Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 5896

02 июнундагы 2025 Виталий Вовк: "ЕАЭБ алкагында станок-инструменталдык продукциянын атаандаштыкка жөндөмдүүлүгү мүчө мамлекеттердин колдоосун талап кылат" Евразия экономикалык комиссиясынын Өнөр жай саясаты департаментинин директорунун орун басарлары Виталий Вовк жана Лаура Садыкова "Металл иштетүү-2025" металл иштетүү өнөр жайы үчүн жабдуулардын, приборлордун жана аспаптардын эл аралык адистештирилген көргөзмөсүнө катышышты. Көргөзмөнүн жана анын аянтчасында өтүп жаткан "Инвестициялар. Өнүгүү. Кооперация" эл аралык соода-өнөр жай конгрессинин иш-чараларынын алкагында өз кубаттуулуктарында өтө маанилүү себилдегичтерди өндүрүүнү өнүктүрүү зарылчылыгы белгиленди. ЕЭК өкүлдөрү станок-инструменталдык продукциянын белоруссиялык жана россиялык өндүрүүчүлөрү менен жолугушту. "Азыр Евразия экономикалык бирлигинин өлкөлөрүнүн станок куруу ишканаларын адистештирүү, биринчиден, ЕАЭБ өлкөлөрү үчүн өтө маанилүү болгон себилдегичтерди өндүрүүнү жолго салуу, экинчиден, ички атаандаштыкты түзбөө үчүн өзгөчө маанилүү", — деп баса белгиледи Виталий Вовк сүйлөшүүлөрдүн жүрүшүндө. Ал ошондой эле азыркы этапта евразиялык станоктордун жана себилдегичтердин атаандаштыкка жөндөмдүүлүгүн жогорулатуу үчүн Бирлик өлкөлөрүн буйрутмаларды камсыз кылуу жана даяр продукцияны сатууга кепилдиктерди берүү жагында олуттуу колдоо зарыл экенин белгиледи. Блоктун өкүлдөрү көргөзмөнүн катышуучуларына өнөр жай кооперациясын каржылоо механизми жөнүндө айтып берип, аларды мүчө мамлекеттердин ишканаларынын кооперациялык чынжырына кошулууга чакырышты.

02 июнундагы 2025 ЕАЭБ ширелерди өндүрүү үчүн тропикалык жемиштерден жасалган пюрелерге алып келүү бажы алымдарын убактылуу нөлгө түшүрдү Евразия экономикалык комиссиясынын кеңеши банан, манго, киви, нектарин пюрелерине, ошондой эле шабдалы, өрүк жана алмуруттарга карата алып келүү бажы алымдарынын убактылуу нөлдүк коюмдарын белгилеген. "Бул жемиштерден алынган концентрацияланган пюре шире продукциясын, анын ичинде балдар тамак-ашын өндүрүү үчүн колдонулат. Бирок алардын көпчүлүгү Евразия экономикалык бирлигинин өлкөлөрүнүн аймагында өспөйт же өнөр жайлык кайра иштетүү үчүн жетишсиз санда өсөт. Буга байланыштуу бизнес импорттук өндүрүштүн чийки затын сатып алууда, аларга баалар акыркы жылдары кыйла өстү", – деп түшүндүрдү ЕЭКтин Бажы-тарифтик жана тарифтик эмес жөнгө салуу департаментинин директору Ваагн Казарян. Ошол эле учурда ал чаранын иштөө мөөнөтү ЕАЭБ мамлекеттеринде жеке багбанчылыкты өнүктүрүү боюнча инвестициялык программаларды эске алуу менен эсептелгенин жана пюрелердин ар кандай түрлөрү үчүн бир жылдан үч жылга чейинки мөөнөттү түзөрүн баса белгиледи. Аталган чечим расмий жарыяланган күндөн баштап 10 календардык күн өткөндөн кийин күчүнө кирет.

