Комиссиясы
Жалпы маалымат
ЕЭК Кеңеши
ЕЭК Коллегиясы
ЕЭКтин Департаменттери
ЕЭКтин Консультативдик органдары
Жаңылыктар
Жаңылыктар
ЕЭК СМИде
Календарь
Видеогалерея
Фотогалерея
ЖМКлардын эсине
Жарандар үчүн
Вакансиялар
Соодалашуулар
Байланыш маалыматы
кыр
рус
eng
арм
бел
қаз
Жалпы маалымат
ЕЭК Кеңеши
ЕЭК Коллегиясы
ЕЭКтин Департаменттери
ЕЭКтин Консультативдик органдары
Жаңылыктар
ЕЭК СМИде
Календарь
Видеогалерея
Фотогалерея
кыр
рус
eng
арм
бел
қаз
Комиссиясы
Жалпы маалымат
ЕЭК Кеңеши
ЕЭК Коллегиясы
ЕЭКтин Департаменттери
ЕЭКтин Консультативдик органдары
Жаңылыктар
Жаңылыктар
ЕЭК СМИде
Календарь
Видеогалерея
Фотогалерея
ЖМКлардын эсине
Жарандар үчүн
Вакансиялар
Соодалашуулар
Байланыш маалыматы
Жаңылыктар
Жаңылыктар
ЕЭК СМИде
Фото
Видео
Багыт тандаңыз
ЕЭК Коллегиясынын Төрагасы
Интеграция жана макроэкономика
Экономика жана каржы саясаты
Өнөр жай жана агроөнөр жай комплекси
Соода
Техникалык жөнгө салуу
Бажы кызматташтыгы
Энергетика жана инфраструктура
Атаандаштык жана монополияга каршы жөнгө салуу
Ички рыноктор, маалыматташтыруу, маалыматтык-коммуникациялык технологиялар
Развитие интеграции
Макроэкономическая политика
Статистика
Развитие предпринимательской деятельности
Финансовая политика
Трудовая миграция и соцзащита
Промышленная политика
Агропромышленная политика
Техническое регулирование и аккредитация
СФС-меры
Регулирование рынка лекарств
Транспорт и инфраструктура
Энергетика
Антимонопольное регулирование
Политика в области госзакупок
Информационные технологии
Функционирование внутренних рынков
14 февралындагы 2025
ЕЭК жана АСЕАН Катчылыгы керектөөчүлөрдүн укуктарын коргоо боюнча биргелешкен семинар өткөрүшөт
Керектөөчүлөрдүн укуктарын коргоо чөйрөсүндө кызматташтыктын келечегин Евразия экономикалык комиссиясынын Санитардык, фитосанитардык жана ветеринардык чаралар департаментинин директору Владимир Синкевич жана Түштүк-Чыгыш Азия мамлекеттеринин Ассоциациясынын (АСЕАН) Катчылыгынын атаандаштык, керектөөчүлөрдүн укуктарын жана интеллектуалдык менчикти коргоо боюнча бөлүмүнүн жетекчиси Тханг Ван Луонг жумушчу жолугушуунун жүрүшүндө талкуулашты. Владимир Синкевич белгилегендей, интеграциялык экономикалык бирикмелерди түзүү шарттарында керектөөчүлөрдүн укуктарын коргоо маселелери биринчи планга чыгат. Анын айтымында, санариптик экономика керектөөчү менен сатуучунун өз ара аракеттешүү практикасына олуттуу өзгөртүүлөрдү киргизип жаткан азыркы дүйнөдө бул жаатта эл аралык кызматташтык чечүүчү мааниге ээ. "Биздин өз ара пайдалуу өнөктөштүктү тереңдетүү керектөөчүлөрдүн укуктарын коргоо боюнча мыкты тажрыйбалар менен алмашуу жана ЕАЭБ жана АСЕАН аймактарында керектөө рыногунда ыңгайлуу жана туруктуу чөйрөнү түзүү үчүн уникалдуу мүмкүнчүлүктөрдү түзөт", – деп баса белгиледи Владимир Синкевич. Жолугушуунун жыйынтыгы боюнча биринчи биргелешкен семинар өткөрүү жөнүндө макулдашууга жетишилди, семинардын максаты – ЕАЭБ жана АСЕАН өлкөлөрүндө керектөөчүлөрдүн укуктарын коргоо жаатында тажрыйба жана билим алмашуу. Бул иш-чара өнөктөштүктү өнүктүрүүдө жана керектөөчүлөрдүн укуктарын, коопсуздугун жана бакубатчылыгын камсыздоо боюнча биргелешкен аракеттерди бекемдөөдө маанилүү кадам болмокчу.
