяндама дайындауды бастағанын да хабарлады. Оны 2025 жылғы шілде айында Орнықты даму жөніндегі жоғары деңгейдегі саяси форум шеңберінде Біріккен Ұлттар Ұйымының штаб-пәтерінде таныстыру жоспарланып отыр. Комиссия 2017 жылы "ЕАЭО өңіріндегі БҰҰ ОДМ жетістіктерінің көрсеткіштері" атты алғашқы баяндаманы дайындаған еді. Баяндаманың түйінді тұжырымы – экономикалық интеграция ЕАЭО-ға мүше мемлекеттердің ОДМ көрсеткіштеріне қол жеткізуіне оң әсер ететін қосымша фактор болып табылады. 

06 Dec 2024 Талғат Момышев: "Техникалық реттеу құралдары ЕАЭО-дағы қауіпсіз емес өнімнің айналымына қарсы тұрады" Астанада өткен "Антиконтрафакт-2024" халықаралық форумының тақырыптық секциясында өнімге қойылатын міндетті талаптарды белгілеу, стандарттау және сәйкестікті бағалау мәселелері талқыланды, онда спикердің бірі болып Еуразиялық экономикалық комиссияның Техникалық реттеу және аккредиттеу департаментінің директоры Талғат Момышев сөз сөйледі. Комиссия өкілі стандарттау саласындағы құқықтың өзгеруін, сәйкестікті бағалау мен аккредиттеуді, Одақтың халықаралық шарттарын іске асыру үшін қажетті "екінші деңгейдегі" құжаттарды қоса, ЕАЭО-дағы техникалық реттеудің негізгі қырлары туралы айтты. Бұдан басқа, ол "Еуразиялық экономикалық жол" декларациясын іске асыру жөніндегі іс-шаралар жоспарын әзірлеу туралы хабарлады. "ЕАЭО-дағы техникалық реттеу бірыңғай міндетті талаптарды белгілеуді, стандарттарды қолдану, сәйкестікті бағалауды жүргізу, сондай-ақ тиімді мемлекеттік бақылауды жүзеге асыру арқылы олардың іске асырылуын қамтамасыз етуді қамтитын өзара байланысты элементтердің кешенді жүйесі болып табылады. Техникалық реттеу құралдары біздің нарықтағы қауіпсіз емес өнімдердің заңсыз айналымына қарсы әрекет етеді Бұған ЕАЭО техникалық регламенттері талаптарының сәйкестігін бағалау және сақталуын мемлекеттік бақылау саласындағы тиімді нормативтік өріс ықпал етеді, Комиссия оларды жетілдіру бойынша мүше мемлекеттермен бірлесіп тұрақты негізде жұмыс істеп келеді", – деп атап өтті Талғат Момышев. Форумда цифрлық сауданы дамыту, темекі, никотинді және алкоголь өнімдерінің заңсыз айналымына қарсы әрекет ету, фармконтрафактіге қарсы күрес мәселелері де талқыланды. Форум жұмысына Еуразиялық экономикалық одақ мемлекеттерінің және үшінші елдердің мемлекеттік органдарының, қоғамдық ұйымдарының, бизнес-қауымдастықтарының өкілдері қатысты.

06 Dec 2024 ЕЭК УЭО үшін оңайлатудың жаңа бастамаларын қарады УЭО институтын дамыту жөніндегі консультативтік комитет жанындағы бейінді жұмыс тобының отырысында СЭҚ-тың заңға бағынатын қатысушылары - уәкілетті экономикалық операторлар (УЭО) үшін оңайлату спектрін кеңейтуге және Еуразиялық экономикалық одақтағы осындай мәртебенің тұтастай тартымдылығына бағытталған бастамалар талқыланды. Тауарларды декларациялау, есептілікті ұсыну, қамтамасыз етуді ұсынбай тұрып кедендік әкелу бажын төлеу мерзімін кейінге қалдыру немесе мерзімін ұзартып төлеу, экспортталатын тауарларға қатысты декларация берілгенге дейін шығаруды қолдану бөлігінде оңайлату талқыланды. "Отырыста кедендік әкімшілендірудің перспективалық бағыты және операторлар үшін одан әрі оңайлатудың катализаторы болып табылатын реттеуші әсерді бағалау рәсімінен өткен УЭО тауарларын есепке алу жүйесіне орайлас, Комиссия дайындаған типтік талаптардың жобасы қаралды", – деп атап өтті Еуразиялық экономикалық комиссияның Кеден заңнамасы және құқық қолдану практикасы департаментінің директоры Александр Титов. Бұдан басқа, құқық қолдану практикасының УЭО тізіліміне бірнеше негіз бойынша кірістіру туралы куәліктің қолданылуын тоқтата тұруға және тауарларды есепке алу жүйесіне қойылатын талаптарға сәйкестікті тексеруді жүзеге асыруға байланысты мәселелері қозғалды әрі аталған мәселелер бойынша ортақ түсініс тұжырымдалды. Уәкілетті экономикалық оператор институты — әріптестік бағдарламасының халықаралық танылған стандарты, ал УЭО — белгілі бір талаптарға сай келетін тұлғалар ретінде кедендік операциялар мен кедендік бақылау жүргізу кезінде оңайлату ұсынылатын тұлғалардың айрықша санаты. ЕАЭО-ға мүше мемлекеттерде УЭО институтын дамыту жөніндегі жұмыс тобы 2014 жылы құрылды. Ол Одақта уәкілетті экономикалық операторлар институтын жетілдіру және дамыту жөніндегі ұсыныстарды тұжырымдайды.

