Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 19

10 октябрындагы 2025 Бакытжан Сагинтаев Мигель Диас-Канель Бермудести Куба Республикасынын Эгемендүүлүк күнү менен куттуктады Евразия экономикалык комиссиясынын Коллегиясынын Төрагасы Бакытжан Сагинтаев Куба Республикасынын Президенти, Евразия экономикалык бирлигинин алдындагы байкоочу мамлекеттин башчысы Мигель Диас-Канель Бермудести жана бүткүл куба элин Эгемендүүлүк күнү менен куттуктады. "ЕАЭБ өлкөлөрү менен Куба Республикасынын ортосундагы кызматташтык бекем негизге жана чоң потенциалга ээ, биздин элдердин кызыкчылыгында дайыма бекемделүүдө", – деп айтылат куттуктоо катында. ЕЭКтин жана жеке өзүнүн атынан Бакытжан Сагинтаев Кубага бакубатчылык жана гүлдөп өнүгүү каалады.

10 октябрындагы 2025 Максим Ермолович Өзбекстандын Атаандаштыкты өнүктүрүү жана керектөөчүлөрдүн укуктарын коргоо комитетинин башчысы Халилилло Турахужаев менен сүйлөшүүлөрдү өткөрдү Евразия экономикалык комиссиясынын атаандаштык жана монополияга каршы жөнгө салуу министри Максим Ермолович 9-октябрда Ташкентте Өзбекстан Республикасынын Атаандаштыкты өнүктүрүү жана керектөөчүлөрдүн укуктарын коргоо комитетинин төрагасы Халилилло Турахужаев менен жумушчу жолугушуу өткөрдү. Тараптар атаандаштык чөйрөсүндө өз ара аракеттешүүнүн негизги маселелерин талкуулашты. Атап айтканда, санариптик платформаларды жөнгө салуу боюнча биргелешкен консультацияларды, форумдарды жана семинарларды өткөрүүнүн, тажрыйба, аналитикалык материалдар жана мыкты практикалар менен алмашуунун перспективалары каралды. Жолугушуунун жыйынтыгы боюнча эксперттик өз ара аракеттенүүнү активдештирүү тууралуу макулдашылды. 2020-жылдын декабрында Жогорку Евразия экономикалык кеңеши Өзбекстан Республикасына Евразия экономикалык бирлигинин алдындагы байкоочу мамлекет статусун берген.

10 октябрындагы 2025 Данияр Иманалиев: "Заманбап технологиялар ЕАЭБдеги статистиканын сапатын жана жеткиликтүүлүгүн жогорулатат" Евразия экономикалык комиссиясынын интеграция жана макроэкономика боюнча министри Данияр Иманалиевдин жетекчилиги алдында ЕЭК штаб-квартирасында өткөн профилдик Консультативдик комитеттин отурумунда Евразия экономикалык бирлигинин алкагында статистика жаатындагы негизги документтер каралды. Алардын арасында – Евразия экономикалык комиссиясынын 2026-жылга карата статистикалык иштеринин программасы, Евразия экономикалык бирлигинин 2026-2030-жылдарга карата статистика чөйрөсүндөгү интеграцияны өнүктүрүү программасы жана 2026-жылга ЕАЭБ статистикасы чөйрөсүндөгү интеграцияны өнүктүрүү боюнча иш-чаралар планы бар. Комиссияга мүчө мамлекеттердин ыйгарым укуктуу органдары тарабынан берилүүчү статистикалык көрсөткүчтөрдүн актуалдаштырылган тизмеси жана 2026-жылдан баштап колдонула турган аларды берүү формалары жактырылды. ЕАЭБде статистикалык маалыматты түзүү үчүн маалыматтын жаңы булактарын, атап айтканда административдик маалыматтарды пайдалануу жөнүндө маалымат презентацияланды. ЕЭК министринин сөзү боюнча, статистикалык байкоолордун жаңы инструменттерин киргизүү Евразия экономикалык бирлигинин алкагында натыйжалуу башкаруу чечимдерин кабыл алууга өбөлгө түзөт. "Заманбап технологиялар жеткиликтүү маалыматтын спектрин бир кыйла кеңейтүүгө жана улуттук деңгээлде дагы, ЕАЭБ деңгээлинде дагы башка булактардын эсебинен статистиканын сапатын жогорулатууга мүмкүндүк берет, – деп белгиледи ЕЭК министри. – Комиссия ТӨМ маселелери жана маалыматтардын жаңы булактарын, анын ичинде чоң маалыматтарды пайдалануу боюнча эл аралык уюмдар жана интеграциялык бирикмелер менен жигердүү өз ара аракеттенет". 2024-жылга карата ЕАЭБ өлкөлөрүнүн ортосунда товарларды өз ара сатуу статистикасынын "күзгү" маалыматтарын салыштыруунун жыйынтыктары каралды, ошондой эле 2026-жылы маалыматтарды салыштыруу боюнча эксперттердин эки тараптуу жолугушууларын өткөрүү графиги түзүлдү. Электрондук соода товарларынын экспортунун (импортунун) көлөмдөрү жөнүндө расмий маалыматты түзүү үчүн ЕАЭБ мамлекеттеринин товарларынын тышкы соодасынын бажы статистикасын жүргүзүү методологиясына өзгөртүүлөрдү киргизүү жактырылды. Каржы статистикасынын көрсөткүчтөрүн түзүү боюнча методологиялардын долбоорлору, ошондой эле ЕАЭБдин ачык маалыматтары үчүн SDMX евразиялык регистрин колдонууда эл аралык стандарттын ыйгарым укуктуу органдар тарабынан колдонулушу боюнча сунуштамалар колдоого алынган.

