кыр

Жаңылыктар

ЕЭК СМИде Фото Видео
30 майындагы 2025 ЕЭКте ЕАЭБдеги бажылык жөнгө салууну өркүндөтүү маселелери талкууланды 30-апрелде Евразия экономикалык комиссиясында ЕЭКтин бажылык кызматташтык боюнча министри Руслан Давыдовдун төрагалыгы менен бажылык жөнгө салууну өркүндөтүү боюнча жогорку деңгээлдеги жумушчу топтун отуруму болду. Евразия экономикалык бирлигинин Бажы кодексине киргизилүүчү ЕАЭБдин бажылык чек арасы аркылуу контейнерлерди жөнөкөйлөштүрүп өткөрүүгө тиешелүү түзөтүүлөр талкууланды. Бажылык транзиттин бажылык жол-жобосун колдонуунун натыйжалуулугун жогорулатуу, ошондой эле балык кармоо жана балык продукциясы тууралуу маалымат алмашуу маселелери каралды. Жумушчу топтун катышуучулары өтө сезимтал маселелер боюнча талкууну улантууну макулдашышты. Жумушчу топтун кийинки отурумун ушул жылдын май айында көздөй форматта өткөрүү мерчемделди.
30 майындагы 2025 Максим Ермолович: "Атаандаштык боюнча региондук уюмдардын жолугушуулары дүйнөдөгү көбүрөөк натыйжалуу атаандаштык саясатын иштеп чыгууга жардам берет" Евразия экономикалык комиссиясы Египеттин атаандаштык мекемесинин колдоосу менен Каир шаарында атаандаштык боюнча региондук уюмдардын өкүлдөрүнүн жумушчу жолугушуусун өткөрдү. Ага ЕЭКтин атаандаштык жана монополияга каршы жөнгө салуу боюнча министри Максим Ермолович катышты. ЕЭКтин тармактык блогунун демилгеси менен салтка айланып калган мындай иш-чаралар эл аралык региондук уюмдарга актуалдуу маселелер боюнча конструктивдүү кызматташтык жүргүзүүгө, иш тажрыйбасын алмашууга жардам берет. Бешинчи жолугушуунун катышуучуларынын көңүл борборунда атаандаштыкты натыйжалуу жөнгө салуу практикалары болду. "Биз региондук кызматташтыктын артыкчылыктарын илгерилетебиз, региондор аралык диалогду бекемдеп жана жайылтып жатабыз, алдыңкы атаандаштык практикаларын ар бир региондун муктаждыктарына ыңгайлаштырып жатабыз, жаңы идеяларды жаратып жатабыз, булар акыркы натыйжасында дүйнөдөгү көбүрөөк натыйжалуу атаандаштык саясатына алып келет", — деп эсептейт Максим Ермолович. ЕЭК атаандаштык боюнча региондук уюмдардын жолугушууларын өткөрүүнү уланта берет. Бешинчи жолугушууга Египеттин атаандаштык мекемесинин төрагасы, ЮНКТАДдын өкүлдөрү, Чыгыш жана Түштүк Африканын жалпы рыногунун, Чыгыш Африка коомдоштугунун, Батыш Африка экономикалык жана валюталык бирлигинин, Батыш африкалык мамлекеттердин экономикалык коомдоштугунун, Араб атаандаштык желесинин, Түштүк-Чыгыш Азия мамлекеттеринин ассоциациясынын, БРИКСтин жана Кариб коомдоштугунун өкүлдөрү катышты.
