Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6148

03 октябрындагы 2019 ЕАЭБде агро- жана биоиндустриалдык парктар түзүлүүдө Евразия экономикалык комиссиясы (ЕЭК) Бирликтин өлкөлөрүнүн бизнеси менен биргеликте Евразия экономикалык бирлигинде (ЕАЭБ) агро- жана биоиндустриалдык парктарды түзүү боюнча жол картасын иштеп чыкмакчы. Мындай парктар импортту алмаштыруу жана эл аралык кооперацияны жана экспортту өнүктүрүү программаларынын алкагында түзүлмөкчү.

02 октябрындагы 2019 ЕАЭБ жана Сингапур Эркин соода жөнүндө макулдашууга кол коюшту 1-октябрда Жогорку Евразия экономикалык кеңешинин (ЖЕЭК) отурумунун алкагында Евразия экономикалык бирлигинин (ЕАЭБ) өлкөлөрүнүн жана Сингапур Республикасынын ортосундагы баарын камтыган соода бүтүмүнүн пакетиндеги алгачкы макулдашууларга кол коюлду. Документтерге Евразия экономикалык комиссиясынын (ЕЭК) Коллегиясынын Төрагасы Тигран Саркисян, Бирликтин өлкөлөрүнүн вице-премьерлери, ошондой эле Сингапурдун ага министри, социалдык жана экономикалык өнүгүү маселелери боюнча министр-координатор Тарман Шанмугаратнам кол коюшту.

02 октябрындагы 2019 ЕЭК табигый монополиялар жаатындагы улуттук мыйзамдарды жакындатуу боюнча сунуштамаларды даярдамакчы Евразия экономикалык комиссиясы (ЕЭК) Евразия экономикалык бирлигинин (ЕАЭБ) мамлекеттеринин табигый монополиялар тармагындагы жөнгө салуучу иш-тажрыйбаларын жана ченемдик базасын талдады жана тутумдаштырды. Табигый монополиялар боюнча консультативдик комитеттин Бишкекте (Кыргызстан) өткөрүлгөн 16-отурумунда каралган изилдөөнүн натыйжалары Евразия «бешилтигинин» өлкөлөрүнүн мыйзамдарын шайкеш келтирүү жана мыктылоо боюнча масштабдуу иштин башаты болуп калмакчы.

02 октябрындагы 2019 ЕЭК министри Александр Субботин «күчтүү Бирлик – күчтүү бизнес» концепциясын экономиканын реалдуу секторунда ишке ашыруу жөнүндө айтып берди Жагымсыз тышкы экономикалык коньюктура жагдайында «күчтүү Бирлик – күчтүү бизнес» балансталган тутумунун алкагында гана өнөр жай кооперациясы, импортту алмаштыруу жана экспорт үчүн, ошондой эле Евразия экономикалык бирлигинин (ЕАЭБ) өлкөлөрүнүн экономикаларынын атаандаштыкка жөндөмдүүлүгүн жогорулатуу үчүн керектүү шарттарды түзүү мүмкүн. Бул тууралуу Евразия экономикалык комиссиясынын (ЕЭК) Коллегиясынын өнөр жай жана агроөнөр жай боюнча мүчөсү (министр) Александр Субботин «ЕАЭБ өлкөлөрүнүн жана алардын өнөктөштөрүнүн өнөр жайынын экспорттук-импорттук мүмкүнчүлүктөрү Евразия континентинин транзиттик потенциалынын негизи катары» деп аталган панелдик сессияда билдирди. Аталган иш-чара 1-октябрда Ереванда «Евразия континентинин транзиттик потенциалы» Эл аралык форумунун алкагында болуп өттү.

02 октябрындагы 2019 ЖЕЭК мүчөлөрү алып келүү бажы алымдарынын суммаларын бөлүштүрүү ченемдеринин көлөмдөрүн макулдашышты Жогорку Евразия экономикалык кеӊешинин мүчөлөрү 1-октябрда Ереванда (Армения) өткөрүлгөн отурумда алып келүү бажы алымдарынын суммаларын Евразия экономикалык бирлигинин мүчө мамлекеттеринин ортосунда бөлүштүрүү ченемдеринин көлөмдөрүн макулдашышты.

01 октябрындагы 2019 ЕЭК Кеңеши ЕАЭБ жөнүндө келишимге товарларды экспорттоодо жана импорттоодо кыйыр салыктарды алуу жана алардын төлөнүшүн контролдоо боюнча өзгөртүүлөрдү жактырды 30-сентябрда Ереванда (Армения) Евразия экономикалык бирлигинин (ЕАЭБ) өлкөлөрүнүн өкмөт башчыларынын орун басарларынын жана ЕЭК Коллегиясынын Төрагасы Тигран Саркисяндын катышуусунда Евразия экономикалык комиссиясынын (ЕЭК) Кеңешинин отуруму болуп өттү. ЕЭК Кеңешинин мүчөлөрү ЕАЭБдин ички рыногунун иши, интеграция, бажылык-тарифтик жана техникалык жөнгө салуу, эл аралык соода-экономикалык кызматташтык, ЕАЭБ өлкөлөрүнүн экономикаларын санариптештирүү, салык саясаты чөйрөлөрүндөгү жана бир катар башка чөйрөлөрдөгү маселелерди карап чыгышты.

01 октябрындагы 2019 ЕЭК министри Виктор Назаренко: «Техникалык жөнгө салуу – ЕАЭБдин транзиттик потенциалын күчөтүүнүн негизги аспаптарынын бири» «Продукция боюнча шайкеш келтирилген шарттарга өтүү жана рынокко кирүүгө уруксат берүү жол-жоболорун таануу Евразия экономикалык бирлигинин (ЕАЭБ) транзиттик потенциалын күчөтөт», – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко Еревандагы (Армения Республикасы) «Евразия континентинин транзиттик потенциалы» Эл аралык форумунда билдирди.

01 октябрындагы 2019 Маалыматтык технологияларды активдүү пайдалануусуз заманбап логистиканын болушу мүмкүн эмес «Евразия жумалыгы – 2019» IV Эл аралык көргөзмө форумунун катышуучулары Евразия экономикалык бирлигинин (ЕАЭБ) алкагында логистикалык коммуникациялар жана бажылык өз ара аракеттенүү тутумун модернизациялоонун перспективаларын талкуулашты.

Дагы көрсөтүү