10 октябрындагы 2025 Максим Ермолович: "ЕЭК атаандаштыктын жалпы эрежелерин эске алуу менен санариптик рынокторду жөнгө салат" Евразия экономикалык бирлигинин алкагында атаандаштыктын жалпы эрежелерин, анын ичинде укук колдонуу практикасын жана негизги кейстерди эске алуу менен санариптик рынокторду жөнгө салуу жөнүндө 10-октябрда Ташкентте Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович айтып берди. "Өзбекстан Республикасындагы платформалык экономика: атаандаштык жөнүндө мыйзамдар жана санариптик платформалардын рыноктук бийлиги" эл аралык семинарынын панелдик сессиясында сүйлөп жатып, ЕЭК министри Комиссиянын учурдагы иштеринин багыттарына көбүрөөк көңүл бурду. Атап айтканда, ал санариптик рынокторду жана санариптик (электрондук) платформалардын ишмердүүлүгүн изилдөөдө колдонулуучу жалпы ык-амалдарды калыптандыруу, бул чөйрөдө сектордук изилдөөлөрдү жүргүзүү, электрондук соода жөнүндө макулдашуунун долбоорун даярдоо жөнүндө билдирди. "Бүгүнкү күндө ЕАЭБ укугу Комиссия тарабынан санариптик рыноктордо атаандаштыктын жалпы эрежелеринин сакталышын көзөмөлдөө үчүн инструменттердин жетиштүү тизмесин берет. Атаандаштыктын абалын баалоо ыкмасы мындай рыноктор үчүн мүнөздүү факторлорду эске алууга мүмкүндүк берет", — деп баса белгиледи Максим Ермолович. Иш-чаранын катышуучулары тематикалык панель форматында санариптик рыноктордогу атаандаштык жөнүндө мыкты мыйзамдык тажрыйбаларды, атаандаштыкка жана рынок бийлигине жасалма интеллекттин өсүп жаткан таасирин талкуулашты. Глобалдык санариптик экономика шарттарында атаандаштык мыйзамдарын колдонуу стратегиясы жана бул жааттагы иликтөөлөр менен учурдагы кырдаал жөнүндө эксперттик дискуссиялар болуп өттү. Иш-чара Өзбекстан Республикасынын Атаандаштыкты өнүктүрүү жана керектөөчүлөрдүн укуктарын коргоо боюнча комитети тарабынан БРИКСтин Атаандаштык укук жана саясат борбору менен биргеликте уюштурулган жана атаандаштык чөйрөсүндөгү алдыңкы эксперттерди, ошондой эле Евразия экономикалык бирлигинин өлкөлөрүнүн, Бразилиянын, Германиянын, Индиянын, Италиянын, Кытайдын атаандаштык ведомстволорунун өкүлдөрүн чогултту.