05 Dec 2024 Қасым-Жомарт Тоқаев пен Бақытжан Сағынтаев ЕАЭО-ны одан әрі дамыту перспективаларын талқылады Қазақстан Республикасының Президенті Қасым-Жомарт Тоқаев Еуразиялық экономикалық комиссия Алқасының Төрағасы Бақытжан Сағынтаевты қабылдады. Мемлекет басшысы ЕЭК қызметінің басымдықты бағыттары туралы баяндаманы тыңдады. Кездесу барысында Еуразиялық экономикалық одақтың ағымдағы жай-күйі және оны одан әрі дамыту перспективалары талқыланды. Қасым-Жомарт Тоқаевқа 26 желтоқсанда Санкт-Петербургте өтетін Жоғары Еуразиялық экономикалық кеңестің кезекті отырысына дайындықтың барысы туралы да баяндалды.

05 Dec 2024 ЕЭК тұқым нарығын жетілдіреді Астанада өткен "Тұқым-2025" тұқым күні" халықаралық конференция-көрмесінде Комиссияның Агроөнеркәсіптік саясат департаменті директорының орынбасары Айна Құсайынова Еуразиялық экономикалық комиссияның Еуразиялық экономикалық одақтың ортақ тұқым нарығын жетілдіру жөніндегі ЕАЭО елдерімен бірлесіп жүргізетін жұмысы туралы айтып берді. Айна Құсайынова осы нарықты құрудың негіздері Одақ туралы шартта және ЕАЭО-дағы ауыл шаруашылығы өсімдіктері тұқымының айналысы туралы келісімде қаланғанын еске сала отырып, "Бүгін Одақта тұқым мен отырғызу материалының кедергісіз айналысы үшін жағдай жасалған. Мүше мемлекеттер тұқымның сұрыптық және себу сапасы туралы құжаттарды өзара таниды. Ұлттық құжаттардың тиісті тізбесі, сондай-ақ оларда қамтылуға тиіс міндетті мәліметтердің бірыңғай құрамы Еуразиялық экономикалық комиссияның құқықтық актілерімен бекітілген", – деп атап көрсетті. Тұқым сапасын анықтау рәсімдерінің баламалылығын қамтамасыз ету үшін бірыңғай әдістер бекітілді, сынамаланды және Одақ елдерінде ойдағыдай пайдаланылуда. ЕАЭО-да ауыл шаруашылығы өсімдіктерінің сұрыптарын сынау рәсімдерін, тұқым санаттарына, оларды буып-түюге және таңбалауға қойылатын талаптарды біріздендіруге бағытталған құжаттар қабылданды, тұқымның сұрыптық және себу сапасы көрсеткіштерін біріздендіру тәсілдемелері әзірленді. Жалпы ақпараттық ресурс – мүше мемлекеттерде пайдалануға рұқсат етілген немесе ұсынылған ауыл шаруашылығы өсімдіктері сұрыптарының бірыңғай тізілімі қолданысқа енгізілді. Одақ елдерінің күш-жігерін шоғырландыру арқасында тұқым шаруашылығы мен тұқымның өзара саудасын дамытуда оң үрдістер байқалуда, олардың көлемі соңғы жылдары 1,7 есе өсті. Конференция-көрме іс-шаралары барысында тұқым шаруашылығының өзекті мәселелері бойынша ұсыныстар мен шешімдер әзірленді, ортақ тұқым нарығын дамытудың перспективалық бағыттары мен пәрменді механизмдері талқыланды. "Тұқым-2025" тұқым күні" халықаралық конференция-көрмесі Қазақстан Республикасы Ауыл шаруашылығы министрлігінің, "Ауыл шаруашылығы дақылдарының сұрыптарын сынау жөніндегі мемлекеттік комиссия" РММ, Қазақстан Республикасының "Атамекен" Ұлттық кәсіпкерлер палатасының, "Республикалық тұқым өсірушілер палатасы" ЗТБ және басқа бірқатар ұйымның қолдауымен өткізілді.