02 июнундагы 2025 ЕЭК Кеңеши 2026-жылдын аягына чейин жеңил өнөр жай товарларынын айрым түрлөрүнө алып келүү бажы алымынын ченин жогорулатууну жактырды ЕЭК Кеңеши 2026-жылдын аягына чейин жеңил өнөр жай товарларынын айрым түрлөрүнө алып келүү бажы алымынын ченин жогорулатууну жактырды Евразия экономикалык комиссиясынын кеңеши "пахта жиптеринен басылгандан башка төшөнчү шейшептерине" карата алып келүү бажы алымынын ченин 12%га чейин (ЕАЭБ ТЭИ ТН коду 6302 21 000 0), бирок 1 кг үчүн 0,44 евродон кем эмес 2026-жылдын 31-декабрына чейин кошо алганда жогорулатуу жөнүндө чечим кабыл алды. "Кабыл алынган бажы-тарифтик жөнгө салуу чарасы төшөнчү шейшептерин өндүрүү үчүн жип бизге негизинен үчүнчү өлкөлөрдөн келе тургандыгын эске алуу менен атамекендик ишканаларды кошумча колдоого мүмкүндүк берет", – деп белгиледи ЕЭКтин Бажы-тарифтик жана тарифтик эмес жөнгө салуу департаментинин директору Ваагн Казарян. Ошол эле учурда ал ЕАЭБ өлкөлөрүнүн өндүрүүчүлөрү өз мүнөздөмөлөрү боюнча импорттук төшөнчү шейшептеринен кем калбаган продукцияларды чыгарышарын жана кеңири ассортиментти сунуштаарын баса белгиледи. Аталган чечим расмий жарыяланган күндөн баштап 10 календардык күн өткөндөн кийин күчүнө кирет.

02 июнундагы 2025 Тамак-аш продукциясына карата техрегламентке стандарттардын тизмесине өзгөртүүлөр күчүнө кирди 2-июнда Евразия экономикалык комиссиясынын Коллегиясы тарабынан 2024-жылдын декабрында кабыл алынган, Евразия экономикалык бирлигинин тамак-аш продукциясына карата техникалык регламентке стандарттардын тизмесине өзгөртүүлөр күчүнө кирди. Өзгөртүүлөргө ылайык, ыктыярдуу колдонуу стандарттарынын тизмеги 17 мамлекеттер аралык стандарт менен, ыкмаларга стандарттардын тизмеги – бир мамлекеттер аралык стандарт менен толукталды. 10 мамлекеттер аралык стандарттар актуалдаштырылган редакцияда баяндалган. ЕАЭБ өлкөлөрүнүн 14 улуттук стандарттары алынып салынды, анткени алардын негизинде тийиштүү мамлекеттер аралык стандарттар иштелип чыккан. Өзгөртүүлөр Комиссия тарабынан ЕЭК Кеңеши тарабынан бекитилген эл аралык жана регионалдык (мамлекеттер аралык) стандарттардын тизмелерин иштеп чыгуу жана кабыл алуу тартибинин 36-пунктунун "б" пунктчасын эске алуу менен Бирлик өлкөлөрүнүн стандартташтыруу боюнча ыйгарым укуктуу органдарынын сунуштарынын негизинде даярдалган.

