Եվրասիական տնտեսական հանձնաժողովի Կոլեգիայի նախագահ​

կազմակերպում է Հանձնաժողովի Կոլեգիայի գործունեությունը և պատասխանատվություն կրում նրան վերապահված գործառույթների կատարման համար.

սահմանված կարգով ձևավորում է Հանձնաժողովի Կոլեգիայի և Հանձնաժողովի խորհրդի հերթական ժամանակահատվածի նիստերի պլանների և Հանձնաժողովի Կոլեգիայի, Հանձնաժողովի խորհրդի նիստերի օրակարգերի նախագծերը, ինչպես նաև Բարձրագույն խորհրդի և Միջկառավարական խորհրդի նիստերի օրակարգերի նախագծերը.

զեկուցում է Հանձնաժողովի խորհրդին, Միջկառավարական խորհրդին և Բարձրագույն խորհրդին վերջիններիս որոշումը պահանջող հարցերի և այլ փաստաթղթերի մասին՝ Հանձնաժողովի Կոլեգիայի նիստում դրանց քննարկման արդյունքների վրա հիմնված համապատասխան առաջարկներով.

սահմանում է Հանձնաժողովի վարչությունների աշխատանքային կարգը, ինչպես նաև որոշում Հանձնաժողովի վարչությունների իրավասությանն առնչվող հարցերը.

կազմակերպում է Հանձնաժողովի Կոլեգիայի, Հանձնաժողովի խորհրդի, Միջկառավարական խորհրդի և Բարձրագույն խորհրդի նիստերի նախապատրաստման աշխատանքը.

վարում է Հանձնաժողովի Կոլեգիայի նիստերը, ներկայացնում Հանձնաժողովի Կոլեգիան Հանձնաժողովի խորհրդում.

սահմանում է զանգվածային լրատվամիջոցների ներկայացուցիչների հետ փոխգործակցության կարգը, Հանձնաժողովի պաշտոնատար անձանց և աշխատակիցների հրապարակային ելույթների կանոնները.

հանդես է գալիս որպես Միության բյուջեի կառավարիչ Հանձնաժողովի անունից.

մրցույթի արդյունքների հիման վրա նշանակում է վարչությունների տնօրեններին, նրանց տեղակալներին և Հանձնաժողովի աշխատակիցներին.

հաստատում է Հանձնաժողովի վարչությունների մասին հիմնադրույթները: