қаз

Жаңалықтар

Сөз сөйлеулер Фото Бейнегалерея
14 Oct 2024 Андрей Слепнев БАӘ Сыртқы сауда жөніндегі мемлекеттік министрімен кездесті 13 қазанда Дубай қаласында (Біріккен Араб Әмірліктері) БАӘ Сыртқы сауда мәселелері жөніндегі мемлекеттік министрі Тани Бен Ахмед Аль Зайудимен болып өткен жұмыс кездесуінде ЕЭК Сауда жөніндегі Алқа мүшесі (Министр) Андрей Слепнев еркін сауда туралы келісім бойынша келіссөздер барысының жай-жапсарын талқылады. Келіссөздердің барлық қалған мәселелері бойынша шешімдер пысықталды. 
14 Oct 2024 ЕЭК-те Қырғызстанның "бірыңғай терезе" ұлттық механизмін дамыту жобасы таныстырылды Еуразиялық экономикалық комиссия алаңында Қырғыз Республикасының Экономика және коммерция министрлігі жанындағы Сыртқы сауда саласындағы "бірыңғай терезе" орталығы" мемлекеттік кәсіпорны "бірыңғай терезе" ұлттық механизмінің жобасын көрсетуді өткізді. Іс-шараға ЕЭК-тің, кеден қызметтерінің, мемлекеттік билік органдарының және Еуразиялық экономикалық одақ елдері бизнесінің "бірыңғай терезе" ұлттық механизмдерін дамыту жобасына тартылған өкілдері қатысты. Қырғыз тарапы ведомствоаралық ақпараттық өзара іс-қимылды, "бірыңғай терезе" механизмін ендіру нәтижелерін, СЭҚ жүзеге асыру үшін рұқсат құжаттарын беруді автоматтандыруды, ЕАЭО-ның жалпы процестерін іске асыруға қатысуды таныстырды. Осымен бірге сауда рәсімдерін оңайлату мақсатында құрылған Қырғызстанның Ақпараттық сауда порталының сервистері ұсынылды. "Бірыңғай терезе" ұлттық механизмі жобасын іске асыру шеңберінде Қырғыз Республикасының ақпараттық ресурстарының жұмыс істеуінің практикалық аспектілеріне жеке назар аударылды. Іс-шара соңында Қырғызстанның "бірыңғай терезе" ұлттық механизмін дамытудың өзекті мәселелері бойынша пікірсайыс болып өтті. ЕЭК Кеңесінің 2021 жылғы 5 сәуірдегі "Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру жөніндегі іс- шаралар жоспары туралы" № 4 өкімімен 2025-Стратегиясын іске асыру жөніндегі шаралар, механизмдер мен іс-шаралар айқындалды. Іс-шаралар жоспарының 9.4.-тармағы бөлігінде болашақта олардың үйлесімділігі мен деректер алмасу мүмкіндігін қамтамасыз ету мақсатында "бірыңғай терезе" ұлттық механизмдерін ендіру бойынша пилоттық жобалардың көрсетіміне бағытталған іс-шараларды ұйымдастыру айқындалған.
14 Oct 2024 Валентин Татарицкий: "Стандарттау — өнімнің қауіпсіздігін қамтамасыз етудің, Еуразиялық кеңістікте өнімнің сапасы мен бәсекеге қабілеттілігін арттыруға жәрдемдесудің түйінді құралы" Еуразиялық экономикалық комиссияның Техникалық реттеу жөніндегі министрі Валентин Татарицкий 14 қазанда Минскіде Дүниежүзілік стандарттар күніне және Беларусьтың стандарттау күніне орайластырылған "Стандарттау — Беларусь Республикасының өнеркәсіптік дамуының негізі" конференциясына қатысты. Валентин Татарицкий өз сөзінде өнімге қойылатын талаптарды өзекті күйде ұстау үшін Комиссияның Еуразиялық экономикалық одақ елдерінің уәкілетті органдарымен жүргізіліп жатқан бірлескен жұмысына айрықша назар аударды. ЕЭК министрі Еуразиялық интеграция үшін стандарттаудың басым міндеттерді іске асыру тұрғысындағы өзектілігін атап көрсетті. Бұлардың ішінде — 1 қазанда Арменияда болып өткен Еуразиялық үкіметаралық кеңестің отырысында белгіленген өндірістік кооперациялық ынтымақтастық бағыттары, төмен көміртегін дамыту саласының дамуы, сондай-ақ Одақ шеңберінде құрылатын цифрлық ортаның функционалы бар. Валентин Татарицкий, атап айтқанда, стандарттаудың өнімнің қауіпсіздігін қамтамасыз етудің, Еуразиялық кеңістікте өнімнің сапасы мен бәсекеге қабілеттілігін арттыруға жәрдемдесудің түйінді құралы екенін атап өтті. Министр конференцияға қатысушыларды "Еуразиялық экономикалық жол" Декларациясын іске асыру туралы іс-шаралар жоспарын толтыру, соның ішінде өнеркәсіптік кешеннің міндеттерін шешу үшін стандарттау нәтижелерінің практикалық интеграциясы бөлігіндегі талқылаулардан шет қалмауға шақырды.