22 майындагы 2025 Андрей Слепнев Самад Хассанзаде менен ЕАЭБ өлкөлөрүнүн жана Ирандын ишкерлеринин өз ара иштешүүсүн талкуулады Евразия экономикалык комиссиясынын штаб-квартирасында ЕЭКтин соода боюнча министри Андрей Слепневдун Ирандын соода, өнөр жай, шахталар жана айыл чарба боюнча палатасынын президенти Самад Хассанзаде менен жолугушуусу болуп өттү. Тараптар 2025-жылдын 15-майында күчүнө кирген эркин соода жөнүндө толук форматтуу макулдашууну имплементациялоо контекстинде ЕАЭБ менен Ирандын ишкер чөйрөлөрүнүн өз ара иштешүү маселелерин талкуулашты. Андрей Слепнев ирандык кесиптештерине ЕАЭБ менен Ирандын бизнесинин ортосунда түз кызматташтыкты өнүктүрүү боюнча иш-чараларды жана тараптардын соодасын жөнгө салуунун өзгөчөлүктөрүн түшүндүрүү үчүн тематикалык семинарларды камтыган макулдашууну ишке ашыруу боюнча жол картасын даярдоо жөнүндө маалымдады. "Жаңы макулдашуу ЕАЭБ менен Ирандын ишкер чөйрөлөрү үчүн бири-биринин рынокторуна жетүүнүн уникалдуу шарттарын бекемдейт, өз ара иштешүүнү жөнгө салуу, соода-экономикалык кызматташтыктын актуалдуу маселелерин чечүү жана биздин өлкөлөрдө мыйзамдардын өзгөчөлүктөрүн жана аны колдонуу практикасын түшүнүүнү жакындатуу боюнча ыңгайлуу механизмдерди жана аянтчаларды түзөт", — деди Андрей Слепнев. ЕЭК министри Ирандын бизнес өкүлдөрүн 26-27-июнда Минскте өтө турган Евразия экономикалык форумуна катышууга чакырды. "Биз Иран менен кызматташуунун жаңы этабын өнөктөштүк катары карайбыз. Биздин ишкерлер бири-бирин атаандаш катары эмес, өнөктөш катары кабыл алышы, өздөрүнүн потенциалын жана технологияларын өстүрүү жана 250 млн адамдан турган бириккен рынокто чогуу иштеши маанилүү", — деп баса белгиледи Андрей Слепнев.
22 майындагы 2025 Бакытжан Сагинтаев Япониянын Россиядагы Элчиси Муто Акира менен жолугушту Евразия экономикалык комиссиясынын Коллегиясынын Төрагасы Бакытжан Сагинтаев 22-майда ЕЭКтин штаб-квартирасында Япониянын Россия Федерациясындагы Атайын жана Ыйгарым Укуктуу Элчиси Муто Акира менен жумушчу жолугушуу өткөрдү. Жолугушуунун жүрүшүндө тараптар Евразия экономикалык бирлиги менен Япониянын ортосундагы кызматташтыктын келечегин талкуулашты.
Бахыт Султанов: 22 майындагы 2025 Бахыт Султанов: "Миграциялык агымды көзөмөлдөө жана ЕАЭБдеги эмгек мигранттарынын укуктарын камсыздоонун ортосунда тең салмактуулукту сактоо зарыл" 22-майда Бакуда Евразия экономикалык комиссиясынын экономика жана каржы саясаты боюнча министри Бахыт Султанов Көз карандысыз Мамлекеттер Шериктештигинин катышуучу- мамлекеттеринин миграциялык органдарынын жетекчилеринин кеңешинин отурумунун алкагында Комиссиянын миграция чөйрөсүндөгү иши тууралуу айтып берди жана Евразия экономикалык бирлигиндеги эмгек мигранттарынын укуктарын жана социалдык кепилдиктерин камсыздоо үчүн аракеттерди координациялоонун маанилүүлүгүн баса белгиледи. Отурумдун катышуучулары КМШ мамлекеттеринде түзүлгөн миграциялык кырдаалды, ошондой эле