09 октябрындагы 2025 Наира Карапетян: "ЕАЭБде асыл тукум мал чарбасын өнүктүрүү боюнча аракеттерди бириктирүү агрардык сектордун атаандаштыкка жөндөмдүүлүгүн жогорулатат" 9-октябрда Евразия экономикалык комиссиясынын Агроөнөр жай саясаты департаментинин директору Наира Карапетяндын төрагалыгы астында Москвада өткөн "Алтын күз – 2025" россиялык агроөнөр жай көргөзмөсүнүн ишкер программасынын алкагында Евразия экономикалык бирлигинде асыл тукум мал чарбачылыгы боюнча координациялык кеңешме болуп өттү. Асыл тукум ресурстары рыногун өнүктүрүү боюнча пландар, асыл тукум ишинин тутумун түзүүнүн механизмдери жана инструменттери, ЕАЭБ алкагында асыл тукум мал чарбачылыгында санариптештирүүнү өнүктүрүү талкуунун негизги темалары болду. Наира Карапетян агроөнөр жай комплексин өнүктүрүү үчүн милдеттүү шарт катары асыл тукум мал чарбасынын атаандаштыкка жөндөмдүүлүгү жөнүндө айтып берди. "ЕАЭБ алкагында айыл чарба жаныбарларынын асыл тукум продукциясын жүгүртүүгө чыгарууга, алып келүүгө, алып чыгууга жана жылдырууга карата талаптарды унификациялоо боюнча мындан аркы кадамдар, асыл тукум ресурстары жөнүндө жалпы маалымат базаларын жана жеткирүүнүн туруктуу схемаларын түзүү менен катар, Бирлик мамлекеттеринде асыл тукум продукциялары менен өз ара соода жүргүзүүнү арттыруу жана мал чарбачылыгын өнүктүрүү үчүн жагымдуу шарттарды түзүүгө мүмкүндүк берет", – деп белгиледи Наира Карапетян. ЕЭКтин Агроөнөр жай саясаты департаментинин директорунун орун басары Сауле Молдабаева "Инновациялар – практикага: азыркы этапта жашыл продукция сегменти кандай өнүгүп жатат" панелдик дискуссиясынын жүрүшүндө иш-чаранын катышуучуларын жашыл технологияларды колдонуу жана Бирликтин АӨК органикалык продукциясын жүгүртүү боюнча укугун түзүү чөйрөсүндөгү тажрыйбасы жөнүндө маалымдады. Кеңешмеге ЕАЭБ өлкөлөрүнүн башкаруу органдарынын, мүчө мамлекеттердин асыл тукум мал чарбачылыгы жаатындагы ыйгарым укуктуу уюмдарынын, илимий-изилдөө уюмдарынын, лабораторияларынын жана асыл тукум мал чарбасынын башка субъекттеринин жетекчилери жана өкүлдөрү катышышты.

