кыр

Жаңылыктар

ЕЭК СМИде Фото Видео
04 июнундагы 2025 Арзыбек Кожошев: "ЕАЭБ менен АСЕАНдын натыйжалуу өз ара аракеттенүүсү — Евразиядагы логистиканы өнүктүрүүнүн драйвери" ЕАЭБ жана АСЕАНда транспорт чөйрөсүндө интеграцияны өнүктүрүү тажрыйбасын жана алардын перспективаларын ЕЭК-АСЕАНдын "Чек ара аралык кургакта ташууларды ишке ашыруу жана аларды тиешелүү жөнгө салуу жаатында тажрыйба алмашуу" жолугушуусунун катышуучулары талкуулашты. Иш-чара ЕЭКтин Москвадагы штаб-квартирасы менен Джакартадагы (Малайзия) АСЕАН катчылыгынын ортосунда телекөпүрө режиминде болуп өттү. ЕЭКтин энергетика жана инфраструктура боюнча министри Арзыбек Кожошев семинарды ачып, саламдашуу сөзү менен чыгып сүйлөдү. "ЕАЭБ жана АСЕАН өлкөлөрү уникалдуу географиялык жана геоэкономикалык абалга, жогорку транзиттик жана өнөр жай потенциалына ээ. Түштүк-Чыгыш Азиянын жигердүү өнүгүп келе жаткан рынокторун жана транспорттук-логистикалык жеткирүүлөрдүн өзгөрүшүн эске алуу менен логистикалык хабдарды түзүү жана транспорттук коридорлорду, мультимодалдык транспортту өнүктүрүү үчүн аракеттерди координациялоо маанилүү милдет болуп калат", — деп белгиледи Арзыбек Кожошев. Семинардын катышуучулары интеграциялык бирикмелердеги транспорт чөйрөсүн жөнгө салуунун институционалдык негиздери, интеграциялык процесстердин заманбап тренддери жөнүндө маалымат беришти, ошондой эле транспорт, инфраструктураны жана логистиканы өнүктүрүү чөйрөсүндөгү санариптештирүүнүн жыйынтыктарын жана келечектүү багыттарын талкуулашты. ЕАЭБде транспорт чөйрөсүндө интеграцияны өнүктүрүү боюнча иштер жана жетишилген натыйжалар жөнүндө ЕЭКтин Транспорт жана инфраструктура департаментинин директору Рустан Дженалинов маалымат берди. Ошондой эле иш-чарада Бириккен транспорттук — логистикалык компаниянын — Евразиялык темир жол альянсынын, Автомобиль транспортунун эл аралык бирлигинин, АСЕАН Катчылыгынын жана АСЕАН өлкөлөрүнүн транспорт министрликтеринин өкүлдөрү сөз сүйлөштү.
03 июнундагы 2025 Динара Мукаева ЕЭКтин Монополияга каршы жөнгө салуу департаментинин директорунун орун басары болуп дайындалды Динара Бакытовна Мукаева 1987-жылы Казакстандын Алматы облусунда туулган. Абай атындагы Казак улуттук педагогикалык университетин "Эл аралык укук" адистиги боюнча аяктаган. 2008-2020-жылдары Казакстан Республикасынын монополияга каршы орган системасында ар кандай кызматтарда иштеген. 2020-2022-жылдары Казакстан Республикасынын Коргоо жана атаандаштыкты өнүктүрүү агенттигинин картелдерге каршы күрөшүү бөлүмүн жетектеген. 2022-2025-жылдары Казакстан Республикасынын Атаандаштыкты коргоо жана өнүктүрүү агенттигинин Абай облусу боюнча аймактык Департаментин жетектеген. Казакстан Республикасынын "Монополияга каршы кызматтын отличниги" төш белгиси менен сыйланган. 2025-жылдын 28-майынан тарта Евразия экономикалык комиссиясынын Монополияга каршы жөнгө салуу департаментинин директорунун орун басары болуп дайындалды.
