Қаріп өлшемі: A A A
Сайттың түсі: C C C
Сайттын кадимки версиясы
Выберите язык

Жаңылыктарды көргүңүз келген күндөрдү «кк.аа.жжжж.» форматында көрсөтүңүз, мисалы, 01.01.2017
 

Издөөнүн жыйынтыктары: 6104

05 сентябрындагы 2025 Андрей Слепнев: "Евразия экономикалык бирлиги – Чоң Евразиялык өнөктөштүктүн маанилүү звеносу" Бул туурасында Евразия экономикалык комиссиясынын соода боюнча министри Андрей Слепнев Чыгыш экономикалык форуму – 2025 алкагындагы "Чоң Евразия өнөктөштүгү: континенттин өнүгүүсүнүн жаңы парадигмалары" сессиясында сүйлөп жатып билдирди. "Бүгүн биз Россия Федерациясынын Президенти Владимир Владимирович Путин жарыялаган Чоң Евразиялык өнөктөштүк (ЧЕӨ) идеясы олуттуу жана өсүп келе жаткан колдоого ээ экендигин белгилей алабыз. Айрыкча, биз муну азыр, Евразиянын көптөгөн өлкөлөрү башынан өткөрүп жаткан оор мезгилде көрүп жатабыз", – деди ал. Буга байланыштуу ЕЭКтин соода боюнча министри "жашоо өзү демилгени чыныгы мазмун менен толтурууда жана бул мазмун кеңейүүдө" деп белгиледи. COVID-19 таасири астында логистикалык линия боюнча байланыштар кескин өстү, анткени баары маршруттарды диверсификациялоо жана байланышты күчөтүү керек экенин түшүнүштү. Андрей Слепневдун айтымында, ар кандай чакырыктардын таасири астында каржылык эсептердин коопсуздугун бекемдөө жана эл аралык сооданы туруктуу өнүктүрүү үчүн форматтарды табуу идеясы улам көбүрөөк түшүнүү табууда. "Евразиянын беш өлкөсүн бириктирген Евразия экономикалык бирлигине келсек, бул өнөктөштүктүн эң маанилүү звенолорунун бири. Бул планда биз толугу менен ЧЕӨ идеологиясын жана рухун колдойбуз. Биз практикалык куралдарды жигердүү өнүктүрүп жатабыз, буга кененирээк токтолгубуз келет", – деп баса белгиледи Андрей Слепнев. Бул теманы өнүктүрүү менен ЕЭК министри Комиссиянын эркин соода жөнүндө макулдашуулар боюнча иши тууралуу айтып берди. Мындай келишимдер тарифтерден качууга жана белгилүү бир мааниде кээ бир өлкөлөр бүгүнкү күндө жактап жаткан карама-каршы мамилелерге жооп берүүгө мүмкүндүк берет. Бул жерде, Андрей Слепневдун пикири боюнча, тарифтик тоскоолдуктарды төмөндөтүү түрүндө "шлагбаумду көтөрүү" гана эмес, жакшы жол картасын түзүү, бизнес үчүн кооперацияны түзүүгө жардам бере турган жол куруу да маанилүү. "Кеп континенттин кургактыктагы байланышы жөнүндө болуп жатат, мында кесипкөй көп тараптуу диалог маанилүү, транспорт министрлери бир столго чогулуп, тар жерлерди "чечмелөө" жана транспорттук коридорлорду санариптештирүү жөнүндө сүйлөшүшү керек. Каржылык инструменттер, ошондой эле соодада күчтүү тоскоолдук болуп саналган стандарттарга байланыштуу маселелер өтө эле маанилүү, ал ашыкча жогорку тарифтерден кем эмес зыян келтирет", – деп белгиледи ЕЭК министри. Анын ичинде ШКУ жана БРИКС алкагында талкуулоону жана практикалык чечимдерди табууну талап кылган санариптештирүү жана климаттык күн тартиби маселелери өзүнчө каралды. "Өнөктөштүк – бул бөлүнүүнүн жоктугу. Биздин лидерлер өнөктөштүк маанайда иштешет. Бирок биз кесипкөйлүк деңгээлде бардык тоскоолдуктарды четтетүү үчүн дагы көп чогуу иштешибиз керек", – деп жыйынтыктады Андрей Слепнев.