Шериктештик өлкөлөрүнүн миграциялык саясатынын негизги багыттарын ишке ашырууда мамлекеттик органдардын өз ара аракеттенүүсүн координациялоону талкуулашты. ЕЭК министри ЕАЭБ ичинде эмгек миграциясынын олуттуу өсүшүн белгиледи: "Бирлик жөнүндө келишим күчүнө кирген учурдан тартып эмгек миграциясынын ар жылдык агымы үчтөн бирине көбөйдү жана өткөн жылы 1 миллион адамдан ашты". Бахыт Султанов жакында аяктаган, ЕАЭБ өлкөлөрүнүн эмгек миграциясы чөйрөсүндөгү мыйзамдарына Бирликтин укугуна ылайык келүү предметине мониторингдин жыйынтыктарын сунуштады. Мониторинг көрсөткөндөй, мамлекеттер жогорку квалификациялуу адистердин келишине дем берүү боюнча ушундай чараларды көрүп жатышат, ошондой эле эмгек миграциясы чөйрөсүндө мамлекеттик кызмат көрсөтүүлөрдү санариптештирүүгө киришүүдө. ЕЭК министри миграциялык агымдарды контролдоо менен эмгек мигранттарынын укуктарын камсыздоонун ортосундагы тең салмактуулукту сактоо зарылдыгына көңүл буруп, миграция чөйрөсүн жөнгө салууга багытталган ар кандай мыйзамдык демилгелер ЕАЭБ жөнүндө келишимдин ченемдерине каршы келбеши керектигин белгиледи. Аягында Бахыт Султанов комиссия тарабынан "Россия Федерациясында ЕАЭБдин мүчө мамлекеттеринин жарандарынын эмгек ишмердүүлүгү жана социалдык камсыздоо" брошюрасынын даярдалышы жөнүндө билдирди, ал Бирлик мамлекеттеринин тилдерине которулуп, ЕЭК сайтына жайгаштырылган. ЕАЭБдин башка өлкөлөрүнүн мыйзамдары боюнча ушундай эле брошюраларды түзүү пландаштырылууда. Иш-чаранын алкагында Бахыт Султанов КМШ өлкөлөрүнүн миграциялык ведомстволорунун жетекчилери менен ишкер жолугушууларды өткөрүп, анда учурдагы миграциялык кырдаал, тажрыйба жана маалымат алмашуу боюнча кызматташуу, ошондой эле профилдик иш-чараларды биргелешип даярдоо жана уюштуруу маселелери талкууланды.
21 майындагы 2025 ЕАЭБ өлкөлөрү өлчөөлөрдүн бирдейлигин камсыздоо чөйрөсүндө интеграция деңгээлин жогорулатат Евразия экономикалык комиссиясынын Техникалык жөнгө салуу жана аккредитация департаментинин директорунун орун басары Ани Обосян Дүйнөлүк метрология күнүнө арналган "Чек арасыз метрология" эл аралык метрологиялык форумуна жана көргөзмөсүнө катышты. Форумда сүйлөгөн сөзүндө Ани Обосян анын катышуучуларын Дүйнөлүк метрология күнү жана 1875-жылы Метрикалык Конвенцияга кол коюлгандыгынын жана Салмактар жана өлчөөлөр эл аралык бюросунун түзүлгөндүгүнүн 150 жылдыгы менен куттуктады. Ал Комиссиянын өлчөөлөрдүн бирдейлигин камсыз кылуу чөйрөсүндөгү ишмердүүлүгүнүн азыркы мезгилин Евразия экономикалык бирлигинин алкагында интеграция деңгээлин жогорулатуунун жаңы этабы деп атоого болот деп белгиледи. "Евразия экономикалык жолу" декларациясына киргизилген интеграциялык багыттарды колдоонун зарыл деңгээли, анда иштин жыйынтыктары өлчөөлөрдүн тактыгына жана ишенимдүүлүгүнө көз каранды, өлчөөлөрдү метрологиялык камсыздоонун бирдиктүү принциптерин киргизүү жолу менен камсыздоо белгиленген", – деп баса белгиледи Ани Обосян.