02 июнундагы 2025 Виталий Вовк: "ЕАЭБ алкагында станок-инструменталдык продукциянын атаандаштыкка жөндөмдүүлүгү мүчө мамлекеттердин колдоосун талап кылат" Евразия экономикалык комиссиясынын Өнөр жай саясаты департаментинин директорунун орун басарлары Виталий Вовк жана Лаура Садыкова "Металл иштетүү-2025" металл иштетүү өнөр жайы үчүн жабдуулардын, приборлордун жана аспаптардын эл аралык адистештирилген көргөзмөсүнө катышышты. Көргөзмөнүн жана анын аянтчасында өтүп жаткан "Инвестициялар. Өнүгүү. Кооперация" эл аралык соода-өнөр жай конгрессинин иш-чараларынын алкагында өз кубаттуулуктарында өтө маанилүү себилдегичтерди өндүрүүнү өнүктүрүү зарылчылыгы белгиленди. ЕЭК өкүлдөрү станок-инструменталдык продукциянын белоруссиялык жана россиялык өндүрүүчүлөрү менен жолугушту. "Азыр Евразия экономикалык бирлигинин өлкөлөрүнүн станок куруу ишканаларын адистештирүү, биринчиден, ЕАЭБ өлкөлөрү үчүн өтө маанилүү болгон себилдегичтерди өндүрүүнү жолго салуу, экинчиден, ички атаандаштыкты түзбөө үчүн өзгөчө маанилүү", — деп баса белгиледи Виталий Вовк сүйлөшүүлөрдүн жүрүшүндө. Ал ошондой эле азыркы этапта евразиялык станоктордун жана себилдегичтердин атаандаштыкка жөндөмдүүлүгүн жогорулатуу үчүн Бирлик өлкөлөрүн буйрутмаларды камсыз кылуу жана даяр продукцияны сатууга кепилдиктерди берүү жагында олуттуу колдоо зарыл экенин белгиледи. Блоктун өкүлдөрү көргөзмөнүн катышуучуларына өнөр жай кооперациясын каржылоо механизми жөнүндө айтып берип, аларды мүчө мамлекеттердин ишканаларынын кооперациялык чынжырына кошулууга чакырышты.
ЕАЭБ ширелерди өндүрүү үчүн тропикалык жемиштерден жасалган пюрелерге алып келүү бажы алымдарын убактылуу нөлгө түшүрдү 02 июнундагы 2025 ЕАЭБ ширелерди өндүрүү үчүн тропикалык жемиштерден жасалган пюрелерге алып келүү бажы алымдарын убактылуу нөлгө түшүрдү Евразия экономикалык комиссиясынын кеңеши банан, манго, киви, нектарин пюрелерине, ошондой эле шабдалы, өрүк жана алмуруттарга карата алып келүү бажы алымдарынын убактылуу нөлдүк коюмдарын белгилеген. "Бул жемиштерден алынган концентрацияланган пюре шире продукциясын, анын ичинде балдар тамак-ашын өндүрүү үчүн колдонулат. Бирок алардын көпчүлүгү Евразия экономикалык бирлигинин өлкөлөрүнүн аймагында өспөйт же өнөр жайлык кайра иштетүү үчүн жетишсиз санда өсөт. Буга байланыштуу бизнес импорттук өндүрүштүн чийки затын сатып алууда, аларга баалар акыркы жылдары кыйла өстү", – деп түшүндүрдү ЕЭКтин Бажы-тарифтик жана тарифтик эмес жөнгө салуу департаментинин директору Ваагн Казарян. Ошол эле учурда ал чаранын иштөө мөөнөтү ЕАЭБ мамлекеттеринде жеке багбанчылыкты өнүктүрүү боюнча инвестициялык программаларды эске алуу менен эсептелгенин жана пюрелердин ар кандай түрлөрү үчүн бир жылдан үч жылга чейинки мөөнөттү түзөрүн баса белгиледи. Аталган чечим расмий жарыяланган күндөн баштап 10 календардык күн өткөндөн кийин күчүнө кирет.