04 сентябрындагы 2025 Чыгыш экономикалык форумунда чек ара инфраструктурасын өнүктүрүү талкууланды Евразия экономикалык комиссиясынын Бажы кызматташтыгы боюнча министри Руслан Давыдов Владивостокто Чыгыш экономикалык форумунун алкагында "Заманбап чек ара инфраструктурасы – мамлекет үчүн мыкты инвестициялар" сессиясында сөз сүйлөдү.
03 сентябрындагы 2025 Бакытжан Сагинтаев кытай элинин жапон баскынчыларына каршы туруу согушунда жана Дүйнөлүк фашизмге каршы согушта Жеңиштин 80 жылдыгына арналган салтанаттуу иш-чараларга катышты Евразия экономикалык комиссиясынын Коллегиясынын Төрагасы Бакытжан Сагинтаев 3-сентябрда Пекинде (Кытай Эл Республикасы) кытай элинин жапон баскынчыларына каршы туруу согушунда жана Дүйнөлүк фашизмге каршы согушта Жеңиштин 80 жылдыгына арналган салтанаттуу иш-чараларга катышты.
03 сентябрындагы 2025 Айдай Карагулова ЕЭКтин Каржы саясаты департаментинин директорунун орун басары болуп дайындалды Карагулова Айдай Нурдиновна 1979-жылы Бишкекте төрөлгөн. 2000-жылы И.Раззаков атындагы Кыргыз мамлекеттик техникалык университетин "Экономика" адистиги боюнча, ал эми 2017-жылы Кыргыз Республикасынын Президентине караштуу башкаруу академиясынын "Мамлекеттик саясат жана башкаруу" багыты боюнча магистратурасын аяктаган.
03 сентябрындагы 2025 ЕЭКтин Укук департаментинин директорунун орун басары болуп Асель Сейдалина дайындалды Асель Жанабаевна Сейдалина 1980-жылы Казакстан Республикасынын Костанай шаарында туулган. А.Байтурсынов атындагы Костанай мамлекеттик университетин, Борбордук Азия университетин "юриспруденция жана укук" адистиги боюнча жана Казакстан Республикасынын Жогорку Сотуна караштуу Сот адилеттиги Академиясын (укук магистри) аяктаган.
03 сентябрындагы 2025 Андрей Слепнев Росаккредитациянын жетекчиси Дмитрий Вольвач менен маркалоо жана техникалык жөнгө салуу тутумдарын интеграциялоонун келечегин талкуулады Евразия экономикалык комиссиясынын соода боюнча министри Андрей Слепнев Росаккредитациянын жетекчиси Дмитрий Вольвач менен жумушчу жолугушуу өткөрдү. Евразия экономикалык бирлигинин өлкөлөрүнүн аккредитациялоо тутумдарынын ортосунда өз ара иштешүүнү күчөтүү, ошондой эле маркалоо жана техникалык жөнгө салуу тутумдарын интеграциялоо мүмкүнчүлүктөрү маселелери каралды.
02 сентябрындагы 2025 ЕАЭБде сүт жана сүт продукциясына карата техрегламентке мамлекеттер аралык стандарттарды иштеп чыгуу боюнча жаңыланган программа бекитилди Евразия экономикалык комиссиясынын Коллегиясы 2-сентябрдагы отурумунда Бажы бирлигинин "Сүт жана сүт продукциясынын коопсуздугу жөнүндө" (ББ ТР 033/2013) техникалык регламентине мамлекеттер аралык стандарттарды иштеп чыгуу боюнча программаны жаңы редакцияда бекитти.
02 сентябрындагы 2025 ЕЭКтин Ички рыноктордун иши боюнча департаменттин директорунун орун басары болуп Бахтияр Асаутаев дайындалды Бахтияр Берикович Асаутаев 1987-жылдын 9-февралында төрөлгөн. 2010-жылы академик Е.А. Букетов атындагы Караганда мамлекеттик университетин жана Казакстан керектөөчүлөр бирлигинин Караганда экономикалык университетин бүтүргөн.
Дагы көрсөтүү