13 февралындагы 2025
Андрей Слепнев: "Атаандаштыктын күчөшүн эске алуу менен эл аралык рыноктордо бизнес менен биргелешкен ишти активдештирүү зарыл"
Мындай чакырык менен Евразия экономикалык комиссиясынын соода боюнча министри Андрей Слепнев Россиянын өнөр жайчылар жана ишкерлер бирлиги уюштурган "2025 – жаңы мүмкүнчүлүктөрдүн жылы" эл аралык форумунун катышуучуларына кайрылды. "Эгер соода боюнча 2024-жылдагы цифраларды ала турган болсок, алар жетишерлик ийгиликтүү. Бирлик ичиндеги соода 10%га өстү жана бул бир жыл мурунку олуттуу өсүштөн кийин. ЕАЭБдин үчүнчү өлкөлөр менен товар жүгүртүү боюнча тышкы соодасы дээрлик өзгөргөн жок, мында экспорт 1,2%, ал эми соода сальдосу – 17,3% кошту", – деп белгиледи ЕЭК министри. Анын айтымында, мындай цифралар Евразия экономикалык бирлигинин өлкөлөрүндө сооданы изоляциялоо, чектөө же кандайдыр бир жол менен туруксуздандыруу аракеттери сезимтал болгону менен, максатына жетпей жатканын көрсөтүп турат. Соода өнүгүүдө, бизнес илгерилеп жана өнөктөштөр менен иштешүүнү улантуу жолдорун табууда. Форумдун темасына кайрылып, Андрей Слепнев азыр ачылып жаткан жаңы мүмкүнчүлүктөр жаңы чакырыктарга жооп болуп саналарын баса белгиледи. Ал эми бул чакырыктарды, анын пикири боюнча, эки негизги пунктка бириктирүүгө болот. Биринчиси — Россия жана Беларусь үчүн мүнөздүү жана санкциялык кысымдан турат. Экинчиси, дүйнөлүк соода тутуму толугу менен глобалдык трасформациялануу баскычына кирген жаткандыгы менен байланыштуу. "Азыр биз соода согуштарынын мезгилдерин баштан кечирип жатабыз, жана бул контекстте биз перспективаларыбызды түшүнүшүбүз керек", – деп көңүл бурду ЕЭК министри. "Эң оболу, эл аралык өнөктөштөрдүн Бирлик менен соода чөйрөсүндө өз ара аракеттенүүгө кызыгуусу абдан чоң экендигин айткым келет. Бүгүн биз Иран менен болуп көрбөгөндөй эркин соода келишимин имплементациялоо боюнча иш жүргүзүп жатабыз, Индия менен консультациялар жигердүү жүргүзүлүүдө, БАЭ менен макулдашууга быйыл кол коюлушу күтүлөт", – деп маалымдады Андрей Слепнев. Башка багыттардын катарында ал Түштүк-Чыгыш Азия рыногун негизги багыттардын бири катары айырмалады. Бул багытта кырдаал бүгүн абдан тез өзгөрүп жатат, бул АКШнын Кытайга карата чараларына байланыштуу. Региондо ЕАЭБдин Вьетнам менен эркин соода жөнүндө макулдашуусу иштеп жатат, Индонезия менен сүйлөшүүлөр ийгиликтүү жүргүзүлүүдө. "Атаандаштык барган сайын көбөйөт, ошондуктан бул атаандаштыкка туруштук берүү жана бул рыноктордогу өз кызыкчылыктарыбызды коргоо үчүн биздин экспорттук күч-аракеттерибиз дагы күчөтүлүшү керек. Бул жөнгө салуучу катары бизге да, биздин өлкөлөрдүн бизнес-коомдоштугуна да тиешелүү", – деди аягында министр.