30 майындагы 2025 Бахыт Султанов: "Жасалма интеллектти пайдалануу менен укук ээлеринин укуктарын коргоонун ортосундагы кызыкчылыктардын тең салмактуулугун сактоо зарыл" Евразия экономикалык бирлигинин өлкөлөрүнүн экономикасынын ар кандай тармактарына жасалма интеллектти (ЖИ) киргизүүгө байланыштуу мүмкүнчүлүктөр жана тобокелдиктер жөнүндө Евразия экономикалык комиссиясынын экономика жана каржы саясаты боюнча министри Бахыт Султанов Astana International Forumда айтып берди. Бахыт Султанов форумдун "Жасалма интеллект доорундагы интеллектуалдык менчик" панелдик сессиясында сүйлөп жатып, ЖИ жардамы менен жаралган чыгармаларга карата укуктарды жана жоопкерчиликти чектөө маселелерине токтолду. Ал авторлукту аныктоодогу татаалдыктарга, ошондой эле илимий жана инновациялык ишмердүүлүктө жасалма интеллект технологияларын колдонууну жөнгө салуу үчүн так эрежелерди жана ченемдик актыларды иштеп чыгуу зарылдыгына өзгөчө басым жасады. Бахыт Султанов бул чөйрөдө эл аралык стандарттарды жана макулдашылган ык- амалдарды түзүүнүн маанилүүлүгүн баса белгилеп, ЕАЭБ өлкөлөрү улуттук мыйзам чыгаруу демилгелерин түзүүнүн үстүндө жигердүү иштеп жатышканын белгиледи: Казакстан 2024-2029-жылдарга ЖИ өнүктүрүү концепциясын кабыл алган, Беларусь жасалма интеллект жөнүндө мыйзамды иштеп чыгууда, ал эми Россияда 2030-жылга чейин Улуттук стратегия ишке ашырылууда. Министр дүйнөлүк коомчулукта ЖИ жардамы менен түзүлгөн интеллектуалдык менчик объектилерине укуктарды укуктук коргоо жана сактоо маселелери кеңири талкууланып жаткандыгына көңүл бурду. Евразиялык интеграциялык бирикменин алкагында "Евразия экономикалык жолу" декларациясын ишке ашыруу боюнча иш-чаралар планынын долбоору иштелип чыгууда, ал мындай объекттерди укуктук коргоого карата мүмкүн болгон ыкмаларды иштеп чыгууну камтыйт. "Ошону менен катар жасалма интеллектти колдонуу менен укук ээлеринин укуктарын коргоо ортосунда кызыкчылыктардын тең салмактуулугун сактоо маанилүү", – деп белгиледи Бахыт Султанов. Форумдун алкагында ЕЭК министринин Дүйнөлүк интеллектуалдык менчик уюмунун башкы директору Дарен Танг менен жолугушуусу болуп өттү. Уюмдардын ортосундагы Өз ара түшүнүшүү жөнүндө меморандумдун алкагында кызматташуу талкууланды, интеллектуалдык менчикти коргоо жана сактоо контекстинде Евразия экономикалык интеграциясына арналган биргелешкен иш-чараларды өткөрүү мүмкүнчүлүгү каралды. "Комиссия контрафактылык продукцияларды жүгүртүү тенденцияларын жана ЕАЭБде интеллектуалдык менчик укуктарын бузууларга каршы күрөшүү практикасын туруктуу негизде көзөмөлдөп турат. Биз жыл сайын отчет даярдайбыз, анда мыйзам бузуулар жөнүндө маалыматтар жана укук колдонуу практикасын жакшыртуу боюнча сунуштар камтылат", – деп билдирди Бахыт Султанов. ЕЭК министри ошондой эле Миграция боюнча эл аралык уюмдун (МЭУ) башкы директору Эми Поуп менен жолугушту. Бүгүнкү күндө Комиссия жана МЭУнун регионалдык кеңсеси биргелешкен билдирүүнүн үстүндө иштеп жатышат, анын негизин – уюмдар ортосундагы аракеттеги Кызматташтык жөнүндө меморандум жана ага ЕАЭБдин бардык өлкөлөрү кошулган Коопсуз, тартиптүү жана легалдуу миграция жөнүндө глобалдык келишим түзөт.

30 майындагы 2025 ЕЭК ЕАЭБ өлкөлөрүндө ишкердик жигердүүлүктүн динамикасынын өзгөрүүсүн белгилейт Экономикалык өнүгүүнүн дал келген жана алдыга кеткен индикаторлорун эсептөөнүн жыйынтыктары Евразия экономикалык бирлигинин өлкөлөрүндө ишкердик жигердүүлүктүн динамикасынын өзгөргөндүгү жөнүндө күбөлөндүрөт. Евразия экономикалык комиссиясынын баалоосу боюнча, 2025-жылдын июнунда интеграциялык бирикменин көпчүлүк мамлекеттеринин экономикасында басаңдоо күтүлүүдө, ошол эле учурда Казакстандын экономикасы ишкердик жигердүүлүктүн жогорулоо фазасына өтөт. Азыркы учурда Казакстандын жана Россиянын экономикалары басаңдоо фазасында калууда, ал эми Арменияда, Беларуста жана Кыргызстанда ишкердик жигердүүлүктүн өсүшү байкалууда.  Алдыга кеткен индикаторлор Евразия экономикалык комиссиясы тарабынан кыска мөөнөттүү келечекте евразиялык "бешилтиктин" өлкөлөрүндө ишкердик активдүүлүктүн өзгөрүү динамикасынын багыты жөнүндө түшүнүктү калыптандыруу үчүн колдонулуучу болжолдоо инструменти болуп саналат. Алар экономикалык агенттердин жүрүм-турумун жана экономиканын негизги тенденцияларын көрсөткөн кыска мөөнөттүү процесстер жөнүндө эң маанилүү маалыматтарды топтошот.