11 Oct 2024 Металлургтерге ЕАЭО мен Иран арасындағы еркін сауда туралы келісім құратын пұрсаттылықтар жайында айтылды 10 қазанда "Металл прокатының нарықтары: сату, өндіріс, стратегия" атты екінші халықаралық конференцияда Еуразиялық экономикалық комиссия Сауда саясаты департаментінің сауданы реттеудің арнайы мәселелері бөлімінің бастығы Кира Данильчева Еуразиялық экономикалық одақ пен Иран Ислам Республикасы арасындағы еркін сауда туралы келісімге сәйкес құрылатын пұрсаттылықтар жайында баяндама жасады. "Қол қойылған келісім ЕАЭО елдері мен Иран арасындағы сауданың айтарлықтай өсу жағдайларын қамтамасыз етеді. Алайда құрылатын пұрсаттылықтарды белсенді пайдалану үшін тараптардың бизнес өкілдері іскерлік байланысуды дамытуы қажет", – деп атап өтті ол. Осыған байланысты Кира Данильчева кәсіпкерлік қоғамдастықтың мүдделі өкілдерін 2024 жылғы 3-6 желтоқсан аралығында Тегеран қаласында (Иран) өткізілуі жоспарланған "Еуразия ЭКСПО 2024" үшінші мамандандырылған көрмесіне қатысуға шақырды. Бір тараптан Еуразиялық экономикалық одақ пен оған мүше мемлекеттер және екінші тараптан Иран Ислам Республикасы арасындағы еркін сауда туралы келісімге 2023 жылғы 25 желтоқсанда қол қойылды. Қазіргі уақытта Келісімнің күшіне енуі үшін қажетті рәсімдерді жүргізу аяқталып келеді.  
11 Oct 2024 Сарапшылар ЕАЭО елдерінің тауарларды декларациялауға қатысты кезекті бастамаларын талқылады 10 қазанда Кеден заңнамасы және құқық қолдану практикасы департаменті директорының орынбасары Григор Оганянның төрағалық етуімен Еуразиялық экономикалық комиссияның бейінді Консультативтік комитеті жанындағы кедендік декларациялау жөніндегі жұмыс тобының отырысы болып өтті. Еуразиялық экономикалық одақ елдерінің мемлекеттік органдары мен бизнес-қоғамдастықтарының сарапшылары тауарларды кедендік декларациялауды одан әрі жетілдіруге бағытталған Еуразиялық экономикалық одақ елдерінің бірқатар бастамашыл жобасы мен ұсынысын талқылады. Кедендік бақылаудың тиімділігін арттыру және тексерулер санын азайту үшін контейнерлер туралы тауарларға арналған декларациядағы мәліметтерді оңтайландыру мәселелері қаралды. Бұдан басқа, оларға қатысты арнайы кедендік рәсім белгіленуі мүмкін тауарларға арналған декларация ретінде көлік, коммерциялық және өзге де құжаттарды пайдалану тәртібі туралы нұсқаулыққа өзгерістер енгізу, сондай-ақ оларды осындай рәсімге орналастыру шарттары талқыланды. Тауарларға арналған декларацияны толтыру тәртібі Кеден одағы Комиссиясының 2010 жылғы 20 мамырдағы №257 шешімімен бекітілген. Көлік (тасымалдау), коммерциялық және (немесе) өзге де құжаттарды тауарларға арналған декларация ретінде пайдалану тәртібі туралы нұсқаулық Кеден одағы Комиссиясының 2010 жылғы 20 мамырдағы №263 шешімінің 1-тармағымен бекітілген. Кеден одағы Комиссиясының 2010 жылғы 20 мамырдағы №329 шешімімен оларға қатысты арнайы кедендік рәсім белгіленуі мүмкін тауарлар санаттарының тізбесі және оларды осындай кедендік рәсімге орналастыру шарттары бекітілді. ЕЭК Кеңесінің 2024 жылғы 29 мамырдағы №55 шешімімен ресми халықаралық спорттық іс-шараларда пайдалануға арналған тауарларды ЕАЭО кедендік шекарасы арқылы өткізу ерекшеліктері, оларды арнайы кедендік рәсімге орналастыру шарттары және оны қолдану тәртібі айқындалды.