12 февралындагы 2025
Арзыбек Кожошев БУУ ЕЭКтин аткаруучу катчысы Татьяна Молчан менен жолугушту
Евразия экономикалык комиссиясынын энергетика жана инфраструктура боюнча министри Арзыбек Кожошев жана БУУ ЕЭКтин аткаруучу катчысы Татьяна Молчан транспорт чөйрөсүндө кызматташтыкты өнүктүрүүнү талкуулашып, өз ара иштешүүнүн перспективаларын жана негизги багыттарын белгилешти. Тараптар диалог компетенциялардын жогорку деңгээлин сактоого, тажрыйба алмашууга жана транспорт жолунда тоскоолдуктардын санын азайтуу боюнча натыйжалуу иштөөгө мүмкүндүк берерин белгилешти. "Биз ЕАЭБ мамлекеттеринин мыйзамдарын эл аралык ченемдер жана стандарттар менен айкалыштырууга умтулабыз, бул эл аралык ташууларды жана транзитти жөнөкөйлөтүүгө багытталган, бул аракеттер анын ичинде БУУнун макулдашууларында жана конвенцияларында белгиленген", – деп белгиледи Арзыбек Кожошев. Ал БУУ ЕЭКтин өкүлдөрүнө өткөн жылы Евразия экономикалык форумуна катышкандыгы үчүн ыраазычылык билдирип, 2025-жылдын май айында Минскте өтө турган ЕАЭБдин башкы иштиктүү окуясына катышууга чакырды. Жолугушуу Бириккен Улуттар Уюмунун Европа экономикалык комиссиясынын ички транспорт боюнча комитетинин 87-сессиясынын алкагында өттү.
12 февралындагы 2025
ЕАЭБде түстүү металлургиядагы кооперациялык кызматташтыктын артыкчылыктуу багыттары аныкталды
Евразия экономикалык комиссиясынын Коллегиясы Евразия экономикалык бирлигинин интеграциялык потенциалын эске алуу менен түстүү металлургияда кызматташтыкты өнүктүрүүнүн жаңы келечектүү багыттары боюнча сунуштаманы кабыл алды. "Бул каржылык көмөк көрсөтүү механизмин колдонуу мүмкүндүгүн эске алуу менен түстүү металлургиянын инновациялык продукциясын биргелешип өндүрүү, тармакка алдыңкы технологияларды киргизүү, бул чөйрөдө жашыл күн тартибин ишке ашыруу, ошондой эле түстүү металлдардын сыныктарын кайра иштетүү жаатында тажрыйба алмашууну уюштуруу", – деп белгиледи ЕЭКтин өнөр жай жана АӨК боюнча министри Гоар Барсегян. ЕАЭБ түстүү металлургия продукциясын өндүрүүчүлөр менен керектөөчүлөрдүн ортосундагы өз ара иштешүүнү жакшыртуу үчүн бул тармакта кооперациянын келечектүү багыттарынын тизмесин колдонуу сунушталат, алар ЕАЭБ сайтында жайгаштырылган. Тизмелер — ачык жана мүчө мамлекеттердин сунушу боюнча такталышы же кеңейтилиши мүмкүн. "Сунуштаманы кабыл алуу ЕАЭБ өлкөлөрүндө тармакты өнүктүрүүнүн учурдагы артыкчылыктарын эске алуу менен түстүү металлургиядагы кооперацияны андан ары тереңдетүүгө өбөлгө түзөт", – деп баса белгиледи ЕЭК министри. Кооперациянын келечектүү багыттарынын тизмеси атап айтканда, ферромолибден, титан, ванадий-алюминий лигатурасы, жез зым, бериллий коло сыяктуу түстүү металлургия продукциясын, алюминийден жасалган бир катар буюмдарды өндүрүүнү камтыйт (алюминий күлмайдалары жана пасталары, эритилген алюминий алкактары, алюминий алкактары жана велосипед алкактары).
12 февралындагы 2025
ЕЭК БУУнун Европа экономикалык комиссиясы менен бажы чөйрөсүндө кызматташтыкты өнүктүрөт
БУУнун Европа экономикалык комиссиясынын ички транспорт боюнча комитетинин 87-сессиясынын алкагында ЕЭКтин бажы кызматташтыгы боюнча министри Руслан Давыдов БУУ ЕЭКтин аткаруучу катчысы Татьяна Молчан менен жумушчу жолугушуу өткөрдү жана бажы тармагында кызматташуу маселелерин талкуулады.Тараптар транспорттук коридорлорду, бажы транзитин өнүктүрүү жана өткөрүү пункттарын ыңгайлаштыруу боюнча пикир алмашышты. Ошондой эле тышкы экономикалык ишмердиктин натыйжалуулугун жогорулатууга жана ТЭИ катышуучуларынын чыгымдарын оптималдаштырууга мүмкүндүк берген инструмент катары "бирдиктүү терезе" механизмин киргизүүнүн маанилүүлүгү белгиленди. Жолугушуунун жыйынтыктары боюнча Евразия экономикалык комиссиясы менен БУУнун Европа экономикалык комиссиясынын кызматташтыгын тереңдетүү жөнүндө, анын ичинде 2013-жылдан бери иштеп жаткан Өз ара иштешүү жөнүндө меморандумдун алкагында макулдашууларга жетишилди.
