Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6237

12 ноябрындагы 2025 Андрей Слепнев: "ЕАЭБ – КЭР Биргелешкен комиссиясында өз ара соода күн тартибинин негизги маселелери боюнча чечимдер сунушталды" Евразия экономикалык бирлиги менен Кытай Эл Республикасынын ортосундагы Соода-экономикалык кызматташтык жөнүндө макулдашууну ишке ашыруу боюнча Биргелешкен комиссиянын V отуруму 12-ноябрда Евразия экономикалык комиссиясынын штаб-квартирасында ЕЭКтин соода боюнча министри Андрей Слепневдун жана КЭРдин коммерция министринин орун басары Ян Дундун төрагалыгы астында болуп өттү. Акыркы бир нече жыл аралыгында тараптардын соода-экономикалык байланыштарынын түзүмүндө жана багыттарында сапаттуу жылыштар болгондугу белгиленди. Бул шарттарда күч-аракетти мындан аркы тең салмактуу өнүгүүгө өбөлгө боло турган маселелерге топтоо өзгөчө маанилүү. Төмөн көмүртектүү өнүгүү чөйрөсүндө стандарттарды шайкеш келтирүү жана климаттык жөнгө салуу механизмдерин өркүндөтүүгө, анын ичинде өнөр жай продукциясындагы көмүртектин изин эсептөөгө байланыштуу соода тоскоолдуктарынын тобокелдиктерин нивелирлөө боюнча туруктуу диалогду түзүү жөнүндө макулдашууга жетишилди. ЕАЭБ мамлекеттери жана Кытай жеткирүү чынжырларынын бекемдигин жана туруктуулугун жогорулатууга жана ДСУнун эрежелерине туура келбеген сооданы чектөө чараларына каршы турууга умтулушат. "Тараптар дүйнөлүк экономиканын иштеши үчүн ачык, туруктуу жана болжолдуу негизди камсыз кылган көп тараптуу соода тутумунун маанилүүлүгүн баса белгилешти", – деди Андрей Слепнев. Кытайдын коммерция министринин орун басары Ян Дун КЭР менен ЕАЭБдин ортосундагы биргелешкен аракеттерге негизделген, соода-экономикалык кызматташтыкты мындан ары тереңдетүүнүн олуттуу потенциалын баса белгиледи. Ал белгилегендей, Биргелешкен комиссиянын IV отурумунан кийин 2024-жылдын апрелинде Макулдашууну ишке ашыруудан дагы чоң натыйжаларга жетишүү максаты коюлган жана өз ара аракеттенүү чөйрөсү кеңейтилген. "2024-жылы өз ара соода көлөмү боюнча рекорд коюлду. Ал эми 2025-жылдын январынан сентябрына чейин биздин статистика боюнча товар жүгүртүү 228,38 млрд долларды түздү", – деди Ян Дун. Тараптар кызматташтыктын багыттары боюнча биргелешкен аракеттерди иштеп чыгуу үчүн "Бир алкак – бир жол" демилгесин жана ЕАЭБди айкалыштыруу боюнча диалогду түзүүгө даярдыгын белгилешти. Ошондой эле ЕАЭБ өлкөлөрүнүн айыл чарба продукцияларын экспорттоочуларын CIFER тутумунда каттоо боюнча биргелешкен семинар өткөрүү жана СФС-чараларын колдонуу жагында консультациялар жөнүндө макулдашуулар болду. Андрей Слепнев белгилегендей, бул кытай рыногуна мал чарба продукциясынын жеткиликтүүлүгүн кеңейтүүгө жана экспорттолуучу өсүмдүк продукциясынын ассортиментин көбөйтүүгө өбөлгө түзөт (күздүк буудай жана арпа, буудай кебеги, рапс үрөнү, аквакультура продукциясы ж. б.) Тараптар бажы кызматташтыгы боюнча комитетченин отурумун өткөрүүнү, анын ичинде навигациялык пломбаларды колдонуу жана бажы маалыматтарын алмашуу маселелерин талкуулоо үчүн макулдашышты. Фармацевтика, ички рынокту коргоо, мамлекеттик сатып алуулар жана атаандаштык, электрондук соода, "Евразиялык агроэкспресс" долбоорун өнүктүрүү, соодадагы техникалык тоскоолдуктарды четтетүү чөйрөлөрүндө өз ара аракеттенүү боюнча диалог каралган. Жолугушуунун жыйынтыгында тараптар соода-экономикалык кызматташтыкты өнүктүрүү боюнча жол картасынын актуалдаштырылган версиясын даярдоону макулдашышты.