ЕЭК Кеңеши 2026-жылдын аягына чейин жеңил өнөр жай товарларынын айрым түрлөрүнө алып келүү бажы алымынын ченин жогорулатууну жактырды 02 июнундагы 2025 ЕЭК Кеңеши 2026-жылдын аягына чейин жеңил өнөр жай товарларынын айрым түрлөрүнө алып келүү бажы алымынын ченин жогорулатууну жактырды ЕЭК Кеңеши 2026-жылдын аягына чейин жеңил өнөр жай товарларынын айрым түрлөрүнө алып келүү бажы алымынын ченин жогорулатууну жактырды Евразия экономикалык комиссиясынын кеңеши "пахта жиптеринен басылгандан башка төшөнчү шейшептерине" карата алып келүү бажы алымынын ченин 12%га чейин (ЕАЭБ ТЭИ ТН коду 6302 21 000 0), бирок 1 кг үчүн 0,44 евродон кем эмес 2026-жылдын 31-декабрына чейин кошо алганда жогорулатуу жөнүндө чечим кабыл алды. "Кабыл алынган бажы-тарифтик жөнгө салуу чарасы төшөнчү шейшептерин өндүрүү үчүн жип бизге негизинен үчүнчү өлкөлөрдөн келе тургандыгын эске алуу менен атамекендик ишканаларды кошумча колдоого мүмкүндүк берет", – деп белгиледи ЕЭКтин Бажы-тарифтик жана тарифтик эмес жөнгө салуу департаментинин директору Ваагн Казарян. Ошол эле учурда ал ЕАЭБ өлкөлөрүнүн өндүрүүчүлөрү өз мүнөздөмөлөрү боюнча импорттук төшөнчү шейшептеринен кем калбаган продукцияларды чыгарышарын жана кеңири ассортиментти сунуштаарын баса белгиледи. Аталган чечим расмий жарыяланган күндөн баштап 10 календардык күн өткөндөн кийин күчүнө кирет.
Тамак-аш продукциясына карата техрегламентке стандарттардын тизмесине өзгөртүүлөр күчүнө кирди 02 июнундагы 2025 Тамак-аш продукциясына карата техрегламентке стандарттардын тизмесине өзгөртүүлөр күчүнө кирди 2-июнда Евразия экономикалык комиссиясынын Коллегиясы тарабынан 2024-жылдын декабрында кабыл алынган, Евразия экономикалык бирлигинин тамак-аш продукциясына карата техникалык регламентке стандарттардын тизмесине өзгөртүүлөр күчүнө кирди. Өзгөртүүлөргө ылайык, ыктыярдуу колдонуу стандарттарынын тизмеги 17 мамлекеттер аралык стандарт менен, ыкмаларга стандарттардын тизмеги – бир мамлекеттер аралык стандарт менен толукталды. 10 мамлекеттер аралык стандарттар актуалдаштырылган редакцияда баяндалган. ЕАЭБ өлкөлөрүнүн 14 улуттук стандарттары алынып салынды, анткени алардын негизинде тийиштүү мамлекеттер аралык стандарттар иштелип чыккан. Өзгөртүүлөр Комиссия тарабынан ЕЭК Кеңеши тарабынан бекитилген эл аралык жана регионалдык (мамлекеттер аралык) стандарттардын тизмелерин иштеп чыгуу жана кабыл алуу тартибинин 36-пунктунун "б" пунктчасын эске алуу менен Бирлик өлкөлөрүнүн стандартташтыруу боюнча ыйгарым укуктуу органдарынын сунуштарынын негизинде даярдалган.
01 июнундагы 2025 Бакытжан Сагинтаев Никол Пашинянды мааракеси менен куттуктады Евразия экономикалык комиссиясынын Коллегиясынын Төрагасы Бакытжан Сагинтаев Армения Республикасынын Премьер-министри, Жогорку Евразия экономикалык кеңешинин мүчөсү Никол Пашинянды 50 жылдык мааракеси менен куттуктады. "Сиз Евразия экономикалык бирлигинин мейкиндигинде конструктивдүү жана өз ара пайдалуу кызматташтыкты бекемдөөгө олуттуу салым кошуп келесиз", – деп айтылат куттуктоо катында. Бакытжан Сагинтаев Евразия экономикалык комиссиясынын жана жеке өзүнүн атынан Никол Пашинянга чың ден соолук жана Армениянын жана анын жарандарынын жыргалчылыгы үчүн андан аркы жетишкендиктерди каалады.