12 февралындагы 2025
Баалуу кагаздарды жайгаштырууга жана жүгүртүүгө чек ара аралык уруксат берүү жөнүндө макулдашууга кол коюлду
Евразия экономикалык бирлигинин мамлекеттеринин өкмөт башчылары ЕАЭБ алкагында уюштурулган тооруктарда баалуу кагаздарды жайгаштырууга жана жүгүртүүгө чек ара аралык уруксат берүү жөнүндө макулдашууга кол коюшту. Муну менен Бирликте бирдиктүү биржа мейкиндигин түзүүгө карата маанилүү кадам жасалды. Келишим баалуу кагаздар (акциялар жана облигациялар) менен эмиссиялык жана соода операцияларынын эркиндигин, биржалык рыноктордун ликвиддүүлүгүнүн өсүшү үчүн шарттарды, соода жана инвестициялык кызматташтыкты бекемдөөнү камсыз кылууга багытталган. Евразия экономикалык комиссиясынын экономика жана каржы саясаты боюнча министри Бахыт Султанов белгилеп өткөндөй, Макулдашуунун предмети болуп баалуу кагаздардын чек ара аралык уруксатын камсыздоо, алардын чыгарылышын өз ара таануу жана Бирлик өлкөлөрүнүн биржаларына уруксат берүү боюнча жол-жоболорду шайкеш келтирүү эсептелет. "Баалуу кагаздардын чек ара аралык уруксатынын айырмалоочу өзгөчөлүгү, жайгаштырууга, анын ичинде параллель (бир эле учурда бир нече биржаларда) жана ЕАЭБдин бир мамлекетинде өткөрүлгөн уюштурулган тооруктарда жүгүртүүгө башка катышуучу-өлкөнүн эмитенттеринин баалуу кагаздарына уруксат берилиши болуп саналат", – деп баса белгиледи ЕЭК министри. Биржа бир катар шарттар сакталган учурда баалуу кагаздарга чек ара аралык уруксат берүү мүмкүнчүлүгүн жаратат. Биринчи кезекте баалуу кагаздардын эмиссиясын каттоо эмитент катталган өлкөнүн мыйзамдарына ылайык жүргүзүлүшү керек. Мындан тышкары, баалуу кагаздарды чыгаруу бул өлкөнүн биржасында жогорку категориядагы тизмеге киргизилиши керек. Жогорку категориядагы котировкалардын тизмесине биржа тарабынан уюштурулган тооруктарда жайгаштырууга жана жүгүртүүгө уруксат берүү үчүн белгиленген эң катуу талаптарга жооп берген баалуу кагаздар гана кирет. ЕЭК министри билдиргендей, Макулдашуу баалуу кагаздардын жалпы уюшулган рыногун түзүү үчүн негиз түзөт. Ошону менен бирге баалуу кагаздардын эмиссияларын өз ара таануу ЕАЭБ мамлекеттеринин биржаларында ликвиддүүлүктү жогорулатуу үчүн мүмкүнчүлүктү камсыз кылат. Ыйгарым укуктуу орган тарабынан катталган эмиссиялык баалуу кагаздарды жайгаштыруу бирдиктүү спецификация боюнча каалаган биржалык аянтчада жүргүзүлөт, бул эмиссияны каттоого жана эмиссия жөнүндө отчетко жөнгө салуучу чыгымдарды олуттуу азайтууга мүмкүндүк берет. "Макулдашууну жүзөгө ашыруунун жыйынтыгы капиталдын эркин кыймылы үчүн мүмкүнчүлүктөрдү камсыздоо, инвестициялык жигердүүлүктү жогорулатуу, баалуу кагаздар менен биржалык соода көлөмдөрүн көбөйтүү жана Бирлик мамлекеттеринин каржылык рынокторун өнүктүрүү болмокчу", – деп жыйынтыктады Бахыт Султанов. Кол коюлган Макулдашуу анын күчүнө кириши үчүн зарыл болгон мамлекеттик ички жол-жоболордон өтүү үчүн ЕАЭБ өлкөлөрүнө жөнөтүлдү.
