Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6180

07 октябрындагы 2025 Максим Ермолович: "ЕЭК заманбап дүйнөнүн тез өзгөрүп турган реалдуулугуна ыңгайлашууда" Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович 7-октябрда Астанада өткөн "Монополияга каршы подиум: атаандаштык чөйрөсүндөгү негизги чакырыктар жана тренддер" XI Евразия монополияга каршы форумунун пленардык сессиясына катышты. Максим Ермолович Комиссия тарабынан атаандаштык саясатын заманбап чакырыктарга ыңгайлаштыруу боюнча көрүлүп жаткан негизги багыттарды жана чараларды маалымдады. Анын ичинде жөнгө салуу процессинин ачык- айкындуулугун жана алдын-ала божомолдуулугун камсыз кылуу, ЕЭКтин демилгелүү аракеттеринин жаңы инструментин - сектордук изилдөөлөрдү киргизүү максатында Евразия экономикалык бирлигинин укуктарын өркүндөтүү боюнча иштер тууралуу билдирди. "Заманбап чакырыктарга адекваттуу жана ыкчам жооп берүүгө методологиянын жана практиканын синергиясы мүмкүндүк берет – академиялык көз караш жана илимий экспертиза улуттук жана улуттуктан жогорку атаандаш органдардын практикалык мамилеси менен тыгыз өз ара аракеттенүүдө болушу керек. Атаандаштыкты адвокаттоо боюнча иш-чаралардын алкагында ушул артыкчылыктан улам, биз илимий-методологиялык демилгелерди жигердүү илгерилетип жатабыз", - деп белгиледи Максим Ермолович. ЕЭК министри блоктун атаандаштык боюнча бир катар демилгелерине өзүнчө токтолду. Алардын арасында - мүчө мамлекеттердин жана байкоочу мамлекеттердин атаандаштык ведомстволору менен актуалдуу маселелерди чечүү үчүн билим берүү курстарын, кеңешмелерди "5+1" форматында өткөрүү, атаандаштык маселелери боюнча аймактык уюмдардын диалогу. Евразиялык монополияга каршы форум евразия континентинин улуттук жана чек ара аралык рынокторунда атаандаштыкты коргоо жана монополияга каршы жөнгө салуу маселелери боюнча мамлекеттик органдардын, эксперттик коомчулуктун жана бизнестин ортосунда тажрыйба алмашуу үчүн жогорку деңгээлдеги кесиптик аянтча болуп саналат.

07 октябрындагы 2025 ЕЭК айыл чарба өсүмдүктөрүнүн сортторунун улуттук реестрлерин түзүү жана жүргүзүү боюнча сунуштаманы кабыл алды Евразия экономикалык комиссиясынын Коллегиясы 7-октябрда Евразия экономикалык бирлигинин өлкөлөрүндө айыл чарба өсүмдүктөрүнүн сортторунун улуттук реестрлерин түзүүгө жана жүргүзүүгө карата унификацияланган ыкмалар жөнүндө сунуштаманы кабыл алды. Документ мүчө мамлекеттердин башчыларынын чечими менен тиешелүү түрдө кабыл алынган жана ЕАЭБ өлкөлөрүнүн айыл чарба өсүмдүктөрүнүн сортторун сыноо чөйрөсүндөгү  мыйзамдарын унификациялоого багытталган. "Бирлик өлкөлөрүнүн ыйгарым укуктуу органдары тарабынан улуттук реестрлерден берилген маалыматтардын бир түрдүүлүгү сорттордун бирдиктүү реестринин туура иштешин камсыз кылууга жана ЕАЭБ алкагында айыл чарба товар өндүрүүчүлөрүн агрардык өндүрүшкө киргизүү үчүн сапаты боюнча эң мыкты жана эң баалуу сорттор жөнүндө маалымдоого мүмкүндүк берет", – деп белгиледи ЕЭКтин өнөр жай жана агроөнөр жай комплекси боюнча министри Гоар Барсегян. ЕАЭБ алкагында айыл чарба өсүмдүктөрүнүн үрөндөрүн жүгүртүү жөнүндө макулдашуунун 4-беренесине ылайык, Комиссия Бирликтин алкагында алардын үрөндөрүн жүгүртүү менен байланышкан ишмердүүлүктү маалыматтык камсыздоо үчүн айыл чарба өсүмдүктөрүнүн сортторунун бирдиктүү реестрин түзөт.