05 Dec 2024 Бақыт Сұлтанов: "Комиссия мен ЕАЭО елдері Одақтың ішкі нарықтарын контрафактіден қорғау үшін белсенді шаралар қабылдауда" Астанада өтіп жатқан "Антиконтрафакт-2024" XII халықаралық форумының пленарлық отырысында Еуразиялық экономикалық комиссияның Экономика және қаржы саясаты жөніндегі министрі Бақыт Сұлтанов Еуразиялық экономикалық одақтағы зияткерлік меншікті қорғау ерекшеліктері туралы айтты. Ол зияткерлік меншік объектілеріне құқықтарды қорғау ЕЭК қызметінің басым бағыттарының бірі болып табылатынын атап көрсетті. Биыл Комиссия Одақ елдерімен бірлесіп екі халықаралық шарт жобасын әзірледі, олар: Интернет желісіндегі зияткерлік меншік объектілеріне құқықтардың бұзылуына қарсы күрестің келісілген тәсілдемелері туралы келісім және ЕАЭО-ға мүше мемлекеттерде қорғалатын өнеркәсіптік меншік объектілері туралы ақпарат іздеуді жүзеге асыруға мүмкіндік беретін сервис туралы келісім. Бұдан өзге, ЕАЭО мемлекеттерінде 2019-2023 жылдар ішіндегі зияткерлік меншік саласы бойынша талдамалы шолу дайындалды. Шолу озық халықаралық құқық қолдану практикасы туралы ақпаратты және ЕАЭО елдерінің зияткерлік меншік саласындағы заңнамасын жетілдіру нәтижелерін, сондай-ақ олардың Жаһандық инновациялық индекс (ЖИИ) рейтингіндегі көрсеткіштері және Еуразиялық "бестік" мемлекеттерінің технологиялар мен инновацияларды қолдау орталықтарының желісін дамыту туралы мәліметтерді қамтиды. Құжатқа сәйкес 2023 жылы Армения Республикасы ЖИИ рейтингінде 9 орынға көтеріліп, 63-орынға ие болды, Қырғыз Республикасы 7 орынға көтеріліп, 99-орынға ие болды, Қазақстан Республикасы үш позицияға көтеріліп, 78- орынға ие болды.  Бақыт Сұлтановтың сөзінше, өткен бес жыл ішінде ЕАЭО-да зияткерлік меншік саласында 46 мыңнан астам бұзушылық анықталды, 60 млн астам контрафактілік тауар алып қойылды. ЕЭК министрі контрафактілік тауарлардың ішінде киім, аяқ киім, ойын және ойыншықтар, автомобильдің қосалқы бөлшектері, тамақ өнімдері, алкоголь, тұрмыстық техника және электроника бәрінен көп екенін атап көрсетті. Бақыт Сұлтанов Одақтың ішкі нарығында контрафактілік өнімнің таралуына қарсы әрекет ету үшін Комиссия мен ЕАЭО мемлекеттері қабылдап жатқан шаралар туралы айта келе, Комиссия тұтынушылардың мүдделерін қорғауға және тауарлардың қауіпсіздігіне айтарлықтай көңіл бөлетінін атап өтті. "Бұл ретте контрафактілік өнімнің таралуына жол бермеу жөніндегі біздің қызметіміз зияткерлік меншік объектілеріне құқықтарды қорғаумен ғана шектелмейді. Біз сондай-ақ тауарлардың қауіпсіздігі мен тұтынушылардың құқықтарын қорғауға да бірінші кезекте маңыз береміз", – деді ЕЭК министрі. Комиссия мүше мемлекеттермен бірлесіп ЕАЭО электрондық сауда тауарлары нарығын құру үшін мамандандырылған реттеуді ендіру бойынша жұмыс істеу үстінде. Бұл жұмыс электрондық саудаға қатысушылардың құқықтары мен мүдделерін қорғауға, олардың арасында өзара іс-қимыл қағидаларын орнатуға бағытталған. Тағы бір маңызды бағыт – өнімнің сапасын бақылауға және нарыққа контрафактілік әрі сапасыз тауарлардың түсуін болдырмауға мүмкіндік беретін тауарларды таңбалау мен қадағалап отыру болып табылады. ЕАЭО деңгейінде кәсіпкерлерді қолдау құралдары, соның ішінде қаржы ұйымдары берген кредиттер мен қарыздар бойынша пайыздық ставканы субсидиялау түрінде құрылған. "Осы шаралардың барлығы жосықсыз кәсіпкерлік қызметті қысқартуға, тауарлар және оларды өткізу тәсілдері туралы ақпараттың ашықтығын арттыруға, өндірістің жаңа модельдерін құруға бағытталған", – деп түйіндеді Бақыт Сұлтанов. 

Жаңалықтар

ЕАЭО ресурстары