11 Oct 2024 Валентин Татарицкий: «ЕАЭО мемлекеттерінің техникалық, технологиялық және экономикалық тәуелсіздігі стандарттаудың даму деңгейіне тікелей байланысты" Еуразиялық экономикалық комиссияның Техникалық реттеу жөніндегі министрі Валентин Татарицкий 10-11 қазанда Санкт-Петербургте "Ресей стандарттау апталығы" V халықаралық технологиялық форумы шеңберінде "Ұлттық даму мақсаттарына қол жеткізудегі стандарттау" атты ең басты жалпы сессияға қатысты. Форумға қатысушылар халықаралық, өңірлік және ұлттық стандарттауды дамытудың іргелі мәселелерін талқылады. Атап айтқанда, күн тәртібіне стандарттау жүйесін цифрлық трансформациялау, цифрлық техникалық реттеу, құрылыста және климаттық күн тәртібін іске асыру шеңберінде жасыл стандарттарды ендіру мәселелері, балалар тауарлары индустриясын дамытудың түйінді мәселелері, азық-түлік қауіпсіздігі, сондай-ақ құрылыс саласындағы стандарттау мәселелері енгізілді. Валентин Татарицкий: "Стандарттар – бұл Еуразиялық экономикалық одақтың бірыңғай және міндетті орындауға жатқызылған техникалық регламенттері үшін біздің дәлелдемелік базамыз. Бұл ретте тосқауылсыз орта құру үшін тиісті халықаралық стандарттар негізінде әзірленген МемСТ-тарды стандарттар тізбесіне қосу басымдықты болып табылады", – деп атап көрсетті. Министр Одақ өмір сүрген он жыл ішінде техникалық реттеу саласында өнімге қойылатын бірыңғай міндетті талаптарды белгілеу және оларды стандарттармен қамтамасыз ету бойынша үлкен жұмыс жүргізілгеніне назар аударды. Бүгінгі таңда Комиссия алаңында стандарттау саласында өте өзекті міндеттерді шешуге мүмкіндік беретін үйлестірілген саясат жүргізілуде. Валентин Татарицкийдің сөзінше, стандарттарды (көбіне-көп мемлекетаралық) әзірлеу және өзектілендіру тиімділігін үнемі арттырып отыру қажет. Бұл үшін Одақта техникалық регламенттерге орайлас стандарттар тізбесін қалыптастыру рәсімдері жетілдірілді. 2023 жылы Одақ шеңберінде Стандарттау жөніндегі жұмыстарды үйлестіру тәртібі қабылданды, ол ұлттық стандарттау органдарының тиімді өзара іс-қимылын жолға қоюға көмектеседі. Одақ құқығына өнімге қойылатын талаптардың өзектілігін мерзімді бағалау рәсімі ендірілді. Үстіміздегі жылы Техникалық регламенттердің ғылыми-техникалық деңгейін және оларға орайлас стандарттар тізбесін міндетті кезеңдік бағалауды жүргізу тәртібі күшіне енді. 2030 жылға дейін 29 техникалық регламент пен оларды қамтамасыз ететін стандарттардың ҒТД-ын бағалау жоспарланған. Валентин Татарицкий "ЕАЭО шеңберіндегі цифрлық техникалық реттеу" жобасын іске асырудың өзектілігін былай деп айқындап көрсетті: "Цифрлық техникалық реттеу – цифрлық Еуразиялық кеңістіктегі ең ауқымды жоба. Құрылатын цифрлық платформа бізге, біріншіден, қағаз ортадан шығуды қамтамасыз етуге мүмкіндік береді – техникалық регламенттер бірден цифрлық платформада әзірленетін болады, екіншіден, цифрлық платформа – бизнес пен өнеркәсіп үшін сөзсіз артықшылық, өйткені ол техникалық регламенттерді әзірлеу кезінде өзара іс-қимылды айтарлықтай оңайлатады, үшіншіден, өнімге қойылатын барлық міндетті одақтық талап цифрлық түрде болады, бұл жобалау