Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6153

06 майындагы 2020 6-майда ЕАЭБдин парфюмердик-косметикалык продукцияга карата техникалык регламентине өзгөртүүлөр күчүнө кирди Евразия экономикалык бирлигинин рыногундагы парфюмердик-косметикалык продукциянын курамына карата талаптар такталды – колдонууга тыюу салынган же белгиленген чектөөлөрдү сактоо менен колдонууга уруксат берилген заттардын тизмектери, ошондой эле уруксат берилген боёгучтардын, консерванттардын жана УФ-чыпкалардын тизмектери актуалдаштырылды. Талаптар ЕБнын косметика боюнча Регламенти менен шайкеш келтирилди.

06 майындагы 2020 Михаил Мясниковичтин туулган күнүнө куттуктоолор Бүгүн ЕЭК Коллегиясынын Төрагасы Михаил Мясникович өзүнүн 70 жылдык мааракесин белгилөөдө. Ага ЕАЭБ өлкөлөрүнүн мамлекет башчыларынан жана өкмөт башчыларынан, Бирликтин өлкөлөрүнүн мамлекеттик органдарынын жана дипломатиялык миссияларынын, ошондой эле эл аралык уюмдардын жетекчилеринен куттуктоо каттар, телеграммалар жана телефон чалуулар келип түшүүдө. Төмөндө алардын айрымдары.

29 апрелиндеги 2020 ЕАЭБ эл аралык кызматташтыктын географиясын кеңейтти Евразия экономикалык бирлиги дүйнөнүн алдыңкы өлкөлөрүнүн жана регионалдык интеграциялык бирикмелеринин көпчүлүгү менен кызматташтыкты расмийлештирди же алар менен активдүү өз ара аракеттенип келет. Бул тууралуу ЕАЭБдин 2019-жылдагы эл аралык ишмердигинин негизги багыттарынын ишке ашырышы жөнүндө баяндамада айтылат. Аны ЕЭК Кеңешинин мүчөлөрү 28-апрелде карап чыгышты.

29 апрелиндеги 2020 Комиссия ЕАЭБдин агроиндустриясынын өнүгүү картасын иштеп чыкмакчы Евразия экономикалык комиссиясы Евразия экономикалык бирлигинин агроөнөр жай комплексинин өнүгүшү үчүн маанилүү болуп саналган ири инвестициялык жана инновациялык долбоорлор жөнүндө маалыматтарды камтыган маалыматтык ресурсту түзмөкчү. ЕЭК Кеңеши тийиштүү чечимди 29-апрелде кабыл алды. Ал Бирликтин өлкөлөрүнүн өкмөт башчыларынын деңгээлиндеги Өкмөттөр аралык кеңештин жакынкы отурумдарынын биринде колдоого алынат деп күтүлүүдө.

29 апрелиндеги 2020 ЕЭК Кеңеши ЕАЭБ мамлекеттеринин макроэкономикалык саясатынын 2020–2021-жылдарга карата негизги багыттарынын долбоорун жактырды Документтин долбоору макроэкономикалык саясаттын орто мөөнөттүү перспективадагы максаттары катары макроэкономикалык стабилдүүлүктү жана ЕАЭБ мамлекеттериндеги калктын жашоосунун жетишилген деңгээлин сактоону, ошондой эле Бирликтин андан аркы экономикалык өнүгүүсү үчүн негиздерди түзүүнү караштырат.

29 апрелиндеги 2020 ЕЭК Кеңеши Комиссиянын 2019-жылдагы чечимдеринин долбоорлорунун ЖТБсын өткөрүү жөнүндө отчётту карап чыкты Документ Евразия экономикалык комиссиясынын түзүмдүк бөлүктөрү жана профилдик жумушчу топтору тарабынан жөнгө салуучу таасирди баалоо (ЖТБ) жол-жобосун өткөрүү боюнча статистиканы жана талдоону камтыйт.

28 апрелиндеги 2020 Бирликте дагы төрт мамлекеттер аралык долбоор санариптештирилди ЕЭК Коллегиясынын тескемеси менен бажы чөйрөсүндөгү мамлекеттер аралык (чек ара аралык) электрондук өз ара аракеттенүүнүн дагы үч процесси, ошондой эле бажылык-тарифтик жана тарифтик эмес жөнгө салуу жаатындагы бир процесс "санариптештирилди" жана аракетке киргизилди. Аталган процесстер боюнча маалыматтар Бирликтин интеграцияланган маалыматтык тутумунун (ИМТ) каражаттары аркылуу берилмекчи жана иштетилмекчи.

28 апрелиндеги 2020 Армения жана Кыргызстан алымдардын ЕАЭБдин Бирдиктүү бажы тарифинен айырмаланган коюмдары боюнча алып келген товарлардын тизмектеринин жаңы редакциялары бекитилди 28-апрелде ЕЭК Коллегиясы Армения жана Кыргызстан аларга карата алып келүү бажы алымдарынын Евразия экономикалык бирлигинин Бирдиктүү бажы тарифинен айырмаланган коюмдарын колдонгон товарлардын тизмектеринин жаңы редакцияларын бекитти. Буга чейин тийиштүү принципиалдуу чечимдер 2019-жылдын декабрында жана 2020-жылдын январында Жогорку Евразия экономикалык кеңешинин жана ЕЭК Кеңешинин отурумдарында кабыл алынган эле. Бул тууралуу эл аралык келишимдерге 14-апрелде кол коюлду.

Дагы көрсөтүү