Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6221

15 августундагы 2025 ЕӨАК ЕАЭБ алкагында медициналык буюмдардын жалпы рыногун өнүктүрүү концепциясын бекитти Евразия өкмөттөр аралык кеңеши 15-августта Чолпон-Атада Евразия экономикалык бирлигинин алкагында медициналык буюмдардын жалпы рыногун өнүктүрүү концепциясын бекитти. Документ медициналык буюмдардын жалпы рыногунун туруктуу иштешин камсыз кылуу үчүн Евразия экономикалык комиссиясы тарабынан ЕАЭБ өлкөлөрү менен биргеликте иштелип чыккан. Концепция Бирликтин бул чөйрөдөгү укугун андан ары өркүндөтүүгө, Комиссиянын актыларын Медициналык буюмдарды жөнгө салуучулардын эл аралык форумунун (IMDRF) документтери менен, анын ичинде жасалма интеллект технологияларын колдонуу менен аларды жүгүртүү боюнча документтерге шайкеш келтирүүгө багытталган. Ошондой эле документ Бирлик өлкөлөрүндө бизнес-процесстерди жөнөкөйлөтүү максатында медициналык буюмдарды каттоодо жана жүгүртүүдө санариптик процесстерди өнүктүрүүгө жардам берүүгө арналган. Концепцияда аталган рыноктун абалы, Бирликтин медициналык буюмдарды жүгүртүү чөйрөсүндөгү укуктарын интеграциялоонун жана шайкеш келтирүүнүн жетишилген деңгээли, IMDRF сунуштарын эске алуу менен жүгүртүүнүн бирдиктүү эрежелерин иштеп чыгууга карата мамилелер чагылдырылган. Ошондой эле жалпы рыноктун ишинин негизги жыйынтыктары жана аны жөнгө салуунун келечектүү багыттары белгиленген. Концепцияда өзгөчө көңүл медициналык буюмдар жасалган материалдардын коопсуздугу маселелерине, ошондой эле Бирлик укугунда медициналык буюмдарды жүгүртүү жана аларды стандартташтыруу чөйрөсүндө кошумча технологияларды колдонууга карата мамилелерди белгилөөнүн максатка ылайыктуулугуна бурулган. Медициналык буюмдарды баалоого карата талаптарды шайкеш келтирүү боюнча мүчө мамлекеттердин өз ара аракеттенүүсү улантылат. Медициналык буюмдарды жүгүртүү чөйрөсүндө Бирликтин укугу боюнча кызыкдар үчүнчү өлкөлөр менен консультацияларды кеңейтүү пландаштырылууда.

15 августундагы 2025 Өкмөт башчылары ЕАЭБде климаттык күн тартип маселелерин жөнгө салуу боюнча ык-амалдарды ишке ашыруу боюнча планды жактырышты Евразия өкмөттөр аралык кеңешинин 15-августта Чолпон-Ата шаарында өткөн отурумунда Евразия экономикалык бирлигинин өлкөлөрүнүн өкмөт башчылары ЕАЭБ алкагында климаттык күн тартибинин маселелерин жөнгө салуу боюнча ык-амалдарды өнүктүрүү боюнча иш-чаралардын беш жылдык планын жактырышты. Макулдашылган иш-чаралар Ык-амалдарда каралган механизмдерди ишке ашырууга багытталган. Алардын арасында – Евразия экономикалык комиссиясынын жана мүчө мамлекеттердин Бирликтин алкагында ЕАЭБ өлкөлөрүнүн климаттык жөнгө салуусунан келип чыккан тоскоолдуктарды болтурбоо боюнча биргелешкен иши, ошондой эле соода менен байланышкан климаттык чаралар боюнча эл аралык өз ара аракеттешүүсү. Иш-чаралардын жактырылган тизмеси Бирликтин алкагында 2030-жылга чейин жана 2045-жылга чейинки мезгилде экономикалык процесстерди андан ары өнүктүрүү жөнүндө "Евразия экономикалык жолу" декларациясын мүчө мамлекеттердин климаттык күн тартиби чөйрөсүндө кызматташуусу бөлүгүндө ишке ашыруу боюнча иш-чаралардын жалпы планына киргизилет.  

15 августундагы 2025 Өкмөттөр аралык кеңеш алып келүү бажы алымдарынан түшкөн кирешелердин өсүшүн белгиледи Евразия экономикалык бирлигинин өлкөлөрүнүн өкмөт башчылары ЕАЭБ мамлекеттеринин бюджеттеринин ортосунда ташып кирүү бажы алымдарынын суммаларын чегерүү жана бөлүштүрүү жөнүндө Евразия экономикалык комиссиясынын жылдык отчетун карап чыгышты. Документке ылайык 2024-жылы Бирлик өлкөлөрүнүн бюджетине 15,2 млрд доллар келип түшкөн, бул 2023-жылга караганда дээрлик 3%га көп. Бул көрсөткүч 2015-жылдан бери алып караганда максималдуу болуп саналат. Документте бажы төлөмдөрүнүн көлөмүнө таасир этүүчү факторлор – импорттук жеткирүүлөрдүн динамикасы жана соода агымдарынын түзүмү, Бирдиктүү бажы тарифинин (ББТ) чендеринин өзгөрүшү, ошондой эле колдонуудагы тарифтик жеңилдиктер жана ББТдан "алып коюулар" талданган. ЕАЭБ өлкөлөрүнүн бюджеттеринин ортосунда ташып кирүү бажы алымдарынын суммаларын бөлүштүрүүнүн ченемдерин эсептөө методикасынын үстүндө иштөө жөнүндө жаңы бөлүм кошулду. "Алып келүү бажы алымдарынын көлөмүнүн өсүшү оң динамика жөнүндө күбөлөндүрөт жана биздин милдет учурдагы көрсөткүчтөрдү колдоо гана эмес, интеграциядан экономикалык натыйжаны андан ары жогорулатуу үчүн шарттарды түзүү", – деп белгиледи ЕЭКтин экономика жана каржы саясаты боюнча министри Бахыт Султанов. Өкмөттөр аралык кеңеш ЕЭК Коллегиясына кириш бажы алымдарынын суммаларын мүчө мамлекеттердин бюджеттеринин ортосунда чегерүүгө жана бөлүштүрүүгө мониторинг жүргүзүүнүн үстүндө ишти улантууну тапшырды.