процесі мен өндіріске осындай талаптарды іздеу, бірдейлендіру, жүктеу үшін өте ыңғайлы". ЕЭК министрі жобаны одан әрі дамыту сәйкестікті бағалау процесін цифрландыруға, қадағалау қызметін автоматтандыруға қарай біртіндеп қадам басуға көмектеседі және тұтастай алғанда осы цифрлық платформаға қосымша одақтық сервистерді қосуға мүмкіндік береді деп атап көрсетті. Техникалық реттеу және аккредиттеу департаментінің директоры Талғат Момышев пен Департамент директорының орынбасары Максим Ким форумның "Цифрлық техникалық реттеу – Еуразиялық интеграцияның негізі", "Ұлттық стандарттау жүйесінің цифрлық трансформациясы – дамудың негізгі шешімдері мен бағыттары", "Стандарттау және құрылыс материалдары үшін мемлекеттік бақылау мен қадағалауды қалпына келтіру" және "Электртехникасы мен электроника мысалында технологиялық көшбасшылыққа қол жеткізудегі стандарттаудың рөлі" сессияларының жұмысына қатысты. Форумды Дүниежүзілік стандарттар күні қарсаңында Федералдық техникалық реттеу және метрология жөніндегі агенттік ("Росстандарт") ұйымдастырды. Форум жұмысына ЕАЭО елдерінің мемлекеттік билік органдарының, стандарттау жөніндегі халықаралық және шетелдік ұйымдардың, ірі ғылыми-зерттеу және білім беру орталықтарының, өнеркәсіптік кәсіпорындардың басшылары мен өкілдері қатысты.
10 Oct 2024 Бақытжан Сағынтаев Мигель Диас-Канель Бермудесті Куба Республикасының Тәуелсіздік күнімен құттықтады Бүгін Куба ұлттық мереке – Тәуелсіздік күнін атап өтеді. Еуразиялық экономикалық комиссия Алқасының Төрағасы Бақытжан Сағынтаев Куба Республикасының Президенті Мигель Диас-Канель Бермудесті және бүкіл куба халқын мерекемен құттықтады. Комиссия атынан және жеке өз атынан Бақытжан Сағынтаев Кубаға тұрақты экономикалық даму және құт-береке тіледі. Куба Республикасы ЕАЭО жанындағы байқаушы мемлекет және Еуразиялық экономикалық одақтың Латын Америкасы мен Кариб бассейні өңіріндегі қарымды әріптестерінің бірі болып табылады.
10 Oct 2024 Андрей Слепнев РӨКО-да ЕАЭО-ның үшінші елдермен сауда келіссөздерінің барысы туралы айтты Еуразиялық экономикалық комиссияның Сауда жөніндегі министрі Андрей Слепнев Ресей өнеркәсіпшілері мен кәсіпкерлері одағының (РӨКО) интеграция, сауда-кеден саясаты және ДСҰ комитетінің отырысында сөз сөйледі. Кездесуге қатысушылар Одақтың сауда келісімдері желісін қалыптастыру мәселесі бойынша 2024 жылғы 1 қазандағы ЕҮАК отырысында қабылданған тапсырманы дамыту үшін ЕАЭО-ның үшінші елдермен сауда келіссөздерінің барысын талқылады. Атап айтқанда, сөз Индонезиямен және БАӘ-мен келіссөздер туралы болды. Сондай-ақ Андрей Слепнев 3-6 желтоқсан аралығында Тегеранда өтетін "Еуразия ЭКСПО 2024" көрмесінің жұмысына ЕЭК делегациясының алдағы қатысуы туралы хабардар етті. ЕАЭО мен Иран арасындағы еркін сауда туралы толық форматты келісімнің күшіне енуі қарсаңында министр мүше мемлекеттердің компанияларын экспорттық мүдделі тауарларды ілгерілету мақсатын дабастамашыл позиция ұстануға шақырды. Атап айтқанда, ол ынтымақтастықты дамыту туралы нысаналы диалог жүргізу үшін ЕЭК делегациясына қосылуды ұсынды.
Тағы да көрсету

ЕАЭО ресурстары