Эмгек миграциясы жана социалдык коргоо департаменти

Департамент Евразия экономикалык комиссиясынын (ЕЭК) эмгек миграциясы жана миграциялык саясат, социалдык, пенсиялык жана медициналык камсыздоо, мүчө мамлекеттердин эмгекчилеринин билими жана кесиптик иши жөнүндө документтерди таануу чөйрөлөрүндө ишмердик жүргүзгөн түзүмдүк бөлүмү болуп саналат.

Департаменттин ишинин негизги функцияларынын арасында:

жумушчу күчүнүн эркин жылышын камсыз кылуу

катышуучу-өлкөлөрдүн эмгек миграциясы чөйрөсүндөгү мыйзамдарына мониторинг жүргүзүү;

эмгек ресурстарынын бирдиктүү рыногун өнүктүрүү боюнча сунуштарды иштеп чыгуу;

мүчө мамлекеттерде эмгекчилерди ишке орноштурууга жана иш менен камсыз кылууга көмөктөшүү;

эмгекчилердин жана алардын үй-бүлө мүчөлөрүнүн ишке орношуучу мамлекетте болушуна жагымдуу шарттарды түзүү.

Бирдиктүү эмгек рыногунун иштешин камсыз кылуу

иш менен камсыз кылуунун жаңы формаларына, эмгек ишмердигин жүзөгө ашыруунун режимдерине тиешелүү мыйзамдык демилгелерди иштеп чыгуу (өз алдынча иштегендер ж. б.);

ЕАЭБдин мүчө мамлекеттеринин жарандарын ЕАЭБдин башка мамлекетинде ишке орноштурууда билими (медиктердин жана фармацевттердин документтеринен тышкары) жана окумуштуулук даражалары жөнүндө документтерди түз таануу;

"Чек арасыз жумуш" тутумун өнүктүрүү жана эмгек миграциясы үчүн башка санариптик сервистерди түзүү мүмкүнчүлүгүн иштеп чыгуу;

ЕАЭБдин эмгек рыногунда эң көп талап кылынган кесиптердин тизмесин түзүү;

көбүрөөк талап кылынган кесиптер боюнча сунушталган квалификациялык талаптарды иштеп чыгуу.

Социалдык кепилдиктерди камсыз кылуу

пенсиялык укуктарды түзүүдө, сактоодо жана ишке ашырууда ишке орноштуруучу мамлекеттин жарандары менен бирдей шарттарды түзгөн жана эмгекчилердин пенсияларын экспорттоо маселелерин чечкен ЕАЭБ мамлекеттеринин эмгекчилерин пенсия менен камсыз кылуу жөнүндө макулдашууну ишке ашыруу;

социалдык камсыздандыруу (медициналык, кырсыктардан ж. б.);

эмгекчи-мигранттар жана алардын үй-бүлө мүчөлөрү үчүн медициналык жардамдын жеткиликтүүлүгү.