30 майындагы 2025 Бахыт Султанов: "Жасалма интеллектти пайдалануу менен укук ээлеринин укуктарын коргоонун ортосундагы кызыкчылыктардын тең салмактуулугун сактоо зарыл" Евразия экономикалык бирлигинин өлкөлөрүнүн экономикасынын ар кандай тармактарына жасалма интеллектти (ЖИ) киргизүүгө байланыштуу мүмкүнчүлүктөр жана тобокелдиктер жөнүндө Евразия экономикалык комиссиясынын экономика жана каржы саясаты боюнча министри Бахыт Султанов Astana International Forumда айтып берди. Бахыт Султанов форумдун "Жасалма интеллект доорундагы интеллектуалдык менчик" панелдик сессиясында сүйлөп жатып, ЖИ жардамы менен жаралган чыгармаларга карата укуктарды жана жоопкерчиликти чектөө маселелерине токтолду. Ал авторлукту аныктоодогу татаалдыктарга, ошондой эле илимий жана инновациялык ишмердүүлүктө жасалма интеллект технологияларын колдонууну жөнгө салуу үчүн так эрежелерди жана ченемдик актыларды иштеп чыгуу зарылдыгына өзгөчө басым жасады. Бахыт Султанов бул чөйрөдө эл аралык стандарттарды жана макулдашылган ык- амалдарды түзүүнүн маанилүүлүгүн баса белгилеп, ЕАЭБ өлкөлөрү улуттук мыйзам чыгаруу демилгелерин түзүүнүн үстүндө жигердүү иштеп жатышканын белгиледи: Казакстан 2024-2029-жылдарга ЖИ өнүктүрүү концепциясын кабыл алган, Беларусь жасалма интеллект жөнүндө мыйзамды иштеп чыгууда, ал эми Россияда 2030-жылга чейин Улуттук стратегия ишке ашырылууда. Министр дүйнөлүк коомчулукта ЖИ жардамы менен түзүлгөн интеллектуалдык менчик объектилерине укуктарды укуктук коргоо жана сактоо маселелери кеңири талкууланып жаткандыгына көңүл бурду. Евразиялык интеграциялык бирикменин алкагында "Евразия экономикалык жолу" декларациясын ишке ашыруу боюнча иш-чаралар планынын долбоору иштелип чыгууда, ал мындай объекттерди укуктук коргоого карата мүмкүн болгон ыкмаларды иштеп чыгууну камтыйт. "Ошону менен катар жасалма интеллектти колдонуу менен укук ээлеринин укуктарын коргоо ортосунда кызыкчылыктардын тең салмактуулугун сактоо маанилүү", – деп белгиледи Бахыт Султанов. Форумдун алкагында ЕЭК министринин Дүйнөлүк интеллектуалдык менчик уюмунун башкы директору Дарен Танг менен жолугушуусу болуп өттү. Уюмдардын ортосундагы Өз ара түшүнүшүү жөнүндө меморандумдун алкагында кызматташуу талкууланды, интеллектуалдык менчикти коргоо жана сактоо контекстинде Евразия экономикалык интеграциясына арналган биргелешкен иш-чараларды өткөрүү мүмкүнчүлүгү каралды. "Комиссия контрафактылык продукцияларды жүгүртүү тенденцияларын жана ЕАЭБде интеллектуалдык менчик укуктарын бузууларга каршы күрөшүү практикасын туруктуу негизде көзөмөлдөп турат. Биз жыл сайын отчет даярдайбыз, анда мыйзам бузуулар жөнүндө маалыматтар жана укук колдонуу практикасын жакшыртуу боюнча сунуштар камтылат", – деп билдирди Бахыт Султанов. ЕЭК министри ошондой эле Миграция боюнча эл аралык уюмдун (МЭУ) башкы директору Эми Поуп менен жолугушту. Бүгүнкү күндө Комиссия жана МЭУнун регионалдык кеңсеси биргелешкен билдирүүнүн үстүндө иштеп жатышат, анын негизин – уюмдар ортосундагы аракеттеги Кызматташтык жөнүндө меморандум жана ага ЕАЭБдин бардык өлкөлөрү кошулган Коопсуз, тартиптүү жана легалдуу миграция жөнүндө глобалдык келишим түзөт.
Дагы көрсөтүү

Ресурсы ЕАЭС