30 майындагы 2025 ЕЭК жана ITIC кызматташтыкты тереңдетишет Astana International Forum талааларында Евразия экономикалык комиссиясынын экономика жана каржы саясаты боюнча министри Бахыт Султанов менен Салык салуу жана инвестициялар боюнча эл аралык борбордун (ITIC) президенти Даниэл Алан Виттанын жолугушуусу болуп өттү. Белгилей кетсек, COVID-19 пандемиясы аяктагандан кийин, бул уюмдардын ортосундагы биринчи ишкердик байланыш. Тараптар аракеттеги Өз ара түшүнүшүү жөнүндө меморандумдун алкагында кызматташууну улантуу ниетин билдиришти, анда, атап айтканда, салык саясаты жана администрациялоо боюнча биргелешкен иш-чараларды туруктуу негизде өткөрүү каралган. Салыктык башкарууну санариптештирүү жана анын жол-жоболорун санариптик жана глобалдашкан экономика шарттарына адаптациялоо боюнча маалыматтык-аналитикалык материалдар менен алмашуу, ошондой эле акциздик салык салууну айкалыштыруу боюнча интеграциялык бирикмелердин мыкты тажрыйбалары талкууланды. "Биздин жолугушуу ЕЭК менен ITIC ортосунда талкууланган багыттар боюнча диалогду өнүктүрүүгө жардам берет, ЕАЭБ алкагында инвестициялык климатты жана ишкер чөйрөнү жакшыртууга, ошондой эле евразиялык интеграциянын жыргалчылыгы үчүн жаңы биргелешкен долбоорлорду ишке ашырууга көмөк көрсөтөт деп ишенем", – деп жыйынтыктады Бахыт Султанов. ITIC – көз карандысыз коммерциялык эмес изилдөө жана билим берүү уюму, 1993-жылы өткөөл жана өнүгүп келе жаткан экономикаларда инвестициялык климатты жакшыртуу боюнча салык реформаларын жана мамлекеттик-жеке демилгелерди илгерилетүү үчүн негизделген. ЕЭКтин Салык саясаты жана администрациялоо боюнча консультативдик комитети менен ITIC ортосундагы Өз ара түшүнүшүү жөнүндө меморандумга 2013-жылы кол коюлган, ал эми 2017-жылы анын жаңыланган редакциясына кол коюлган. ITIC менен өз ара аракеттенүүнүн координатору — Комиссиянын Каржы саясаты департаменти болуп саналат.