09 октябрындагы 2025 ЕЭК Коллегиясы ЕАЭБдин эл аралык ишмердүүлүгүнүн 2026-жылга карата негизги багыттарынын долбоорун жактырды Евразия экономикалык комиссиясынын Коллегиясы Евразия экономикалык бирлигинин 2026-жылга карата эл аралык ишмердүүлүгүнүн негизги багыттарынын долбоорун жактырды. Документ Бирликтин келерки жылга тышкы өз ара иштешүүсүнүн негизги артыкчылыктарын, багыттарын жана практикалык милдеттерин аныктайт. Эл аралык ишмердүүлүктүн актуалдуу артыкчылыктары жана жаңы драйверлери Евразия экономикалык бирлигинин алкагында 2030-жылга чейин жана 2045-жылга чейинки мезгилде экономикалык процесстерди андан ары өнүктүрүү жөнүндө "Евразия экономикалык жолу" декларациясында белгиленген — ЕАЭБдин эл аралык аренада экономикалык тартылуунун уюлу катары иштешин камсыз кылуу стратегиялык милдеттерин ишке ашырууга багытталган. Долбоордо Бирликтин эл аралык күн тартибинин бүткүл спектри чагылдырылган, ал жылдан жылга ырааттуу кеңейтилет. Интеграциялык бирикмелер жана эл аралык уюмдар менен кызматташтыкты кеңейтүүгө, үчүнчү өлкөлөр менен диалогду өнүктүрүүгө, ошондой эле глобалдык экономикалык аянтчаларда ЕАЭБдин мүчө мамлекеттеринин кызыкчылыктарын илгерилетүүгө өзгөчө көңүл бурулду. 2026-жылга ЕАЭБдин эл аралык ишмердүүлүгүнүн негизги багыттары Жогорку Евразия экономикалык кеңеши тарабынан бекитилет.

08 октябрындагы 2025 ЕЭК жана АСЕАН өлкөлөрүнүн эксперттери атаандаштык маселелерин талкуулашты ЕЭКтин Атаандаштык саясаты жана мамлекеттик сатып алуулар жаатындагы саясат департаментинин директорунун орун басары Армине Акопян АСЕАНдын атаандаштык боюнча эксперттик тобунун 35-отурумунун атайын сессиясында Евразия экономикалык комиссиясынын Түштүк-Чыгыш Азия мамлекеттеринин ассоциациясы менен атаандаштык маселелери боюнча кызматташтыгынын айрым жыйынтыктары жана өз ара иштешүүсүнүн перспективалары жөнүндө айтып берди. "ЕЭК-АСЕАНдын атаандаштык боюнча атайын сессияларын өткөрүү жакшы салтка айланды. Бул бизге ырааттуу диалог жүргүзүүгө жана кызматташтыкты практикалык тегиздикте өнүктүрүүгө мүмкүндүк берет", – деп белгиледи Армине Акопян. Сессиянын жүрүшүндө Комиссия тарабынан үстүбүздөгү жылдын июль айында Евразия экономикалык бирлигинде жана АСЕАН өлкөлөрүндө атаандаштык саясаты жана укук колдонууга арналган семинардын натыйжалары талкууланды. Семинардын жыйынтыгы боюнча ЕЭК жана АСЕАН ишмердүүлүгүнүн өзгөчө кызыгууну жараткан багыттары белгиленди. Алар, атап айтканда, АСЕАНдын улуттук атаандаштык органдарынын өз ара аракеттенүүсүнүн ийгиликтүү форматтарына, алардын ишин баалоо методологиясына, укук колдонуунун бир катар өзгөчөлүктөрүнө тиешелүү. АСЕАНды Комиссия жыл сайын өткөргөн атаандаштык маселелери боюнча аймактык уюмдардын жолугушууларынын жыйынтыктары, ошондой эле бул чөйрөдө ЕЭКтин ыйгарым укуктарын түзүү тажрыйбасы кызыктырды. "ЕАЭБде жана АСЕАНда интеграциянын ар кандай деңгээлдерине, ЕЭК менен АСЕАНдын атаандаштык чөйрөсүндөгү ыйгарым укуктарындагы жана функционалдуулугундагы айырмачылыктарга карабастан, эки интеграциялык бирикменин бир максаты бар – ак ниет атаандаштык үчүн шарттарды камсыз кылуу, – деп баса белгиледи Армине Акопян. – Бул максатты ишке ашыруу үчүн биз бири-бирибиздин мыкты тажрыйбаларды үйрөнүүгө жана аларды өз ишибизге киргизүүгө даярбыз". Отурумдун катышуучулары семинар жана консультация форматында, ошондой эле атаандаштык маселелери боюнча интеграциялык регионалдык уюмдардын диалогуна катышуу аркылуу дискуссияларды улантуу жөнүндө Комиссиянын сунушун колдошту. Иш-чарага АСЕАН мамлекеттеринин атаандаштык органдарынын, ошондой эле АСЕАН Катчылыгынын өкүлдөрү катышышты.