15 августундагы 2025 Өкмөттөр аралык кеңеш Комиссиянын ЕАЭБ өлкөлөрүндөгү кесиптик квалификацияны өз ара таануу боюнча ишин колдоду Евразия өкмөттөр аралык кеңеши Евразия экономикалык бирлигинин эмгек рыногунда эң көп талап кылынган кесиптер үчүн квалификациялык талаптарды жакындатуу боюнча ишти улантууну чечти. Бул чечим ЕАЭБ өлкөлөрүндө жарандардын жумушка орношуусун жеңилдетүүгө багытталган. Евразия экономикалык комиссиясы Бирлик мамлекеттеринин компетенттүү органдары менен биргеликте даярдаган баяндама талкуулоо үчүн негиз болду. Документте квалификациялардын улуттук тутумдарын, анын ичинде алардын негизги критерийлерин, кесиптик билим берүүнүн деңгээлин жана эмгек ишмердүүлүгү менен алектенүү үчүн талаптарды толук талдоо жана салыштыруу берилген. Талдоо үчүн практикалык мисал катары ширетүүчүлөрдүн квалификациясына талаптар кабыл алынган. ЕЭКтин экономика жана каржы саясаты боюнча министри Бахыт Султановдун сөзү боюнча, ЕАЭБ жөнүндө келишимдин алкагында билим берүү жөнүндө документтердин таанылышына карабастан, кесиптик квалификацияны таануу маселесинде айырмачылыктар сакталууда. "Билим берүү документтерин таануу – бул биз түптөгөн негиз. Эми биздин милдет – кийинки кабатты куруу: Бирликтин бир өлкөсүндө алынган адистин кесиптик квалификациясы башка өлкөдө түшүнүктүү жана таанылгыдай кылуу. Бул ишти улантуу менен биз жарандарыбыз үчүн тоскоолдуктарды четтетип жана квалификациялуу кадрлардын эркин кыймылы үчүн шарттарды түзүп жатабыз", – деп белгиледи ЕЭК министри.

14 августундагы 2025 Варос Симонян: "Санариптик эгемендүүлүк ЕАЭБ контекстинде жалпы күч-аракеттер менен санариптик көз карандысыздыкты түзүүнү билдирет" Санариптик өнүктүрүүнүн артыкчылыктары жана бул чөйрөдө кызматташтыкты тереңдетүү чаралары 14-августта Бостериде (Кыргызстан) болуп өткөн "Санариптик эгемендүүлүк ЕАЭБде туруктуу өсүүнүн жана технологиялык кооперациянын фактору катары" VII Кыргыз-Россия экономикалык форумунун пленардык отурумундагы талкуунун предмети болуп калды. Отурумдун модератору ЕЭКтин ички рыноктор, маалыматташтыруу, маалыматтык-коммуникациялык технологиялар боюнча министри Варос Симонян болду.

14 августундагы 2025 ЕАЭБ өлкөлөрүнүн туризм чөйрөсүндөгү кызматташтыгы экономикалык өсүштүн катализатору болушу мүмкүн Евразия экономикалык комиссиясы расмий сайтында евразиялык туристтик маршруттары жөнүндө тематикалык бөлүмдү түзөт, анда Евразия экономикалык бирлигинин өлкөлөрүнүн 400дөн ашык туристтик объектилери жөнүндө маалыматтар камтылат. Бул туурасында ЕЭКтин Ишкердик ишмердүүлүктү өнүктүрүү департаментинин директорунун орун басары Лусине Багратуни 14-августта Бостериде (Кыргызстан) өткөн Кыргыз-Россия экономикалык форумунда "Евразия туризминин санариптик вектору: Интеграция жана өсүү стратегиялары" сессиясынын жүрүшүндө билдирди.

13 августундагы 2025 Арзыбек Кожошев: "Он жыл ичинде ЕАЭБде Кыргызстан чоң жолду басып өттү" 13-августта Бостери шаарында (Кыргыз Республикасы) VII Кыргыз-Россия экономикалык форумунун алкагында Кыргыз Республикасынын Евразия экономикалык бирлигине киргендигинин 10 жылдыгына арналган эл аралык конференция болуп өттү.

13 августундагы 2025 ЕАЭБ өлкөлөрүнүн экономикаларынын өсүш темпи дүйнөлүк орточо маанилерден алдыда Евразия экономикалык бирлигинин алкагында экономикалык өнүгүүнүн позитивдүү динамикасы жана интеграциялык өз ара байланыштарды чыңдоо жөнүндө Евразия экономикалык комиссиясынын Макроэкономикалык саясат департаментинин директору Алексей Ведев Кыргызстандын ЕАЭБге кирүүсүнүн 10 жылдыгына арналып, Кыргыз Республикасынын Ысык-Көл облусунун Бостери айылында өткөн конференцияда айтып берди.

Дагы көрсөтүү