30 майындагы 2025 ЕЭК ЖДДУ менен өз ара иштешүүнү өнүктүрөт Евразия экономикалык комиссиясынын техникалык жөнгө салуу боюнча министри Валентин Татарицкий жана ЕЭКтин санитардык, фитосанитардык жана ветеринардык чаралар департаментинин директорунун орун басары Владимир Субботин 25-29-майда Парижде өткөн Жаныбарлардын ден соолугунун дүйнөлүк уюмунун (ЖДДУ) башкы сессиясына катышышты. Иш-чарага ЖДДУнун 183 мүчө өлкөсүнөн, анын ичинде ЕАЭБ мамлекеттеринен делегаттар катышышты. Эл аралык жаныбарларды жана жаныбарлардан алынуучу продукцияларды сатууда коопсуздукту камсыздоо маселелери талкууланды. Жаныбарлардын ылаңдарына каршы күрөшүү ыкмалары боюнча жаңы эл аралык стандарттардын үстүндө иштөөнүн орто аралык жыйынтыктары, ошондой эле жаныбарларды өзгөчө коркунучтуу ылаңдардан эмдөө маселелери каралды. Сессиянын талааларында Валентин Татарицкий бир катар жумушчу жолугушууларды өткөрдү. Анын ЖДДУ башкы директору Эммануэль Субейран жана ЖДДУнун Европа, Азия жана Тынч океан региону боюнча регионалдык комиссияларынын өкүлдөрү менен сүйлөшүүлөрүнүн жүрүшүндө 2025-2027-жылдарга ЕЭК менен ЖДДУнун ортосундагы Өз ара түшүнүшүү жөнүндө меморандумга ылайык мындан аркы кызматташтыктын багыттары талкууланды, анын ичинде ЕАЭБ мамлекеттеринин ветеринария жаатындагы ыйгарым укуктуу органдарына ЖДДУ стандарттарынын талаптарын түшүндүрүү боюнча методикалык жардам көрсөтүү жана ветеринария боюнча семинарларды өткөрүү бөлүгүндө. Тараптар өз ара иштешүүнү бекемдөө жөнүндө, атап айтканда, Евразия экономикалык бирлигинин укуктук актыларына ЖДДУ эл аралык стандарттарын жана сунуштамаларын киргизүүнү улантуу жөнүндө макулдашышты. Комиссиянын жана Бирлик өлкөлөрүнүн органдарынын ветеринария органдарынын өкүлдөрүнүн ЖДДУ иш-чараларына, ошондой эле Европа, Азия жана Тынч океан региондору боюнча ЖДДУ регионалдык комиссияларынын мындан аркы катышуусу жөнүндө макулдашылды. "ЖДДУнун алдыңкы практикалык тажрыйбасын Бирликтин актыларында колдонуу, ошондой эле ЖДДУ кодекстерине кабыл алуу жана киргизүү үчүн пландаштырылган стандарттардын өзгөрүүлөрүн талкуулоого биздин мүчө мамлекеттердин жигердүү катышуусу биздин өлкөлөрдүн ветеринария жаатындагы ыйгарым укуктуу органдарынын потенциалын өстүрүүгө өбөлгө түзөт, – деп белгиледи ЕЭК министри. – Бул, өз кезегинде, Евразия экономикалык бирлигинин бажы аймагында эпизоотиялык бакубаттуулукту, жаныбарлардын өзгөчө коркунучтуу ылаңдарына жана антибиотиктерге туруктуулук менен күрөшүүнүн бирдиктүү стратегиясын иштеп чыгууну камсыз кылат". Валентин Татарицкийдин жана ЖДДУнун Азия жана Тынч океан региону боюнча Регионалдык комиссиясынын президенти Баокс Хуангдын жолугушуусунда ветеринардык-санитардык чараларды колдонуу чөйрөсүндө кызматташуунун келечектүү багыттары, атап айтканда, Азия-Тынч океан регионунун өлкөлөрүнүн ортосунда жаныбарлардан алынган продукцияларды сатууда эпизоотиялык коопсуздукту камсыздоо маселелери каралды. ЕЭК министри ошондой эле Беларустун, Казакстандын жана Россиянын ветеринария органдарынын өкүлдөрү менен бул чөйрөдө евразиялык экономикалык интеграцияны өнүктүрүүнүн актуалдуу маселелери боюнча жолугушууларды өткөрдү.  Жаныбарлардын ден соолугун коргоо боюнча дүйнөлүк уюм (ЖДДУ) 1924-жылы негизделген жана жаныбарлардын ден соолугунун абалы, анын ичинде ветеринардык контролдоо жаатындагы эл аралык стандарттарды иштеп чыгуу, дүйнөдөгү эпизоотиялык абалга мониторинг жүргүзүү, жаныбарлардын жугуштуу оорулары менен күрөшүү, анын ичинде эл аралык карантиндик иш-чаралар менен алектенген өкмөттөр аралык уюм болуп саналат.

Дагы көрсөтүү