07 октябрындагы 2025 Өрт коопсуздугун камсыз кылуу жана өрт өчүрүү каражаттарына карата техникалык регламентке стандарттардын тизмесине өзгөртүүлөр киргизилди Евразия экономикалык комиссиясынын Коллегиясы 7-октябрда Евразия экономикалык бирлигинин "Өрт коопсуздугун камсыз кылуу жана өрт өчүрүү каражаттарына талаптар жөнүндө" техникалык регламентине карата стандарттардын тизмесине өзгөртүүлөрдү киргизди. Стандарттардын тизмеси эки мамлекеттер аралык стандарттар менен толукталды: МАМСТ 34350-2017 "Өрт өчүрүү техникасы. Негизги өрт өчүрүү автомобилдери. Жалпы техникалык талаптар. Сыноо ыкмалары" жана МАМСТ 34996-2023 "Өрт өчүрүү техникасы. Өрт өчүрүү фонарлары. Жалпы техникалык талаптар. Сыноолордун ыкмалары" Мындан тышкары, тизмелерге эки улуттук стандарт киргизилди: МАМСТ Р 58716-2019 "Өрт өчүрүү техникасы. Сырттагы табигый өрттөрдү өчүрүүдө колдонулган дем алуу жана көрүү органдарын коргоо үчүн өрт чыпкаларынын респираторлору. Жалпы техникалык талаптар. Сыноо ыкмалары" жана МАМСТ Р 58446-2019 "Өрт өчүрүү техникасы. Газ-түтүндөн коргоо кызматынын өздүк курамын жабдуу үчүн жабдыктардын топтому. Жалпы техникалык талаптар. Сыноолордун ыкмалары". Өзгөртүүлөр ЕЭК Коллегиясынын чечими расмий жарыяланган күндөн тартып 180 календардык күндөн кийин күчүнө кирет. Өзгөртүүлөр эл аралык жана региондук (мамлекеттер аралык) стандарттардын тизмегин иштеп чыгуу жана кабыл алуу тартибинин 36-пунктунун "а" пунктчасын ишке ашыруунун алкагында Комиссия тарабынан даярдалган.

07 октябрындагы 2025 Гоар Барсегян: "ЕАЭБ алкагында компетенцияларды бириктирүү менен биз технологиялык эгемендүүлүктү жогорулатабыз" Краснодар крайынын Геленджик шаарында болуп өткөн "Биопром" форумунун "Жашоо үчүн технологиялар" сессиясынын жүрүшүндө Евразия экономикалык бирлигинде өнөр жай кооперациясын каржылык колдоо механизмин ийгиликтүү ишке киргизүү жана аны агроөнөр жай секторуна кеңейтүү жөнүндө Евразия экономикалык комиссиясынын өнөр жай жана агроөнөр жай секторуна кеңейтүү тууралуу айтып берди. ЕЭК министринин сөзү боюнча, Бирликте кооперациялык долбоорлорду каржылык колдоонун реалдуу инструменти пайда болду, ал жаңы өндүрүштүк кубаттуулуктарды түзүүгө же мурдагыларын, анын ичинде фармацевтика жана АӨК чөйрөлөрүндө модернизациялоого мүмкүндүк берет. "Биздин мамлекеттер мындай продукцияны өндүрүү үчүн жогорку потенциалга ээ. Компетенцияларды бириктирүү менен биз евразиялык "бешилтиктин" ар бир өлкөсүнүн технологиялык эгемендүүлүгүн жогорулатууда олуттуу секирикке жетише алабыз деп ишенем, – деп белгиледи ЕЭК министри. Ишкер программанын алкагында Гоар Барсегян тамак-аш индустриясы жана айыл чарба ишканаларынын алдыңкы иштеп чыгуулары менен таанышты. Ошондой эле ал өнөр жай компанияларынын жетекчилери, банктардын жана өнүктүрүү институттарынын өкүлдөрү менен иштиктүү эртең мененки тамакка катышып, бизнести ЕАЭБдин кооперациялык долбоорлоруна активдүү катышууга чакырды.