11 февралындагы 2025
Бакытжан Сагинтаев Масуд Пезешкианды Ислам революциясынын күнү менен куттуктады
Бүгүн Иранда Ислам революциясынын күнү белгиленип жатат. Евразия экономикалык комиссиясынын Коллегиясынын Төрагасы Бакытжан Сагинтаев Иран Ислам Республикасынын Президенти Масуд Пезешкианды жана бүткүл иран элин жалпы улуттук майрамы менен куттуктады. "ЕАЭБ мамлекеттеринин жана Ирандын ийгиликтүү өз ара аракеттенүүсү мындан ары да биздин өлкөлөрдүн элдеринин жыргалчылыгы үчүн тереңдей берет деп ишенем", – деп белгиледи ЕЭК Коллегиясынын башчысы куттуктоо катында. Комиссиянын жана жеке өзүнүн атынан Бакытжан Сагинтаев Иранга гүлдөп өнүгүүнү жана бакубатчылык каалады. 2024-жылдын 26-декабрында Жогорку Евразия экономикалык кеңеши Иранга ЕАЭБдин алдындагы байкоочу мамлекет статусун ыйгарган.
11 февралындагы 2025
Руслан Давыдов Женевада ЕАЭБде бажылык жөнгө салуунун келечектүү багыттарын презентациялады
БУУнун Европа экономикалык комиссиясынын Ички транспорт боюнча комитетинин 87-сессиясында чек арадан өтүүнү тездетүү жана жөнөкөйлөштүрүү, ошондой эле бажы жол-жоболорун өнүктүрүү жана шайкеш келтирүү маселелери талкууланды. Женевада өткөн иш-чарага Евразия экономикалык комиссиясынын бажы кызматташтыгы боюнча министри Руслан Давыдов катышты, ал ошондой эле "2030-жылга карата ички транспорт секторундагы ийгиликтүү аракеттер жана чакырыктар" темасындагы Министрлер конференциясынын катышуучусу болду. Руслан Давыдов Евразия экономикалык бирлигинде чек арадан өтүүнү жеңилдетүү жана транзиттик потенциалды өнүктүрүү боюнча ишке ашырылып жаткан тажрыйбалар жана келечектүү долбоорлор жөнүндө айтып берди. Ал 2024-жылдын 26-декабрында ЕАЭБдин мүчө өлкөлөрүнүн лидерлери кол койгон Бажы транзитинин бирдиктүү тутуму жөнүндө макулдашууну презентациялап, евразиялык "бешилтикке" кирбеген өлкөлөр да Макулдашууга кошула аларын белгиледи. "Документтин ченемдери менен анын бардык катышуучу-өлкөлөрүнүн аймагы боюнча ташууда бирдиктүү электрондук транзиттик декларацияны колдонуу каралат, бул ТЭИ катышуучуларынын убакыттык жана каржылык коромжуларын бир кыйла кыскартууга мүмкүндүк берет", – деди Руслан Давыдов. Комиссиянын бажы блогунун башчысы ЕАЭБде навигациялык пломбаларды киргизүүгө жана транзиттик ташуулардын каржылык кепилдиктеринин натыйжалуу инструменти болуп саналган кепилчилик институтун өнүктүрүүгө өзгөчө көңүл бурду. Ошондой эле өткөрүү пункттарын жайгаштырууга карата бирдиктүү талаптарды түзүү боюнча ЕАЭБде жүргүзүлүп жаткан иштерге жана аларга санариптик технологияларды киргизүү боюнча мыкты тажрыйбаларга басым жасалды. "Өткөрүү пунктунун базалык элементи болуп анын бирдиктүү маалыматтык тутуму болууга тийиш, ага буюмдардын интернетин, чоң маалыматтарды жана жасалма интеллектти пайдаланууга негизделген алдынкы технологиялар интеграцияланат, – деп белгиледи Руслан Давыдов. — Бул бир эле учурда мамлекеттик контролдун натыйжалуулугун жана майнаптуулугун жогорулатуу менен товарлардын, транспорт каражаттарынын жана жеке жактардын ЕАЭБ чек арасы аркылуу өтүүсүн тездетүүгө өбөлгө түзөт".
Дагы көрсөтүү
Ресурсы ЕАЭС
Евразия экономикалык бирлигинин сайты
Евразия экономикалык бирлигинин укук порталы
ЕАЭБдин ички рынокторунун иштөөсүнүн Порталы
ЕАЭБдин санариптик күн тартиби жөнүндө