12 ноябрындагы 2025 Бакытжан Сагинтаев Кытайдын коммерция министринин орун басары Ян Дун менен сүйлөшүүлөрдү өткөрдү Евразия экономикалык комиссиясынын Коллегиясынын Төрагасы Бакытжан Сагинтаев 12-ноябрда ЕЭКтин штаб-квартирасында Кытай Эл Республикасынын коммерция министринин орун басары Ян Дун менен жумушчу жолугушуу өткөрдү. Жолугушуунун жүрүшүндө Евразия экономикалык бирлигинин өлкөлөрү менен КЭРдин соода-экономикалык кызматташтык жөнүндө макулдашуунун алкагында өз ара иштешүүсүнүн жыйынтыктары жана перспективалары каралды. "Кытай Эл Республикасы ЕАЭБ мамлекеттеринин негизги тышкы экономикалык өнөктөшү болуп саналат. 2024-жылдын жыйынтыгы боюнча, өз ара соода 291 миллиард доллар менен жаңы рекорддук көлөмүн белгиленген. КЭРдин үлүшү Бирликтин үчүнчү өлкөлөр менен жалпы товар жүгүртүүсүнүн 35%ын түздү", – деп белгиледи Бакытжан Сагинтаев. Бүгүн ЕЭК аянтчасында ЕАЭБ – Кытай Биргелешкен комиссиясынын бешинчи отуруму болуп өттү, анда Макулдашууну ишке ашыруу планынын ийгиликтүү аткарылышы белгиленген. Тараптар жол картасын жаңылоо зарылдыгы тууралуу жыйынтыкка келишти. Бул багыттагы иштерди жакын арада баштоо пландаштырылууда. "Жол картасын артыкчылыктуу тармактарда стандарттарды шайкеш келтирүү жана жол- жоболорду жөнөкөйлөтүү боюнча конкреттүү чаралар менен толтуруу зарыл деп эсептейм", – деп белгиледи ЕЭК Коллегиясынын башчысы. Жолугушуунун жыйынтыгы боюнча тараптар биргелешкен аракеттер менен сооданын мындан аркы өсүшү, экономикалык диалогду туруктуу өнүктүрүү жана ЕАЭБ өлкөлөрүнүн жана КЭРдин бизнеси үчүн жагымдуу шарттар камсыздалаарына ишеним билдиришти. ЕАЭБ – Кытай Биргелешкен комиссиясы 2018-жылы кол коюлган Евразия экономикалык бирлиги менен анын мүчө мамлекеттери бир тарабынан жана экинчи тарабынан Кытай Эл Республикасынын ортосундагы соода-экономикалык кызматташтык жөнүндө макулдашуунун 12.1-беренесине ылайык түзүлгөн. Биргелешкен комиссиянын тең төрагалары болуп ЕЭКтин соода боюнча министри Андрей Слепнев жана КЭРдин коммерция министринин орун басары Ян Дун саналат.