06 октябрындагы 2025 Контрафакттык товарлар менен күрөшүү: ЕАЭБде интеллектуалдык менчик кантип корголот Евразия экономикалык бирлигинин өлкөлөрүндө акыркы он жылда интеллектуалдык менчик чөйрөсүндө 80 миңден ашык тартип бузууларга бөгөт коюлган. Алынган контрафактылык товарлардын жалпы көлөмү дээрлик 140 миллион бирдикке жеткен. Бул маалыматтарды Евразия экономикалык комиссиясынын Ишкердик ишмердикти өнүктүрүү департаментинин директору Ернар Бакенов "Интеллектуалдык тартип. ЕАЭБде укук ээлерин коргоо практикасы" эксперттик сессиясында билдирди. Бул маалыматтарды Евразия экономикалык комиссиясынын Ишкердик ишмердикти өнүктүрүү департаментинин директору Ернар Бакенов "Интеллектуалдык тартип. ЕАЭБде укук ээлерин коргоо практикасы" эксперттик сессиясында билдирди. Ал өз сөзүндө 2024-жылдын жыйынтыгына өзгөчө көңүл бурду. Көбүнесе, пандемиялык чектөөлөр менен шартталган үч жылдык төмөндөөдөн кийин, контрафакт рыногу коркунучтуу өсүү динамикасын көрсөттү. "2024-жылы ЕАЭБде аныкталган контрафакттын көлөмү болжол менен 6,6 миллион бирдикти түздү, бул өткөн жылга салыштырмалуу 14%га көп, - деп белгиледи Ернар Бакенов. - Негизги өсүш Беларустун, Казакстандын жана Россиянын эсебинен болду". ЕЭК өкүлү ЕАЭБде мындай тенденцияларга каршы аракеттенүү боюнча системалуу иш жүргүзүлүп жатканын айтып берди. Ушул максатта Бирликтин мамлекеттери мыйзам базасын дайыма өркүндөтүп турушат. "Кыргыз Республикасында, мисалы, товардык белгилерге укуктарды бузгандыгы үчүн кылмыш жоопкерчилиги күчөтүлдү. Орусияда санариптик доордо өтө маанилүү болгон "күзгү-сайттарды" бөгөттөө процедурасы оптимизацияланды",- деп билдирди Ернар Бакенов. ЕЭК Департаментинин директорунун сөзү боюнча, Комиссия 2025-жылга чейин интеллектуалдык менчик чөйрөсүндө евразиялык экономикалык интеграцияны өнүктүрүүнүн стратегиялык багыттарын жүзөгө ашыруу боюнча ишти улантууда ошондой эле интеллектуалдык менчик чөйрөсүндөгү бир катар иш-чаралар камтылган 2030-жылга чейин ЕАЭБ алкагында экономикалык процесстерди андан ары өнүктүрүү жөнүндө декларацияны ишке ашыруу боюнча пландын долбоорун даярдоону аяктайт. Сессиянын жүрүшүндө эксперттер маркетплейстерде товарларды сатуунун алкагында укук ээлеринин укуктарын коргоону, бажылык жөнгө салууну, ошондой эле интеллектуалдык менчик объектилерине укуктарды коргоо үчүн санариптик технологияларды колдонууну талкуулашты.  

03 октябрындагы 2025 Бакытжан Сагинтаев БУУ ЕЭКтин аткаруучу катчысы Татьяна Молчан менен сүйлөшүүлөрдү өткөрдү Евразия экономикалык комиссиясынын Коллегиясынын Төрагасы Бакытжан Сагинтаев 3-октябрда Женевада БУУнун Европа экономикалык комиссиясынын аткаруучу катчысы Татьяна Молчан менен жумушчу жолугушуу өткөрдү.

03 октябрындагы 2025 Данияр Иманалиев: "Комиссиянын БУУ ЕЭК менен кызматташтыгын кеңейтүү интеграциялык процесстердин натыйжалуулугун жогорулатат" Евразия экономикалык комиссиясынын интеграция жана макроэкономика боюнча министри Данияр Иманалиев Бириккен Улуттар Уюмунун Женевадагы (Швейцария) бөлүмүнүн штаб-квартирасында БУУ ЕЭКтин аткаруучу катчысынын орун басары Дмитрий Марьясин менен жолугушту.

03 октябрындагы 2025 ЮНКТАД биринчи жолу ЕАЭБ өлкөлөрү үчүн дүйнөлүк инвестициялар жөнүндө баяндама жасады 2-октябрда Евразия экономикалык бирлигинин өлкөлөрүнө биринчи жолу даректелген БУУнун соода жана өнүктүрүү боюнча Конференциясынын 2025-жыл үчүн дүйнөлүк инвестициялар жөнүндө баяндамасынын презентациясы онлайн-форматта болуп өттү. Иш-чарада Евразия экономикалык комиссиясынын Ишкердик ишмердикти өнүктүрүү департаментинин директору Ернар Бакенов чыгып сөз сүйлөдү.

Дагы көрсөтүү