21 майындагы 2025 Комиссия ЕАЭБ өлкөлөрүнүн мамлекеттик органдары жана бизнес менен Сербия менен сооданы активдештирүүнү талкуулады Евразия экономикалык бирлигинин өлкөлөрүнүн мамлекеттик бийлик органдарынын жана бизнесинин катышуусу менен Сербия менен тармактык кызматташтыкты өнүктүрүүгө, өз ара соодада тоскоолдуктарды аныктоого жана четтетүүгө арналган семинар 21-майда Евразия экономикалык комиссиясында ЕЭКтин соода боюнча министри Андрей Слепневдун төрагалыгы астында болуп өттү. Иш-чара бир тараптан ЕАЭБ жана анын мүчө мамлекеттеринин жана экинчи тараптан Сербия Республикасынын ортосундагы Эркин соода зонасы жөнүндө макулдашуунун алкагында өз ара иштешүүнү активдештирүүгө багытталган. Семинардын максаты — Сербия Республикасынын рыногуна товарларды жеткирүүдө экономиканын ар кандай тармактарынын экспортерлору туш болгон соода тоскоолдуктарын, ошондой эле кызматташуу үчүн жаңы мүмкүнчүлүктөрдү жана соодадагы чектөөлөрдү жоюу жолдорун аныктоо. "Бүгүнкү иш-чарада айтылган сунуштар Сербия Республикасы менен макулдашууну ишке ашыруу боюнча Биргелешкен комитеттин пландаштырылган отурумунун алкагында мүмкүн болуучу талкуулоо үчүн мүчө мамлекеттер менен биргеликте деталдуу иштелип чыгат", – деп белгиледи Андрей Слепнев.    Буга байланыштуу ЕЭК министри сербиялык тарап менен жакында болуп өткөн жемиштүү консультациялар жөнүндө эскертип өттү, анын натыйжасында 2025-жылдын 3-мартынан тартып ЕАЭБден өсүмдүк майларын жана маргаринди импорттоого сандык чектөөлөр алынып салынды, мындай чектөө эки жыл аралыгында колдонулган. Бир тараптан Евразия экономикалык бирлиги жана анын мүчө мамлекеттеринин жана экинчи тарабынан Сербия Республикасынын ортосундагы эркин соода аймагы жөнүндө макулдашууга 2019-жылдын 25-октябрында кол коюлган жана 2021-жылдын 10-июлунда күчүнө кирген. Макулдашууда 93% товардык номенклатура боюнча алып келүү бажы алымдарын өз ара алып салуу каралган.
20 майындагы 2025 ЕАЭБ өлкөлөрүнүн ыйгарым укуктуу органдарын жана электрондук автопаспортторду жол-жоболоштурган транспорт каражаттарын даярдоочу уюмдарды бирдиктүү реестрден чыгаруу үчүн негиздер толукталды Евразия экономикалык комиссиясынын Коллегиясы 2015-жылдын 1-сентябрындагы Евразия экономикалык бирлигинин өлкөлөрүнүн ыйгарым укуктуу органдарынын (уюмдарынын) жана электрондук автопаспортторду жол-жоболоштурууну жүзөгө ашыруучу транспорт каражаттарын (транспорт каражаттарынын шассиси), өзү жүрүүчү машиналарды жана техниканын башка түрлөрүн даярдоочу уюмдардын бирдиктүү реестрин түзүү жана жүргүзүү тартибин бекитүү жөнүндө чечимге өзгөртүүлөрдү киргизди. Атап айтканда, улуттук орган тарабынан ыйгарым укуктуу органды, даярдоочу уюмду анын кайрылуусунун негизинде, ошондой эле Электрондук автопаспорттордун системаларынын иштөө тартибин жана (же) ЕАЭБдин тиешелүү мамлекетинин мыйзамдарын бузуулар аныкталган учурда бирдиктүү реестрден чыгаруу мүмкүнчүлүгү белгиленген. Мындан тышкары, ыйгарым укуктуу органды же даярдоочу уюмду бирдиктүү реестрге кайталап киргизүү мүмкүнчүлүгүнүн мөөнөтү чыгарып салуу жөнүндө чечим кабыл алынган күндөн тартып жарым жылдан эрте эмес аныкталган. "Улуттук орган тарабынан ыйгарым укуктуу органды, даярдоочу уюмду анын кайрылуусунун негизинде бирдиктүү реестрден чыгаруу мүмкүнчүлүгүн белгилөө зарылчылыгы белгиленген тартипти колдонуу тажрыйбасы менен шартталган, – деп баса белгиледи ЕЭКтин техникалык жөнгө салуу боюнча министри Валентин Татарицкий. – Ошол эле учурда, алып салуу жөнүндө чечим кабыл алынган күндөн тартып жарым жылдан эрте эмес бирдиктүү реестрге кайталап киргизүү мүмкүндүгүнүн мөөнөтүн кошумча белгилөө ыйгарым укуктуу органдардын же даярдоочу уюмдардын маалыматтарды атайылап бурмалоо фактыларын жокко чыгарууга багытталган". Ыйгарым укуктуу органды же даярдоочу-уюмду бирдиктүү реестрден чыгаруу (чыгаруудан баш тартуу) жөнүндө чечимди кабыл алуу мөөнөтү улуттук орган тарабынан 30 жумушчу күндөн ашпаган мөөнөттө кабыл алынат.
Дагы көрсөтүү

Ресурсы ЕАЭС