08 октябрындагы 2025 Руслан Давыдов: "Санариптик бажы инструменттери ЕАЭБге балдар үчүн товарларды мыйзамсыз алып кирүүдөн коргой алат" Евразия экономикалык комиссиясынын бажы кызматташтыгы боюнча министри Руслан Давыдов Минскте өткөн "Антиконтрафакт-2025" Эл аралык форумунун тематикалык сессиясында ЕАЭБ мейкиндигинде колдонулуп жаткан жана балдар үчүн товарларды мыйзамсыз алып кирүүгө каршы келечектүү чаралар катары каралып жаткан санариптик инструменттер жөнүндө айтып берди. ЕЭК бажы блогунун башчысы санариптештирүүнүн үч негизги инструментин баса белгиледи: навигациялык пломбалар, товарлардын санариптик маркаланышы жана товарларды Бирликтин бажы чек арасы аркылуу, ошондой эле Бирликтин ичинде өткөрүүдө электрондук документ жүгүртүү. Руслан Давыдовдун сөзү боюнча, санариптик маркалоо ЕАЭБ өлкөлөрүндө кеңири колдонулууда. Ар кандай товардык топторду маркалоо менен камтуу деңгээли мамлекеттер боюнча ар кандай болушу мүмкүн, бирок иш жүргүзүлүп жатат жана товардын конкреттүү бирдигинин жүгүртүлүшүнүн мыйзамдуулугун көзөмөлдөөгө мүмкүндүк берет. ЕЭК министри эскертип өткөндөй, навигациялык пломбалар 2026-жылдын февралынан тартып "бешилтикте" колдонула баштаган — тиешелүү чечимди Комиссиянын Коллегиясы кабыл алган. Товарларды ташууда электрондук документтерди киргизүү санариптик экотутумду түзүүдө жана товарларды алып келүүнүн жана жүгүртүүнүн ачык-айкындуулугун жакшыртуу боюнча андан аркы иштерде логикалык кадам болуп саналат. "Бул инструменттерди киргизүү келечекте товарлардын кыймылы жөнүндө чоң маалыматтарды түзүүгө мүмкүндүк берет, алар бажы органдары тарабынан гана эмес, башка кызыкдар контролдоочу түзүмдөр тарабынан талданат, бул шектүү жана кооптуу жеткирүүлөрдү, анын ичинде балдар үчүн товарларды аныктоого жардам берет", — деп белгиледи Руслан Давыдов. Чыгып сүйлөгөн сөзүндө ЕЭК министри ЕАЭБ мүчө мамлекеттеринин өкмөт башчыларынын тапшырмасы боюнча Комиссия ЕАЭБге товарлардын ташылып келишин декларациялоонун мониторингин жана талдоону жүзөгө ашырат жана бул талдоонун натыйжалары мыйзамсыз продукцияны ташып келүүгө каршы күрөштө пайдалуу болуп чыкты деп кошумчалады. "Ушул жылдын июль айында Комиссиянын Коллегиясы ЕАЭБдин мүчө мамлекеттерине бажы декларациясынын 31-графасынын толтурулушун текшерүүгө багытталган кошумча чараларды көрүү сунушун кабыл алган – кеп импорттолуучу кийимдердин жана бут кийимдердин толук сүрөттөлүшү жөнүндө болууда. Эгерде декларацияда артикул, модель, өндүрүүчү жана соода маркасы көрсөтүлбөсө, анда алып келүүнүн мыйзамдуулугун контролдоо кыйла оорлой тургандыгын биз түшүнөбүз", – деди Руслан Давыдов. Ал ошондой эле ЕАЭБдин бардык мүчө өлкөлөрүнүн мамлекеттик органдарынын контрафакт жана фальсификат менен күрөшүүдөгү аракеттерди синхрондоштуруу боюнча биргелешкен жигердүү ишинин зарылдыгын баса белгиледи.

Дагы көрсөтүү