11 ноябрындагы 2025 ЕЭК эл аралык соода боюнча конференцияда санариптик трансформация боюнча ишмердүүлүктү сунуштады Евразия экономикалык комиссиясынын Соода саясаты департаментинин директорунун орун басары Константин Бегиджанов жыл сайын өткөрүлүүчү "XXI кылымда эл аралык соода: БСУ эрежелеринен санариптик экотутумдарга" конференциясында "Эл аралык сооданын келечеги: Россия глобалдык эрежелердин жана санариптик платформалардын өзгөрүшү шартында" пленардык сессиясына катышты. Өз сөзүндө ал Евразия экономикалык бирлигинин санариптик трансформациясынын негизги артыкчылыктары менен тааныштырды, ЕАЭБдин үчүнчү өлкөлөр менен түзүлгөн преференциалдык макулдашуулары, Египет, Индия жана Индонезия сыяктуу келечектүү өнөктөштөр менен иштөө жөнүндө билдирди. Көрсөтүлгөн мамлекеттер менен сүйлөшүүлөрдү ийгиликтүү аяктоо тышкы соода ишинде преференциалдык товар жүгүртүүнүн үлүшүн олуттуу көбөйтүүгө мүмкүндүк берет. "Түзүлгөн макулдашуулардын алкагында ЕАЭБ соода жол-жоболорун жөнөкөйлөтүү жана автоматташтыруу маселесине өзгөчө көңүл бурат, бул бизнестин коромжуларын түздөн-түз төмөндөтөт жана жеткирүүлөрдүн алдын-ала божомолдуулугун жогорулатат. Иш тарифтик келишимдер линиясы боюнча да, тарифтик эмес өз ара аракеттенүү жагында да жүргүзүлүүдө: бажы процедуралары, фитосанитардык жана ветеринардык чаралар, маалыматтардын электрондук жүгүртүлүшү", – деп белгиледи Константин Бегиджанов. Стратегиялык перспективада Бирлик соода жана транспорт үчүн эл аралык жеткирүүлөр тизмегине интеграцияланган бирдиктүү санариптик платформаны түзөт. Бул өз ара сооданын ачыктыгын гана жогорулатпастан, негизги соода өнөктөштөрү менен шайкештикти камсыз кылат.

11 ноябрындагы 2025 ЕЭКте фармацевтиканы инновациялык өнүктүрүү талкууланды Евразия экономикалык бирлигинде фармацевтикалык субстанцияларды өндүрүү, санариптик трансформация жана жалпысынан фармацевтиканы инновациялык өнүктүрүү ЕЭКтин өнөр жай жана агроөнөр жай комплекси боюнча министри Гоар Барсегяндын төрагалыгы астында Евразия экономикалык комиссиясынын штаб-квартирасында өткөн "ЕАЭБдин фармацевтикалык тармагын өнүктүрүү жолдору" семинарында талкуулоонун башкы темалары болду. "Узак мөөнөттүү келечекте ийгиликке жетүү үчүн биз ЕАЭБ өлкөлөрүнүн фармацевтикалык тармагын өркүндөтүү боюнча мындан аркы кадамдарды концептуалдуу түшүнүүнү иштеп чыгышыбыз керек. Өнүгүү вектору жөн гана тигил же бул продукцияны салыштырмалуу кыска аралыкта алмаштырууга эмес, технологиялык жылыш үчүн шарттарды камсыздоого жана Бирликте жаңы компетенцияларды түзүүгө багытталууга тийиш", – деп белгиледи Гоар Барсегян. ЕАЭБдин Фармацевтикалык өндүрүүчүлөр ассоциациясынын башкармалыгынын төрагасы Алексей Кедрин индустрияны модернизациялоонун маанилүүлүгүн баса белгиледи, ал кээде анын атаандаштыкка жөндөмдүүлүгүн төмөндөтүүчү бир катар чектөөлөргө дуушар болууда. Семинарда бизнестин өкүлдөрү тарабынан көтөрүлгөн негизги маселелер, анын ичинде фармацевтикадагы санариптик инжинирингге, субстанциялардын өндүрүшүн локалдаштыруунун перспективаларына, ЕАЭБ мейкиндигинде эл аралык кооперацияны өнүктүрүүдөгү тоскоолдуктарды четтетүүгө тиешелүү болгон. Семинардын жүрүшүндө айтылган негизги жыйынтыктар жана сунуштар Комиссиянын өнөр жай блогунун мындан аркы ишинде эске алынат. Иш-чарага ишканалардын – дары-дармектердин, тармактык кластерлердин жана ассоциациялардын ири өндүрүүчүлөрүнүн, инновациялык компаниялардын, Бирлик өлкөлөрүнүн улуттук жөнгө салуучу органдарынын жетекчилери, ошондой эле Кубанын фармацевтикасынын өкүлдөрү катышышты.

07 ноябрындагы 2025 Андрей Слепнев Индиянын Элчиси Винай Кумар менен соода келишиминин үстүндө иштөөнү талкуулады Евразия экономикалык комиссиясынын соода боюнча министри Андрей Слепнев Индиянын Россиядагы Атайын жана Ыйгарым Укуктуу Элчиси Винай Кумар менен жолугушуу өткөрдү. Тараптар Евразия экономикалык бирлиги менен Индиянын экономикалык өз ара аракеттешүүсүн тереңдетүү маселелерин, анын ичинде эркин соода жөнүндө макулдашуу боюнча иштерди талкуулашты. Азыркы учурда преференциалдык соода макулдашуусун түзүү боюнча сүйлөшүүлөрдүн биринчи раундун өткөрүүгө жигердүү даярдык жүрүүдө. "ЕАЭБ менен Индиянын соода-экономикалык байланыштары туруктуу бойдон калууда. Өз ара соодада алымдарды четтетүү өз ара аракеттенүүнүн потенциалын ачууга кошумча өбөлгө түзөт", – деп баса белгиледи Андрей Слепнев.

07 ноябрындагы 2025 ЕЭКтин Интеграцияны өнүктүрүү департаментинин директорунун орун басары болуп Игорь Старовойтов дайындалды Игорь Григорьевич Старовойтов 1969-жылы Иолотань шаарында (Түркмөнстан) туулган. 1993-жылы Беларусь мамлекеттик университетин, 2006-жылы – Беларусь Республикасынын Президентине караштуу Башкаруу академиясын бүтүргөн. 1998-жылдан 2025-жылга чейин – Беларусь Республикасынын Эмгек жана социалдык коргоо министрлигинде иштеген, ал жерде жетектөөчү адистен Беларустун Эмгек жана социалдык коргоо министринин орун басарына чейинки жолду басып өткөн. 2025-жылдын 5-ноябрынан тарта Евразия экономикалык комиссиясынын Интеграцияны өнүктүрүү департаментинин директорунун орун басары болуп дайындалды.

05 ноябрындагы 2025 Арзыбек Кожошев БАЭнин энергетика жана инфраструктура министри Сухейл Мохамед Аль Мазруи менен жолугушту ЕЭКтин энергетика жана инфраструктура боюнча министри Арзыбек Кожошев менен Бириккен Араб Эмираттарынын энергетика жана инфраструктура министри Сухейл Мохамед Аль Мазруинин жумушчу жолугушуусу Абу-Дабиде (БАЭ) ADIPEC энергетикалык форумунун алкагында болуп өттү.

05 ноябрындагы 2025 Арзыбек Кожошев: "Энергетика тармагы ЕАЭБ алкагында интеграцияны өнүктүрүүнүн негизги багыттарынын бири болуп саналат" Бул туурасында ЕЭКтин энергетика жана инфраструктура боюнча министри Арзыбек Кожошев Абу-Дабиде (Бириккен Араб Эмираттары) 29-эл аралык мунайгаз көргөзмөсүндө жана ADIPEC-2025 конференциясында сүйлөп жатып билдирди.

Дагы көрсөтүү